يا سلام عليك يا ميدو! ادي الناس الفاهمة والله..
عرض للطباعة
اولا الجيتا نزلت بالجير بوكس dsg
ثانيا، مع احترامي الشديد لرأي الاستاذ غازي بس انا بش بتكلم علي البي ام كركوبة رفاهية او لا (يعني مش باصص هيا كعربية تتركب من اول موديل ايه) - انا بقارن موديل معين في البي ام مع موديل معين في الفلوكي من حيث سعرها واسمها وامكانيتها مع الجيتا الهاي لاين! وفي رائ الجيتا تخسر بالثلث الصراحة! عربية سعرها مبالغ فيه جداً من توكيل بيعلي الاسعار قوي مقارنة بالبي ام اللي توكيلها واضح انه فاهم بيعمل ايه واحتياجات السوق ايه!
اه صحيح
عندك حق
معلش العتب علي النظر
يا زعيم من الموقع الجير 6 غيارات تريبترونيك
بالنسبة للمقارنه واضح ان حضرتك كونت و مقتنع برايك و ده حقك
و عشان منخشش في جدل بيزنطي لن ينتهي هكتفي باللي قولته و اختلاف الراي لا يفسد للود قضية.
و زي ما قلت لحضرتك بدايه الخلاف كانت علي وصف الجيتا بانها تعبانه و هي مش كده.
يا استاذي انت بتجيب الكلام ده منين...!!!!!!!! انت بتقولني كلام ماقولتوش!!!
كاسيت ايه اللي بقولك الجيتا احسن علشانه..!!! ده كلام يعقل برده!!!!!!!!!!!!!!!
راجع كلامي تاني و انت تعرف انك بتتكلم غلط.... لأني ذكرتلك 10 مميزات
في الجيتا مش في البي ام....... الكاسيت 1 من 10..!!!! يبقى ايه معنى كلامك؟؟
مبدئيا انا قلتلك لو عايز تركب بي ام علشان (الاسم بس) راكب بي ام, راحتك...
لكن انا عرضت عليك قبل اي كماليات الداتا بتاعة المواتير, و قلتلك ان مافيش فرق
بينهم, يبقى ازاااااااي الجيتا تعبانه..!!!!!!!!!!!! انت ماردتش عليا...
قلتلك الجيتا اكتر في الكماليات, يبقى ازاي تعبانه..؟؟؟؟؟؟ بردو ماردتش!!
انت بتقارن العلامه اللي على كابوت البي ام و العلامه اللي على كابوت الفولكس
ولا عربيه بعربيه, كامكانيات, و اداء, وموتور, و راحه, و رفاهيات............؟؟
و بردو لو قارنت العلامه بس دي بـدي, بردو الفولكس مش قليله و مش اقل من البي ام
انت كنت كاتب موضوع في قسم بي ام, و عايز عربيه من 0-100 في اقل وقت
البي ام الـ316 من 0-100 في 11.9 ثانيه..!!!!!!!!!
و بتقارن الــ316 بمرسيدس c180.. أكيييييييد أكيييييييد المرسيدس احسن و بمراحل
انا ملاحظ انك مشتت و مش عارف بالظبط انت محتاج ايه... فبلاش تعيب في عربيات
هي اصلا محترمه و مالهاش اي ذنب انك مش مستقر على رأي...
بعد اذنك استقر على قرار و شوف طلباتك ايه, و ساعتها الأعضاء يقدروا يساعدوك
مين اللي قالك كده يا حورس باشا..؟؟؟
جيتا 2010 التابلوه و الطاره و الجير بوكس اتغيروا تماما..
التابلوه بقى بينور أبيض زي الجولف, و الطاره بردو الرياضيه الجديده زي الجولف
و الجير بوكس هو الـdsg الجديد 7 سرعات أماميه و 1 خلفيه...
تقدر تتأكد من المعلومات دي بنفسك يا باشا...
تقبل تحياتي
bmw for sure
Mercedes C180 K...
Number of cylinders: 4 (16 V)
Total Displaecment (cc): 1597 (1600 cc)
Rated output (hp at rpm): 156\5200
Rated torque (Nm at rpm): 230\3000-4500
Transmission: 5 Auto
Top speed (km/h): 230
Acceleration, 0-100 km/h (s): 9.5
Combined fuel consuption (l/100 km): 7.1-7.7
BMW 316i...
