-
سيارات سياحة...
المنتدي جميل جدا والناس اللي فيه ناس محترمة و مفيدة جدا...يمكن يكون الكلام اللي انا شفته هنا من
الاسباب اللي خلتني استقر على عربية معينة.كانت كتير من اللي عرفتوا عنها من مشاركاتكوا هنا .بس
بس في موضوع كنت عاوز اقولكوا عليه ..هيه السيارات ترخيص سياحة . انا عرفت ان تمن عربية زي الكورولا 2008 بيوصل لحوالي 91 او 92 الف جنيه..حسب سعر الدولار.لانه بيبقى عملة التسعير ..زي ما فهمت برضه و الله اعلم..لكن هو ممكن حد يجيب عربية على اسم شركة و تستعمل ملاكي ؟الاتوبيس الخاص مشاكله كتير و رخصة مهنية و تأمين سائق و خط سير و دوشة ..ياترى السياحة عليها نفس الدوشة ؟..
ملحوظة : ياريت حد من الادارة يغير اسمي لو يعرف !!انا خايف يفضل معايا علطول.انا اسمي علاء..
-
أنا أعرف ان العربية السياحة ممكن تجيبها على شركة سياحة بس لو صاحبها معرفة
و بيديلك دفتر على انك مأجرها منه و تمشي بيها عادي خالص
بس لازم تكتب ورق بينك وبينه (لأنها هاتكون باسم شركته)
و مش هاتعرف تبيعها الا لو سددت الجمارك بتاعتها
-
أهلا بيك يا علاء منور و غريب أوى الإسم إللى إختارته ده
المهم السياحة دى ليها مشاكل لو حد بلغ عنك أو عن صاحب الشركة العربية هاتتسحب و بهدله
-
انا عرفت كمان انه بعد خمس سنين تبقى ملاكي من غير جمارك و ساعتها تتنقل باسمك
او بعد تلات سنين بنسبة بسيطة من الجمارك ..لو الكلام ده صح
-
لو انت متعرفش صاحب الشركه معرفه شخصية وعائليه يبقى بلاش
اصل مفيش حد بقى ليه امان فى الزمن ده
-
لو كل المشكلة في ضمان حقك بس ..مفيش مشاكل تانية مع المرور او مواطن غيور
يبلغ زي ما ميموقال ولا اني مش فاهم هيبلغ هيقول ايه؟(المفروض انه انا مأجرها)..يبقى ان شــاء الله مفيش مشكلة و الله تبقى فكرة هايلة...و شكرا على الاهتمام بالمناسبة.
Content Relevant URLs by
vBSEO 3.6.0 PL2