أكل سمك فين فى الأسكندرية؟

**melmegharbel** · 20-04-2010 09:39 AM

الأخوة الأسكندرانية الأعزاء

إن شاء الله ناوى أشد على الأسكندرية يوم الجمعة القادم. فقلت فى نفسى طبعا مفيش غير الأخوة فى المنتدى اللى هيدلونى على أحسن الأماكن اللى ممكن أكل فيها سمك، على فكرة انا أصلا بورسعيدى فبفهم فى السمك.

لو حد يعرف الناس اللى كانوا على خليج أبوقير راحوا فين برضه ياريت يدلنى. أنا كنت روحت عند واحد أسمه جابر من حوالى 5 سنين، بس كان جامد جدا، أنا سمعت إنه إتنقل لو حد عنده معلومات هكون شاكر جداً.

**shaddadfalcon1** · 20-04-2010 10:29 AM

Fish Market
ولو حاجه شعبي ممكن حوده دنجل

**ahmed2y** · 20-04-2010 10:44 AM

فى سيجال وابو اشرف مع انى ابو اشرف جربتة مرة مكنش قوى يعنى وبلبع كمان دا لو عاوز حاجة عالية و فى المكس مكان كدة فى اكشاك كتير جنب بعض بردو جامديين قوى روحت عندهم كذا مرة تدخل تنقى السمك والنت عاوز وتقولة عاوزة ازاى ويعملهولك

**أحمد علاء** · 20-04-2010 10:48 AM

فيه ناس بيقولوا عروس البحر بس الصراحة انا مش كييف سمك
بس الإخوه من الإسكندرية مفروض يقيموامحلات السمك بالأطعم اولا ثم القاعدة ثانيا.
بس اعتقد ان القاعدة عند عروس البرح مش كويسة قوي.

**بحري** · 20-04-2010 11:02 AM

تنور اسكندرية إن شاء الله
مش عاوز أعملك إحباط بس أغلب المطاعم المشهورة وتقريبا كل المطاعم اللي أقل منها بتجيب سمك وجمبري مزارع فلو انت كييييف سمك مش حتتبسط غير من الجو والحركات وممكن طريقة التجهيز..لكن الطعم الأصلي للسمك ممكن يبقى دون المستوى..يعني الأسعار غالية على الفاضي
من حوالي شهر روحنا أنفوشيا وده فاتح جديد في رأس التين وكنا أربع أفراد طلعنا دافعين ٧٠٠ جنيه بلا مقابل حقيقي اللهم إلا المكان الكويس لو عندك حد محتاج تكرمه بقعدة نضيفة

بالنسبة لخليج أبوقير المطاعم اللي عليه كلها اتقفلت ونقلوا للبحر الحي اللي هو الناحية الشمال وانت داخل أبوقير من أول أبوقير لغاية الآخر عند زفيريون وبعده كمان...يعني المطاعم دلوقتي موجودة على طول الشط ..حتلاقي
حودة كينج فيش (اسم المحل كده)
جابر ملك الجمبري
باللو
النن
محروس
وده طبعا غير زفيريون وبيلا فيستا

ودول كلهم بيجيبوا سمك بحر

عندك جديد دلوقتي على البحر في الشاطبي (راقودة) بيقولوا مستواه كويس وأسعاره غالية
غير كده عندك (إيلع) في بحري معقول جدا و (قدورة) بس طبعا أغلى من (إيلع)
وده طبعا غير بلبع وحسني وجوهم مش جو سمك....يعني إيه تبقى قاعد تاكل سمك وواحد جنبك قاعد ينقنق بالشوكة والسكينة في حتة ستيك...سمك يعني تشمير الأكمام وانطلاق بلا حدود وحد يشيل اللي بيقع منك

**AlmAhAtmA** · 20-04-2010 11:04 AM

يا مرحب بابو العربي في بلده الثاني الاسكندريه
الاماكن كتير و الاختيارات اكتر

لكن انا حكتب من واقع التجارب مع عدم تكرار اللي اخواتي قالوه

سمكمك الانفوشي
سي جل المكس
زفير رشدي
راقوده الشاطبي

و الف هنا و شفا

**morsi** · 20-04-2010 11:21 AM

انا عن نفسى افضل شعبان اللى فى المنشية خلف سينما ركس مباشرةً.خطير جدا واسعارة حلوة قوى مقارنة بكل المطاعم اللى الاخوة الافاضل ذكروها .وشهرته<هو دا شعبان بتاع السمك اللى بيقولوا عليه>.جربه ومش هاتندم وهاتدعيلى.بس خلى بالك القعدة عنده شعبية شوية لكن اكله ممتاز

**بحري** · 20-04-2010 11:24 AM

شعبان وجوندل شريحة تانية فعلا لكن عندك المقارنة بينهم شعبان يكسب طبعا

**aliabutaleb** · 20-04-2010 11:55 AM

المشاركة الأصلية كتبت بواسطة AlmAhAtmA

يا مرحب بابو العربي في بلده الثاني الاسكندريه
الاماكن كتير و الاختيارات اكتر

لكن انا حكتب من واقع التجارب مع عدم تكرار اللي اخواتي قالوه

سمكمك الانفوشي
سي جل المكس
زفير رشدي
راقوده الشاطبي

و الف هنا و شفا

لك وحشة والله يا هاني

عذراً لصاحب الموضوع

الموضوع: أكل سمك فين فى الأسكندرية؟

LinkBack

أدوات الموضوع

عرض

-

-

-

-

-

المواضيع المتشابهه

::: لأهل الأسكندرية ::: استفسار لقضاء اجازة في الأسكندرية

طلب من أهل الأسكندرية

الفيوم من الأسكندرية

الأسكندرية

الكلمات الدلالية لهذا الموضوع

المفضلات

المفضلات

ضوابط المشاركة