Number of cylinders: 4 (16 V)
Total Displaecment (cc): 1595(1600 cc)
Rated output (hp at rpm): 115\6000
Rated torque (Nm at rpm): 150\4300
Transmission: 6 Manual
Top speed (km/h): 206
Acceleration, 0-100 km/h (s): 11.6
Combined fuel consuption (l/100 km): 10.4
VW Jetta 1.6L MPI...
Number of cylinders: 4 (8V)
Total Displaecment (cc): 1595(1600 cc)
Rated output (hp at rpm): 102\5600
Rated torque (Nm at rpm): 148\3800
Transmission: DSG 7 Shifts Auto
Top speed (km/h): 183
Acceleration, 0-100 km/h (s): 12.2
Combined fuel consuption (l/100 km): 8.2
أنا كده عملت اللي عليا, و قدامك المقارنه كامله و الاختيار ليك, و مقارنه مواتير مش كماليات...
لكن أعلاهم كماليات.... الجيتا
اعلاهم في الأداء...... المرسيدس C180 طبعاً
أعلاهم بريستيج.......... المرسيدس بردو
و لو رتبناهم في رأي من 1-3 هيبقى الترتيب كالاتي من وجهة نظري الشخصيه...
1- مرسيدس C180
2- فولكس فاجن جيتا
3- بي ام دبليو 316
و الجيتا رقم 2 علشان الكلام الكتيييير اللي انا كاتبه فوق, و قبل كده, مش علشان الـCD player...!!!
البي ام دبليو فعلا تتركب من 320 او 330
بس هيا كبراند اكيد اكيد اعلي من الفولكس واجن كتير..
و ككماليات وراحة الجيتا احلي من ال 316
يعني الموضوع اذواق مش اكتر.....
و دا لا يمنع ان اسم بي ام دبليو ليه بريق مميز اوي
كلامك كله 10 علي 10 م.غازي و انا استفادت من حضرتكاقتباس:
و بردو لو قارنت العلامه بس دي بـدي, بردو الفولكس مش قليله و مش اقل من البي ام
لكن اسمحلي اختلف معاك فالنقطة دي بس..... "وانا عارف انك بتحب الفولكس جدا "
يا باشا انا عارف والله.... بس سيبك من الموقع لأنهم مش بيعملوا Update
الا لما حاجه جوهريه تتغير للأسف... حتى البروشور نفس الكلام على فكره
بس انت عارف... ان مصر من الدول المتقدمه تكنولوجيا عن ألمانيا بكتييييير
فعادة مش بيحتاجوا لا ويب سايت, ولا بروشور.... الكلام مافيش اسهل منه و ببلاش :))
تحياتي يا باشا...
ما انا توقعت كده يا زعيم
بس انا بحب كلامي يبقي موثق او عن تجربه
كل التقدير و الاحترام لوجهة نظرك يا د.مغربي, بس صدقني أنا بحب البي ام بردو :)
هو أنا طبعا من عشاااااق فولكس فاجن, لكن أنا قلت رأي بدون أي تحيز في الموضوع ده
بس لو مثلا كان قال 318, كنت قلت ماشي, لكن الـ316 والله مش زي ما انتوا
فاكرين خااااااااااالص... أنا مش عارف ليه لسه بتنزل في مصر لحد اللحظه دي!!
لغوها من بره خلااااااص, و أولنا في البي ام الفئه الثالثه 2000 سي سي... :shine[1]:
بس لو مثلا انا قدامي 318, و جيتا... هجيب 318 أكييييد :))
بس لو 318, و باسات...... يبقى باسات أكيييييييد
طيب لو 320, و باسات.... كده ممكن افكر, بس هجيب 320 في الاخر :))
دي مقارنات من وجهة نظري مش كلها محسوم لصالح الفولكس, بمعنى ان حبي
لفولكس فاجن مش أعمى, او مجرد حب للبراند او العلامه و خلاص... لأ والله
بس كده يا دكتور... و ارجع و اقول ان فولكس من اعرق البراندات في عالم السيارات
تقبل خالص احترامي و تحياتي يا باشا... :satelite:
لا يا زعيم
زي ما قلت الجيتا ليست منافس للفئة التالته لكن ده دور الباسات
و عشان تتاكد ارجع شوية بالزمن
مين اللي كان بينافس الفئة التالته الباسات و لا البورا
المشكله ان كل الشركات دابت تكبر في موديلاتها و هو ده اللي سبب اللغط
الفكرة كمان ان فولكس تمتلك اودي و ال A4 تعتبر منافس للفئة التالته و حيث ان فولكس مش عايزة طرازتها تنافس بعض كبرت الباسات شوية عشان تبعد عن ال A4 لكن مش لدرجة انها توصل لل A6 يعني ممكن تقول انها بين البنين.
