الموضوع: مشكله جديد اتخنقت خلاص

والله انا بعاني برده من موضوع الحرارة ده بيضايقني بزات اني واخد على الياباني حرارته قليلة جداً , والله وأعلم التصفير الي في العجلة الي قدام ده ممكن تيل وحش يعني خامته مش كويسه أو التيل عاوز يتنظف بيفكه الميكانيكي وينظفه ويركبه تاني , ده في حالة لو هوه سليم مش خلصان والله أعلم .

المشاركة الأصلية كتبت بواسطة tamertamer

مدام عجلة وحدة يبقا التيل بعيد عن الحوار دة روح للنعفشجى وشوف رئية اة ممكن تكون الطنبورة ممكن التيل فى النهاية
بالنسبة للحرارة اياك تسبها كدة ممكن تودى المتور فى دهية اكشف على دورة المية اكيد تخللها هواء من اى مكان بس بسرعة متهملش عشان متجبش وش سلندر بعد الشر

بص ياتامر موضوع الحراره ده مبيظهرش اوى الا عند الظهر بس يعنى فى الحار ام العجله دى وانا ماشى سرنسه بس وانت هاتنزل امتى لمحمد سوسو

المشاركة الأصلية كتبت بواسطة batestota_62

عندى العاجله اليمن امامى بتصفر جامد وانا ماشى سارنسه وساعات العاجل كلها لو دوست فرمل اتخنقت حاجات كتير بتحصل فى العربية مش عارف ليه يعنى عندى بردو الحراره بتوصل 100 وساعات تعدى حاجات بسيطة :i_angr1[1]::i_angr1[1]::i_angr1[1]:

موضوع العجلة دي امرها سهل ان شاء الله
انت بس روح فك خزنة الفرامل بتاعتها وشيك على التيل والديسك وغالبا لو مش تيل يبقى مجرد تنضيف وراجع على صاجة التراب

نيجي للحرارة

في كذا حاجة تسخن العربية
1 - اتأكد ان دورة المياه مفيهاش اي تسريب او سدد وان مستوى المياه مضبوط.

2 - اتأكد ان نسبة ضغط المياه داخل الدورة مش عالي ( اضغط على الخرطوم اللي خارج من وش السيليندر بالابهام والسبابة واتأكد انه مش محجر وفيه نسبة مرونة ) عند درجة حرارة من 90 الى 93 .

3 - اتأكد ان ترموستات الكوعة ( ان وجدت ) بتفتح وتقفل مظبوط ؟

4 - مهم جدا تتأكد ان مروحة الريدياتير شغالة بكفائة عالية من 90 الى 93 وان مروحة التكييف بتشتغل عند 94 - 95 تقريبا وبسرعة عالية حتى لو التكييف مش شغال ( ممكن تكون جميع السرعات شغالة لكن ابطأ من الطبيعي وده غلط ) وراجع كويس على الكابل الارضي بتاع المراوح لانه غالبا لما بيتحمص بتقل كفائته

5 - اتأكد ان مافيش اي ضعف في كتاوتات المراوح

6 - في حالة ان ضغط المياه عند حرارة من 90 الى 93 كان عالي داخل دورة المياه وفي حالة عدم وجود اي تسريب للمياه راجع على مستوى المياه في القربة لو لقيته منخفض قوي وبيرتفع بشكل ملحوظ قوي عند تنفيس غطاء القربة لازم تراجع على جوان وش السيليندر

هذا والله اعلم