ياجماعه انا معايا النترا 2008 وقعدت كتير ادور ازاي اظبط الصوت بتاع الكاسيت وجربت حاجات كتير منها
تركيب سماعات كينوود 300 واط علي الكاسيت الاصلي
تغير الكينوود بسماعات بيونير 400 واط
تركيب gm سيمفوني علي السماعات البيونير
تركيب gm كينوود 500 واط تاني علي بازوكا jpl
وكل التجارب دي وانا شغال دفع فلوس وتغير وقرف صنايعيه بقي وانتو عارفين
بالاضافه الي ده كله الصوت ماكانش عاجبني
وفجاءه وانا واقف عند محل الكاسيتات اللي انا بتعامل معاه لقيته عارض كاسيت بايونيير deh 4150 sd تمنه 900 جنيه روحت اشتريته
وقعدت انا والاخ بتاع التركيبات نجرب بقي نشيل البازوكا مره ومره تانيه نفصل ال gm بتاع السماعات
وفي الاخر قولت لللراجل يا عم افصل كل الحاجات دي وشغلي الكاسيت ده بس علي السماعات اللي هما 4 سماعات ابواب و2 بيضاوي
ومش هاقولكم الصوت بقي حكايه كاني بالظبط مركب بازوكا وتويترات شماسه و gm
فعلا الجهاز ده تحفه فيه شويه امكانيات صوت رهيبه
والحمد لله الصوت كده عاجبني قوي
وربنا يعوض في اللي فات