نفس الكلام ده ينطبق علي الفيتون لما فولكس نزلتها كانت بالفعل بتنافس الفئة السابعة و ال S لكن دلوقتي اغلب مبيعات العربيتين دول بقوا الفئة الطويله LWB و مبقتش الفيتون تنافسهم و بقت برضوا بين البنين بين الفئة الخامسة و السابعة و بقت مهمه منافسه الفئة السابعة و ال S للاودي A8
اما تقنيا التلات عربيات ملهومش دعوه ببعض اصلا
الجيتا المفروض انها mid-size family car
الباسات full size family car
الفئة التالته compact exutive car
عشان تتاكد من الكلام ده قارنهم ببعض بس بالمواصفات العالمية مش المصرية
هتلاقي ان الجيتا ارخص من الفئة التالته بكتير و ان الباسات هي الاقرب ليها
عين العقل يا غازي باشا
و هو ده كلام الناس الفاهمه
و تاكيدا علي كلامك انا كنت النهارده في جولة مع صديق ليا برضة ليه في العربيات
و روحنا اتفرجنا علي السكودا السوبيرب الجديدة اكمنها نزلت.
و بعد مشفناها لفينا لفه و قارناها بالباسات العادية و ال cc الاتنين 1.8 tsi و البي ام 320 و ال c250 cgi و اللاودي a4 1.8 tfsi و مش هتصدقني لو قلتك ان السكودا طلعت اريح و اوسع و افخم واحده فيهم لانهم مكبرينها سنه عن الباسات و القعده في الكنبة الخلفية مريحة جدا و وسع غير طبيعي. ده غير انها ارخص من المرسيدس و الاودي و البي ام.
و انا و صديقي اتفقنا ان اللي يجيب اي عربية من ال 3 دول يبقي مغفل بصراحة و بيدفع فلوس عشان الاسم بس. ال3 بالمقارنه مع السوبيرب و الباسات ولا يسوا. ال 3 نازلين باقل مواصفات و اي اضافة بتمنها علي سعرها الغالي اصلا عكس السكودا و الفولكس فل اوبشن و دلع ز كمان ارخص.
و النتيجة ان شخصيا بين العربيات دي كلها اختياري وقع علي الباسات cc بينما صديقي مش قادر يشيل السوبيرب من باله و لان الوسع يهمه لان رب اسره. الي قهرنا ان الاتنين مينفعش ينزلوا مصر طبعا عشان الجمارك
انا با عتذر يا جماعه علي المداخله الضعيفه اللي انا شاركت بيها امس من الواضح ان منتدي ال بي ام والفولكس الفروض يكتب اعلاه مالكي الكور ي والصيني والماليز ي وعامه الشعب يمتنعون اصل بصراحه انتو بتتكلموا في حاجات جامده قوي ومن الواضح انها للصفوه ملاك الجيتا والبي ام وحسيت ان انا تايه وسطكم بعد الجير اللي مش عارف ايه والماتي فنكشن وعوامل الامان الخرافيه اللي تخلي عز رائيل يتراجع امام قوه سيارتكم فا اعزروني انا مش بققل من قيمه سيارتكم او بتريق علشان ما حدش يفهمني غلط
يا استاذ غازي , حضرتك لو دخلت على اللينك التالي:
http://www.nilemotors.net/Nile/143403-a.html
هتلاقي ان العضو hokaboka (صاحب الموضوع دة و الموضوع الفي اللينك) , بيتبع نفس الاسلوب مع الافنسيس الجديدة
بغض النظر عن التسعير و العربية تستاهل ولا لأ , و لكن الاستاذ hokaboka برده مش بيعجبه غير الارآء المؤيدة لرأيه , و لما حد يأيده يقوله الله اهه دة الكلام الموزون
مع اني برده سألته اسألة كتير زاى الحضرتك سألتهاله (زاى ما حضرتك هتشوف في اللينك) , و مردش على ولا واحد و الغريبة اني مش شايف عنده اي حجة مقنعة , غير ان ازاى اسيب الBMW , كأنها عربية نازلة من السما , مع انها اصلا عربية متنفضة !!!
