انا كنت عايز أسئل الاعضاء الى عندهم لانسر
أزاى الواحد يفرأ بين الانسر المصرى و الخليجى سواء كانت 1300 أو 1600 أو سوبر أكشن؟
انا بتكلم عن الشكل الخارجى أولا وبعدين التجهيزات ثانيا
لأن الموضوع ده فعلا ملخبطنى
عرض للطباعة
انا كنت عايز أسئل الاعضاء الى عندهم لانسر
أزاى الواحد يفرأ بين الانسر المصرى و الخليجى سواء كانت 1300 أو 1600 أو سوبر أكشن؟
انا بتكلم عن الشكل الخارجى أولا وبعدين التجهيزات ثانيا
لأن الموضوع ده فعلا ملخبطنى
مش معأول يا جماعه مفيش حد عارف اليه الفرق بين المصرى والخليجى؟
أول حاجة بتميز العربية الخليجي وتعرفها بسهولة ان جميع العربيات الخليجي (اللي باشوفها) فانوسها الخلفي شفاف مش أحمر حتى لو كانت 1300 وباقل الكماليات
في حين ان المصري الفانوس أحمر دائما (ما عدا السبورت فقط فانوس شفاف) حتى السام فانوس أحمر برضه مش شفاف
نقطة هامة وسهلة جدا لتمييز العربية الخليجي ان من المواصفات والاشتراطات الخليجية ان رقم الشاسيه يثبت على التابلوه على شمال السائق يعني لو انت واقف خارج العربية عند المراية الشمال بتاعة السواق وبتبص على التابلوه في الحتة دي هتشوف رقم الشاسيه مكتوب فيها ، المصري مفيهوش الموضوع ده (ولا الأردني)
طبعا لو بتشتري من معرض يبقى الفيصل لمعرفة المصري من الخليحي او الأردني أن المصري معاه دفتر الضمان الأحمر مختوم بختم شركة مصرية الوكيل (الخليجي مش مختوم بختم مصرية بالتأكيد)
بالنسبة للتجهيزات فتجهيزات وكماليات المصري واضحة وثابتة وهي المذكورة في الصفحة دي من موقع شركة مصرية
http://www.mitsubishi-motors.com.eg/...X/options.html
انما تجهيزات الخليجي بتختلف حسب الدولة الخليجية وانا للأسف ما اعرفهمش بالتفصيل
السلام عليكم
شوف يا سيدى حقولك على اللى سمعته فى التوكيل لما سالت نفس سؤالك
المصرى فيها 4 سماعات والخليجى 2
مقابض المصرى نيكل
المصرى فيها عتب والخليجى بدون
تكيف الخليجى أشد من المصرى
بوية الخليجى بتستحمل الشمس عن المصرى
عفشة المصرى بتستحمل عن الخليجى
ألف شكر يا بشمهندس طارق
بس هو الكلام ده فى الشكل القديم بس ولا الجديد كمان؟
موضوع رقم الشاسيه على التابلوه (يظهر من الزجاج الأمامي على الشمال) ده من الاشتراطات الخليجية لأي عربية أيا كان نوعها وموديلها علشان تدخل الخليج
بالظبط زي موضوع ان العربية لازم تصفر انك تعديت حد السرعة القصوى في الخليج (120 كيلومتر)
موضوع ختم شركة مصرية على دفتر الضمان ده برضه لجميع سيارات مصرية (لانسر - لانسر EX - باجيرو - غيرها)
طبعا موضوع الفانوس الشفاف ده خاص بالشكل القديم فقط (1300 - 1600)
وهل دة ينطبق على السيارات القديمة مثل موديل 98 مثلا؟
teeka قال:
المصرى فيها 4 سماعات والخليجى 2
الانسر الخليجى فيها اربع سماعات مش 2 و بعدين عفشة الخليجى اقوى من المصرى و ليس العكس
الخليجى متورها اقوى من المصرى 122 حصان بينما المصرى 105 حصان و لكن من عيوب الخليجى انها بتحتاج بنزين 95 اما المصرى 92 من مميزات المصرى نظام الabs و دة مش موجود فى الخليجى باستثناء ال1600 سبورت تقريبا موجود فيها .
بالرغم من المشاركا الهامة لللاخوة الاعضاء والمعلومات الهامة المذكورة لكنكم جعلتونى فى حيرة شديدة لانى حاجز لانسر خليجى 1300 موديل 2007 جديدة تكيف وباور فقط ولونها احمر نبيتى R20 وهاستلمها بعد شهر ولحد دلوقت مش عارف اى تفاصيل عن:
1- شكل الفوانيس الخلفية و مكان الايريال فوق الزجاج الخلفى والا فين
2-فيها كام سماعة ومكانهم وهل الصوت بيبقى هو هو زى الانسر المصرى والا اقل
3-هل العفشة تستحمل فى مصر والا لا
4-نوع البنزين الى يمشى معاها ومايبوظهاش
5-كيف افرق بينها وبين الاردنى
6-وهل ايرباج و فرامل Abs موجودة فى 1600 فقط
ماعلش سامحونى طولت عليكو بس انا خبرتى بالانسر قليلة ومحتاج مساعدة الناس الى فاهمين فى الموضوع ده واشكركم مرة تانية