الموضوع: توكيل تويوتا و سعر الافانسيس "عنوان معدل بواسطة مشرف القسم"

تويوتا ملهاش ذنب التوكيل هو الي اتجنن بيتعامل باسم ماركة تويوتا لغايه ما هينزله الارض برفع الاسعار

المشاركة الأصلية كتبت بواسطة adventurer

اظن المانيول 204 الاوتوماتيك 234

يا باشا لو السعر كده كانت بقت المسألة أهون .... إنما المشكلة ان الفئتين السعريتين دول هما المانيوال .... أيوه والله ... يعني 235 ألف في عربية أفنسيس مانيوال .. طبعا مع احترامي للتويوتا إنما بالتمن ده ممكن تجيب بي ام 316 اوتوماتيك ... أو لو واحد زيي حوفر 20 ألف جنيه وأجيب باسات الفئة الأولى أوسع وموتور أقوى بجد ( طريقة قياس الأحصنة في المدرسة الأوروبية تختلف عن المدرسة الأسيوية ... حتى لو الأفنسيس كموديل بيتعمل في انجلترا إنما في حدود مدرسة وسياسة الشركة الأم في اليابان ) .....

المشاركة الأصلية كتبت بواسطة hokaboka

اعتقد افنسيس حتفشل فشل زريع....ممكن يبيعوا عربيتين ولا حاجة كده...

انا ليا راي متواضع في الموضوع ده
أولا التوكيل ليس هدفه انه يخلي الأفينسيس تبيع زي الكورولا مثلا
يعني تحس انهم عاوزين الافينسيس دي لناس معينه وشكل معين
ومش عاوزين منها انها تعمل مبيعات يعني
ثانيا مين قال ان التوكيل هو اللي بسعر لوحده
انا أظن ظن أكيد ان الشركة الأم لازم يكون لها تدخل في التسعير
ماهو مش معقوله تكون انت بتسعر وبتموت عربيتهم وهما قاعدين بيتفرجوا
في النهاية الأفينسيس سيارة هما عاوزينها زي ما هيا كده ولا تطلع فوق ولا تنزل تحت وهتتباع برضه زي القديمة كده وانا شايف انهم هما اللي عاوزين كده مش غباء ولا حاجه يعني

انا عايز افهم حاجة , ليه يعني متتقارنش بالباسات ؟؟؟؟؟!!!!! ,, مع انهم نفس الفئة ؟؟!!

طب ليه محدش اعترض كدة على السكودا سوبيرب ولا الفورد مونديو ؟؟ , مع انهم نفس الفئة و نفس الاسعار بظبط و مانيوال بس ؟؟

ليه مشفناش القلبان دة على السكودا سوبيرب الاوتوماتيك الب٤٩٠ الف ,, بتقولوا اصلها اكتر من ١٦٠٠ فالجمارك عالية , طب اشمعنى الكامري قعدتوا تشتموا فيها و في التوكيل عشان ب٥٠٠ الف

ليه محدش تعب نفسه و دخل يدور على النت و يعرف ان الافنسيس ال١٦٠٠ سي سي بتنزل مانيوال بس (في العالم كله)

طب ليه محدش قال , يمكن عشان العربية جاية من انجلترا فالتوكيل بيشتريها بالاسترليني , و طبعا كلنا عارفين ان اي حاجة بالاسترليني دايما اغلى من اي عملة تانية ؟!


في النهاية ,, ليه نشتم في التوكيل و نلعن فيه و احنا منعرفش الحقيقة ؟!
-------> ليه اي عربية طالما تويوتا يبقى لازم تبقى رخيصة و سكة و اي كلام