و لكن لازم برده احييك على مشاركات حضرتك و الاستاذ حورس المفيدة جدا :)
بصراحة مدفعش اكتر من 100 ألف في عربية مانيوال !!
انا راى الشخصى عشان تكون المقارنه صح يبقى اقارن الجيتا الهاى لاين مع الbmw هاى لاين .
يا استاذ كريم ارجوك لا داعي لشخصنه المواضيع، ده منتدي واحنا بناقش مواصفات وموديلات السيارت للافادة لكل الناس مش ليا وليك بس ..فيه ناس تانية حتخوش وتشوف كلامنا وتقرر هيا عوزة ايه. وللعلم انا اصلاً فعلاً دلوقتي حاجز المرسيدس 180 لكن المشكلة ان كل اللي يعرف كده يقولي حرام عليك الفلوس فيها ايه العربية دي زيادة عن الجيتا او البي ام او الافنسيس إلا الموتور اللي مش حتعرف تجري بيه اصلاً في مصر، وبصراحة عرفت من كام يوم موضوع البي ام الجديد الاتوماتيك الاكسكلوسيف وكمان ال 318 اللي نازلة بـIDrive (وسبب اني كبرت من البي ام اني مقدرش علي فلوس ال320) ولقيت سعر العربيات دي ممتاز مقارنة بالمرسيدس فقررت اعمل مقارنة هنا بين كل العربيات اللي الناس قلولي عليها ما عدا المرسيدس والباسات (مع العلم اني ميال للبي ام-بس عشان ارسي علي بر وميحصلش اني ارجع حجز تاني)، والياسات علي فكرة في نظري تحفة بس البنزين 95 يقلق اوي بصراحة. ورحت التوكيلات عملت جولة تاني وحسيت ان الجيتا قريبة قوي من البي ام الجديدة دي في السعر والمواصفات فقلت يا سلام؟!! 220 الف في الهاي لاين الجيتا ليه؟ وكمان كار كيت منظر! واستفزوني الناس بتوع تيوتا الصراحة..عربية يباني ومانيوال وعملين انها بورش وسعرها معدي قوي يعني! بس ادي الموضوع!
بشمهندس غازي، كلامت مقنع وانا بشكرك علي المشاركة وارجو ما تكونش متضايق مني لاني فعلاً مش قاصد اي مضايقة، انا زي ما انت قلت محتار ومتلخبط قوي، رحت حجزت المرسيدس سي 180 والناس من سعاتها تقولي حرام فيها الفلوس وكتير عليها قوي السعر ده وتركب ليه العربية دي لما ممكن تركب جيتا فيها كل حاجة او بي ام الفئة التالتة الاتوماتيك الجديدة، وعرفت كمان كلام ان فيه 318 نازلة جديد بالاي دريف..
يا استاذي العزيز , الفكرة تكمن في ان حضرتك مش تارك اي مجال للنقاش !!
يعني لو حضرتك بصيت تاني على موضوع الافنسيس , و حضرتك تشوف كمية النقاط الانا ذكرتها للمناقشة , و لكن الغريبة ان حضرتك معلقتش على اي واحدة فيهم
و في اسألة مهمة كنت عايز حضرتك ترد عليها كان ممكن تنهي النقاش , لكن برده حضرتك معلقتش
و نفس الحكاية في الموضوع هنا , الاعضاء كلهم بيتناقشوا في نقاط مهمة جدا , و حضرتك بتقول كار كيت و فتحة سقف !!
