انا صلحت الساجااااا حبيبتي

**hatem_hkf** · 20-04-2010 12:39 PM

كنت من اسبوع اتخبط في حجر كبير وقع من عربية نقل و انا رايح بورتو السخنة و بعد الخبطة لحظت ان العربية بتحدف شنال و في صوت خبط جامد من الكوتش الشمال فعرضت الموضوع في المنتدي ونصحوني اروح لعفشجي .

وفعلاً رتح واول مفك الكوتش قلي الحمد للة لو العربية دي مش جمدة مثبتها عالي كنت اتقلبت لقيت عندي المقص ملوح من اثر الخبطة بس فكة وبعتة مكبس و عدلوة بصراحة العربية رجعت زي الاول و احسن بجد عربية جميلة و كل حاجة فيها حلوة وسألت العفشجي هو المقص محتاج يتغير قلي المقص بتاع العربية دي جامد و محمل وبعد متعدل مش محتاج انو يتغير وعموما سعر المقص جديد في التوكيل 800 جنية وبرة سعرة 650 جنية بجد عربية جمدة وانا بحبها بس ياريت اسعار قطع الغيار بتعتها ترخص شوية لانها غلية في بعض القطع و سلامي لكل البروتونية

**YoussefMostafa** · 20-04-2010 01:02 PM

بسم الله ماشاء ربنا يباركلك فيها

والف مبرووووك ع التصليح

**Mohtofy** · 20-04-2010 02:17 PM

ألف مبروك على التصليح وربنا ويحفظك ويحفظهالك من كل سوء
بس عندى سؤال حضرتك بتقول أن سعر المقص فى التوكيل بـ800 وبره بـ650 ... معنى كده إن العربية بقا ليها قطع غيار بره التوكيل

**ahmed_h_g** · 20-04-2010 02:19 PM

الف مبروك وربنا يباركلك فيها
لو لاحظت تأكل فى الكاوتش أو حدفه بسيطه ناحية المقص ياريت تغيره .

**eslam_wega** · 20-04-2010 03:09 PM

المشاركة الأصلية كتبت بواسطة ahmed_h_g

الف مبروك وربنا يباركلك فيها
لو لاحظت تأكل فى الكاوتش أو حدفه بسيطه ناحية المقص ياريت تغيره .

+11111

**hatem_hkf** · 20-04-2010 04:11 PM

ايوة ليها قطع غيار في شارع دمشق و بين السريات عند جامعة القاهرة وهجبلكو اسماء المحلات و عنونها الي فيها قطع غيار الساجا

**alf2boshra** · 20-04-2010 04:16 PM

المشاركة الأصلية كتبت بواسطة hatem_hkf

ايوة ليها قطع غيار في شارع دمشق و بين السريات عند جامعة القاهرة وهجبلكو اسماء المحلات و عنونها الي فيها قطع غيار الساجا:ta_clap[1]:

أخبار سعيده جدا .. وده معناه انها طلعت سلمتين تلاته خمسة من سلالم الإنتشار ..
مشكور ع الخبر ..
وحمدالله على سلامة عربيتك ومحفوظه م العين ..
يا ريت تقول عن اماكن بيع قطع الغيار علشان الفايده تعم الجميع
=======
تقبلوا مروري
ألفي بشرى