نفسي كل واحد يخلي في حاله

**alzwawy** · 20-04-2010 10:28 PM

المشاركة الأصلية كتبت بواسطة mohamedway

معلش تقبل نقدى............ الناس قاصده تعاكسك عشان معلى الكاسيت قوى و أنا شخصيا لما بلاقى حد عامل زيك كده بتريق عليه بس مش برخم عليه لكن ممكن اتريق عليه مع المدام او أى حد راكب معايا فى العربيه و بشبهه ببتوع الميكروباص و التوكتوك و بعدين متقوليش ده حرية شخصيه لأنك ساعتها بتجبرنى انى اسمع معاك اللى انت بتسمعه و انا ممكن اكون مشغل حاجه تانيه جوه عربيتى و زابط الصوت على قدى و مش عاوز اسمع اللى انت بتسمعه ............. و علفكره لو مكنتش معلى الكاسيت مكانش حد انتهك حرمة خصوصيتك فى عربيتك و كان هيبقه فيه قدر أكبر من الإحترام ليك من الناس اللى حواليك....................... لو حضرتك بتعلى الكاسيت عشان مش عاوز تسمع دوشة الشارع ممكن توطى الكاسيت على قدك و تقفل الزجاج و تشغل التكييف و لو الجو مش محتاج تكييف ممكن تشغله مروحه فقط و تخليه على وضع سحب الهواء من الخارج.

أنا أسف و اوعى تفهمنى غلط بس انا قلبى عليك و مش عاوز حد يضايقك أو يتريق عليك و لو مش متقبل نقدى ليك.........يبقه بجد أنا أســـــــــــــــف.

لأ معلش هقولك حريه شخصيه وهقولك ليه
انا بحب اسمع كده و بعدين لما بكون واقف في حته والشارع بيقف انا بوطي الصوت علشان محدش يتأذي مني انما كون ان الشارع ماشي و حد يوقفني علشان يستظرف فده مش من حق حد نهائي انه يوقفني علشان يستظرف ومتهيألي انا محبش ان حضرتك تشبهني ب سواق ميكروباص لأني لو شبهت حضرتك اكيد هتتضايق وانا اسف مش متقبل نقضك ليا بس عاوزك تعرف اني مش بعلي و انا واقف علشان محدش يسمع الصوت و يتأذي انا ببقي معلي و انا ماشي و محدش سامع صوتي لأني مش ببقي واقف جمب حد

**alzwawy** · 20-04-2010 10:32 PM

المشاركة الأصلية كتبت بواسطة mameen

يا زواوي عادي
انا الكام يوم اللي كنت بركب فيهم مواصلات وانا في الميكروباص لو جتلي مكالمة في الموبايل واتكلمت بعد ما اقفل الاقي واحد يبدي رايه في الموضوع :_alshmokh08[1]:
وبعدين لما حد بيقولي عربية زباله بقوله طبعا دي زباله الزباله وحتلاقي اللي كان بيكلمك معهوش حتى كاوتش من باتا
عادي جدا

اه انا بتخنق اوي من حوار اني اكون بتكلم في الموبيل و الاقي حد بعد كده اتدخل في الموضوع او اكون بتكلم انا و واحد صاحبي و حد يندخل برضه في الموضوع
والله انا متأكد انه هتلاقي ممعهوش عربيه اصلا يلا معلش

**hobaz** · 20-04-2010 10:32 PM

يبقى انت اكيد في مصر....

**alzwawy** · 20-04-2010 10:36 PM

المشاركة الأصلية كتبت بواسطة mshawky

معلش يازواوى اهى الناس كلها بتفتى عادى

بس بينى وبينك لو حصل معايا كده هخنق اللى ................هههههههههههههه مبحبش حد يعيش

يرجى اختيار كلمات تتناسب مع الاطار العام للمنتدى
___________________
مشرف الكورى والماليزى العام 4أ

والله العظيم يا شوقي شعب يطهق ربنا يرحمنا
والله يا شوقي انا من ساعت ما جبت العربيه و انا حاطت اعصابي في تلاجه علشان كده مردتش اعمل مشكله

**alzwawy** · 20-04-2010 10:38 PM

المشاركة الأصلية كتبت بواسطة m.abdeen

موتني من الضحك وللاسف دي طبيعة الشعب المصري .....
بس برده مرورنا الجميل بيدي مخالفات على الستاير الكبس

هعمل ايه بس هحاول و انا داخل علي اي لجنه اشيلها ربنا يستر بقي

**alzwawy** · 20-04-2010 10:41 PM

المشاركة الأصلية كتبت بواسطة hegazio

شعب عشري و جميل و خنيق ف نفس الوقت

والله العظيم فعلا وصفت كل حاجه بجد وصف في كل الكلام

**alzwawy** · 20-04-2010 10:42 PM

المشاركة الأصلية كتبت بواسطة timtim77

باشا اركب عربيتك واتبسط بدام انت مش بتتعدى على حريه حد
واخيرا
القافله تسيير و .............

والله ببقي مبسوط بس بلاقي الناس هي الي بتعتدي علي حريتي وبتدخل في الي هي ملهاش فيه

**alzwawy** · 20-04-2010 10:45 PM

المشاركة الأصلية كتبت بواسطة human12

بايع يا باشمهندز؟

اتفق تماما

لأ مش بايع
وردي وصلك انت و الاستاذين الي عملت اقتباس من مشاركتهم

**alzwawy** · 20-04-2010 10:46 PM

المشاركة الأصلية كتبت بواسطة a_tharwat

طب اقترح عليك اللي انا باعمله في المواقف دي؟ افضل باصصله بتناحة واقفل الشباك اللي نحيته وانت لسه باصصله بنفس التناحة, وبعد كده امشي وسيبه.

والله انا بعمل زيك ب الذبط بس حبيت ارد المرادي مش عارف ليه يلا اهو الي حصل حصل

**alzwawy** · 20-04-2010 10:48 PM

المشاركة الأصلية كتبت بواسطة samir_adel

هو اول موضوع يعني دمة خفيف, بس تاني موضوع دة استفزاز و مفيش ريحة الدم! انا لو مكانك كنت بعد ما اسمع الكلمتين دول كنت بصتلة بصة وحشة و قفلت الأزاز من غير ما اقول ولا كلمة! بص كبر دماغك و روق و ياما هتشوف من ناس شخصيتها غريبة!

والله كلامه كان مستفز لدرجه كبيره و كنت لازم ارد عليه بس برده حبيت اهدي اعصابي و ارد ببرود

الموضوع: نفسي كل واحد يخلي في حاله

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

لكل واحد مش عارف حاله متلخبط ليه او الدنيا متغيره معاه ده اختبار رائع

كل واحد يخلي باله من لغاليغو

نفسي .. نفسي .. نفسي .. نفسي اروح اسكندرية

بجد نفسي نفسي في ورشة فيها الاتي

نفسي ابعت لكل واحد رسالة خاصة و أقول له كل سنة و أنت طيب

الكلمات الدلالية لهذا الموضوع

المفضلات

المفضلات

ضوابط المشاركة