-
نصيحة لوجه الله.
السلام عليكم,
ياريت (كل الناس طبعا) و أصحاب السيفيك خاصة موديل 2007 - 2010 يسيبو مسافة كافية عن العربية إللي قدامهم ... لسة واحد صاحبي خابط عربيته من الأمام و السبب إنه كان ماشي بسرعة 40 كم/ساعة يعني مش كتير بس هو مبيسيبش مسافة عن العربية إللي قدامه و السيفيك بس تحس إنك لمست دواسة البنزين تلاقي العربية نطت ... هو لمس دواسة البنزين في نفس اللحظة إللي قدامه كبس فرامل علشان واحد بيعدي الشارع ... قدر الله و ما شاء فعل.
ده تاني واحد أعرفه معاه سيفيك يخبط من قدام في أقل من إسبوع ... ربنا يسترها مع الجميع.
-
وعليكم السلام ورحمة الله وبركاته
جزاك الله خيرا على النصيحة وجعلها في ميزان حسناتك يا باشمهندس أحمد
-
شكرا على النصيحة الغالية
اهم حاجة طبعا المسافة الكافية دة غير انك تحاول تبقى عينيك مش بس على العربية اللى امامك لأ على السيارة اللى امامها كمان عشان تبقى دايس فرامل معاة لو حصل حاجة مفاجأة وانت تقف قبل حتى ماتقرب منة
وربنا يكفينا شر الحوادث
-
شكراً على النصيحة وبالفعل دى حاجة مهمة جداً وربنا يستر طريق الجميع عاوزين نظبط مقابلة بقى
-
المسافة الآمنة الواجب الحفاظ عليها أثناء السير خلف مركبة أخرى ... مبنية على قاعدة تسمى (الثلاث ثوان):
- سرعة 40 كم/ساعة ... المسافة الآمنة = 35 متر
- سرعة 60 كم/ساعة ... المسافة الآمنة = 50 متر
- سرعة 75 كم/ساعة ... المسافة الآمنة = 60 متر
- سرعة 90 كم/ساعة ... المسافة الآمنة = 75 متر
- سرعة 105 كم/ساعة ... المسافة الآمنة = 85 متر
- سرعة 120 كم/ساعة ... المسافة الآمنة = 100 متر
ملحوظة:
قاعدة الثلاث ثوان هي أن تكون الفترة الزمنية بين مرور السيارة التي أمامك و مرورك على نفس النقطة هو ثلاث ثوان.
Content Relevant URLs by
vBSEO 3.6.0 PL2