لو حضرتك عندك وجهة مقتنع بها , يبقى مفيش فايدة من الموضوع
يعني من الآخر حضرتك محدد عايز ايه و هتعمل ايه و مش ناوي تتقبل اي ارآء تانية
ارجو ان حضرتك متزعلش مني او من كلامي , لو في حاجة ضايقت حضرتك فانا آسف , و لكني استغربت ان حضرك مش ببتناقش
انا اسف لو كنت تركت الانطباع ده، انا بحترم جدا الفلوكس والتويوتا والبي ام، بس عاوز ادفع فلوس في حاجة فخمة وتسارعها جيد وفي نفس الوقت محدش يقولي حرام عليك او انت اضحك عليك!
انا مؤمن جداً بادب الحوار ومش قصدي إطلاقاً اصادر علي رأيك بس يمكن ردي عليك كان ديما من وجهة نظري اللي انا باصص اني محتاج لمسعدتك فيها، انت اعتبرت ان قصدي اشوه في التيوتا و الجيتا وده مش صح.
يا جماعة انا من الاخر محتاج مساعدة اني اجيب عربية فخمة وتسارعها معقول وفيها اوبشنز معقولة وفي نفس الوقت ميكونش اضحك عليا! بس كده ..حاطط ميزانية للموضوع ده 300 الف وطبعاً لو دفعت اقل يبقي احسن وعاوز اركب زيرو عشان بخاف من المستعمل ومعنديش خبرة في شراء المستعمل كمان... إنما التيوتا والفلوكس والمنتدي علي عيني وراسي...
كلام جميل يا بشمهندس غازي ومقنع فعلاً، انا مشكلتي مع العربيات اللي حضرتك قلت عليها كالتالي:
1. الجيتا:
اولاً العربية منتشرة قوي بصراحة، يعني مفيش تميز فيها (بقت عامله زي الانسر زمان) انا ممكن ادفع اكتر بس احس اني راكب حاجة مش منتشرة
ثانياً: العربية دي شكلها حيتغير قريب، انا عجبني الشكل الحالي هاي لاين، بس برضه لو دفعت فيه 222 الف (بعد تركيب الكار كيت) اكيد حخسر كتير لما الشكل الجديد ينزل.
2. الباسات:
رائعة بكب المقاييس
لكن انا مقدرش علي بنزينها ال 95 بصراحة وكمان زي ما سمعت الشكل برضة حيغير تماما السنة دي
3. البي ام 316 اتوماتيم اكسكلوسف
عربية حلوة بس مفيهاش اي دريف ومملة من جوا قوي... كمان فيها مشكلة انهيار السعر من 3 نواحي أ) الشكل الجديد لما ينزل ب) سعر إعادة البيع مضروب قوي 3) التخفيضات الجمركية مع العاملين السابقين حتضربها قوي...
يا استاذي مافيش زعل و لا حاجه, و دي مناقشه اساسها احترام الرأي الاخر...
أنا عندي اقتراح بعد اذنك... بما انك بتفكر في C180 و ممكن تدفع المبلغ ده
فعلا اصحابك عندهم حق, لأني لما ادفع المبلغ ده, يبقى اخد أداء و رفاهيات
اقتراحي هو.... بـــاســـات TSI هاي لاين الخليجي بالأوتو بارك و خلافه...
دي بقى فيها كل متطلباتك و زياده... و ممكن تجيب P3 اللي بضمان الوكيل...
المواصفات كالاتي, و هتكلم عن الموتور بس أولا...
موتور 1400 سي سي TSI, بقوة 122 حصان/5000 RPM
عزم 210 نيوتن.متر/1500-4000 RPM (لاحظ ان العزم عند RPM منخفض)
مع جير بوكس 7 سرعات DSG + ستيب ترونيك + سبورت مود
كماليات بقى...
- 4 زجاج كهربائي بوحدات رفع + مرايات كهرباء بسخانات
- كراسي كهرباء من الجلد الطبيعي
- فتحة سقف
- الزجاج مانع للحراره و الأشعه الفوق بنفسجيه (UV Cut)
- زينون مع خاصية التحرك عند المنعطفات
- أوتو هولد + فرامل يد كهرباء
- جنوط 16 (215/55)
- CD-Mp3 510
- 10 اير باجز
- طاره جلد + مالتي فانكشنز
- كاركت مع اظهار دليل الهاتف على شاشة الـCD
- تكييف اوتو دويل زون
- فوانيس خلفيه بنظام LED
- مثبت سرعه
- حساسات ركن أماميه و خلفيه
- مراية الصالون اوتو ديمينج (تعتيم اوتوماتيكي)
- (( نظام الثبات الالكتروني كااااامل ESP )) يعني كل الاتي...
ABS, EBD, BAS, ASR, EDL
- طبعا كمبيوتر سياره كامل
الأبعاد....
الطول 4.765 م --- العرض 1.820 م --- الإرتفاع 1.472
قاعدة العجل 2.709 م
الخلوص من الأرض بحمولة كاملة 11.4 سم
سعة خزان الوقود 70 لتر
سعة التخزين في الصندوق الخلفي: 565 لتر
وزن السيارة فارغه: 1388 كيلو
الوزن الأقصى للسيارة : 1990 كيلو
الحمولة :612 كيلو
(( mshamy ))
و ده موضوع للأستاذ محمد شامي لسه شاري باسات P1...
http://www.nilemotors.net/Nile/14273...si-1-4-p1.html
و ده موضوع للأستاذ عصام (SAIF3S) و معاه باسات P3...
http://www.nilemotors.net/Nile/76703...t-1-4-tsi.html
و أنا لو مكانك هجيب باسات P3 و أنا مغمض.... و ربنا يوفقك
أنا كتبت مشاركتي عن الباسات و ترشيحي ليها بقوه قبل ما اقرأ ردك ده, بس عموما
انا مش همسح مشاركتي عن الباسات, و عايز اقولك حاجه بسيطه جداا و هي...
لو مشكلتك مع الباسات انها لازم بنزين 95 و انت مش هتقدر عليه...
احب اقولك و على مسؤليتي الشخصيه الكلام ده, الباسات هتوفرلك في البنزين
عن المرسيدس و البي ام و الجيتا كمان..... ده الى جانب ان التانك 70 لتر
يعني مش هتحتاج تفول العربيه كتير, لأن التانك كبير...
شوف و قرر, و الشكل الحالي مش هيتغير قبل سنتين من دلوقتي...
انت صاحب القرار الأول و الأخير, و ربنا يوفقك للأصلح ليك...
عادي جدا يا باشا ان ناس كتير مبتحبش تويوتا , مش عارف ليه , بس انا بقدر الموضوع دة
عشان كدة عربيات تويوتا هنا في مصر متاخد عنها انطباع انها رخيصة , و ان لما الميزانية تعلى يبقى لازم اوروبي
و لكن بغض النظر عن الموضوع دة , و بدل كل الحضل دة , ممكن نساعد حضرتك في اختيار السيارة المناسبة لحضرتك
اولا هل حضرتك عايز عربية عائلية ؟! ولا ممكن متبقاش كبيرة ؟!
هل حضرتك عايز عربية يكون توكيلها صاحي و منتشرة و لا مش مهم اوي ؟
هل اعادة البيع نقطة حضرتك بتهتم بيها ولا لأ ؟!
في حدود السعر دة في حاجات كويسة اوي , منها حاجات منتشرة و معروفة , و منها عربيات اكتر من ممتازة و لكن ملهاش شعبية اوي , و في كمان عربيات هاتشباك عائلية (زاى الاودي a3) تسارع و فخامة و ب240 الف هاي لاين
حضرتك بس قولنا على كل الفي دماغك و ان شاء الله هنساعد حضرتك في تحديد الافضل
انتا عارف انتا عاوز ايه انتا محتاج تستنى سنه او سنتين يكون الباسات الجديده والبي ام الجديده والجيتا الجديده نزلت وتقدر تحكم علشان انا شايف موضوع تغيير الشكل ده في كل الموديلات عليه عامل كبير قوي في احتياراتك فا لو مش مستعجل اصبر
الحمد لله على الكورولا اللى معايا ربنا يديمها نعمة و فى الأخر باقف أنا و الجيتا و البى أم فى الاشارة و بنمون من نفس البنزينات و بنمشى فى نفس الشوارع
انا رايى بى ام علشان انا بحب المانيوال والخلفى
بص يا باشا لو بتدور على الأداء الرياضي يعني بي إم إنما لو عايز دلع و رفاهيه خد الفولكس و القرار يرجع للعاوز يشتري
توكل على الله واركب الجيتا واضح ان كماليتاها افضل من النوع بتاع البى ام الزياده 20 الف بس
ربنا يوريك خيرها ويبعد عنك شرها