حكايه اغرب من الخيال ( حكايه حقيقيه في منطقتنا )

**Ahmed Selim** · 21-04-2010 10:18 AM

لا حول ولا قوة إلا بالله العلى العظيم

بنجلاديشى ولا باكستانى و لا غيره.......دى أرزاق.....ربك اللى بيقسمها

و الراجل صاحب المصنع مش عيل صغير عشان يجيب واحد يديله مرتب بالدولار و مش يتسفاد منه 100 ضعف مرتبه.

مش يمكن المدير المصرى اللى بنفس الكفاءة مرتبه 20 الف جنيه مثلاً و البنجلاديشى ده مرتبه 15 الف بس ( الأرقام على سبيل المثال فقط ) و بعدين الناس دى نتيجة للفقر المدقع اللى هما عايشين فيه لما بيتغربوا مش بيصرفو غير على القد و بيبقى كل همهم أنهم يحوشوا أو يستثمروا فلوسهم.

طب تصدق بأيه......أنا كنت لسه أمبارح قاعد مع مدير مصنع هندى ( فى دبى ) و لو شفته تحس أن مرتبه بالكتير 5 أو 6 ألاف درهم...من طريقة لبسه......عارف مرتبه كان كام ؟؟؟؟؟؟
16 الف درهم فى الشهر.....بسم الله ما شاء الله.

**إبراهيم.صادق** · 21-04-2010 11:59 AM

1- الرزق ده بتاع ربنا، يرزق من يشاء بغير حساب

2- صاحب المصنع أكيد عنده مبرراته أنه يجيب واحد أجنبي ويديله مرتب أكبر من المصري

3- التعميم في اصدار الاحكام والاتهامات علي شعب بأكمله -سواء كان مصري ولا بنغالي ولا سعودي- هو منتهى العنصرية

4- رغم سوء حالة التعليم في مصر، فمازال يخرج من بيننا المبدعون والمتفوقون، وكذلك الحال في أي دولة. ما احنا قولنا الرزق ده بتاع ربنا، والذكاء والقدرة على التفكير والابداع ده رزق..

5- الملفت والخطير في الموضوع هو ان بلدنا مفتوحة على البحري للأجانب لتملك العقارات ودي حاجة مؤسفة جداُ وغير موجودة في معظم دول المنطقة، وده اللي أدى للأرتفاع الجنوني في اسعار العقارت وعدم قدرة أغلب فئات الجالية المصرية في مصر على تملك شقة في مصر!! وده طبعاً نتيجة انخفاض مستوى دخول أغلب المصريين سواء اللي في مصر او حتى برة مصر مقارنة بالخليجيين وغيرهم من الخبراء الأجانب!!

أعتقد ان النقطة الأخيرة دي هي اللي محتاجة مناقشة فعلاً ومحتاجة تعديل تشريعي لتصحيح الأوضاع

**ahmed4000** · 21-04-2010 12:45 PM

غريبة ان انت بالذات اللى تفتح موضوع ده وانت بتقول والدك بيشتغل فى الخليج وجه عمل عربيات وعقارات

يبقى اى واحد فى الخليج دلوقتى بيقول على والدك -مع احترامى ليك- حرامى وجاب الفلوس دى منين ومش شبابنا اولى بيه وبيفهم ايه المصرى ده اكتر مننا (ده نفس كلامك بالظبط) من غير زعل

**romeo_6887** · 21-04-2010 02:30 PM

المشاركة الأصلية كتبت بواسطة ahmed4000

غريبة ان انت بالذات اللى تفتح موضوع ده وانت بتقول والدك بيشتغل فى الخليج وجه عمل عربيات وعقارات

يبقى اى واحد فى الخليج دلوقتى بيقول على والدك -مع احترامى ليك- حرامى وجاب الفلوس دى منين ومش شبابنا اولى بيه وبيفهم ايه المصرى ده اكتر مننا (ده نفس كلامك بالظبط) من غير زعل

بس مصدر رزقه معروف و هو معملش ملايين عشان الناس تشك انه حرامي
لكن اللي يعمل ملايين في مصر و هو اصلا ليس لديه اي خبرات او اي حاجه
شوفوه شغال ايه بقي بالظبط بجوار وظيفته الاساسيه

**human** · 21-04-2010 02:35 PM

المشاركة الأصلية كتبت بواسطة romeo_6887

بس مصدر رزقه معروف و هو معملش ملايين عشان الناس تشك انه حرامي
لكن اللي يعمل ملايين في مصر و هو اصلا ليس لديه اي خبرات او اي حاجه
شوفوه شغال ايه بقي بالظبط بجوار وظيفته الاساسيه

مش معنى ان والدك راح الخليج و ماعملش ملايين (اللى زى مانت بتقول عندنا شقق و عربيات و اطيان و مصانع و شركات) ان كل الناس اللى سافروا مش بيعملوا ملايين
اكيد و اكيد فيه منهم عمل ملايين من العمل عند العرب و ده مش اختراع و بيقولوا عليهم زى ما انت بتقول على الراجل المحترم النجلاديشى

**romeo_6887** · 21-04-2010 02:37 PM

المشاركة الأصلية كتبت بواسطة seiffoz

مش فاهم وجه إعتراض صاحب الموضوع؟

وجه اعتراضي في حاجتين
ان الحكومه تجيب واحد غريب عشان منصب ممكن واحد مصري محترم و متعلم و متفتح ان يشغل المنصب ده
و اعتراضي التاني علي المرتبات اللي بالدولار و ياريت الشخص ده مثلا من امريكا او اوروبا عشان ياخد مبالغ زي دي و بعدين الملايين اللي اتعملت في سنين قليله منين ؟ لان يستحيل الحكومه هتدي حد مرتبات بالمنظر ده الا لما يكون مخترع او عالم و هو طبعا لا مخترع و لا عالم و لا يحزنون

كل الكلام ده و لسه بتسئل الاعضاء بيكلموك كده ليه؟
ده انا لو رديت علي الموضوع بتاعك مش هاخد ايقاف من المنتدي و بس ده ممكن ترفع عليا سب و قذف علني
ممكن ارد عليك رد بس مش هتقدر تفهمه (علي رأي الامام علي رضي الله عنه: المرء مخبوء تحت لسانه)
و ردي علي كلامك:
اتقي الله
فكر في الكلمه دي علي بال ما ابعت اطلب حذف الموضوع ده و اوجه سؤال لمشرف القسم اللي قرا كلامك و اكتفي بتوجيه اللوم ليك فقط
اعوذ بالله منك و من علي شاكلتك

[/quote]

تشكر علي كلمه اعوذ بالله علي اساس
اني مليش مله و لا دين او بشتم في اهل بلدي
و شكرا علي اتهامك ليا اني مبفهمش
و اني غبي و مفهمش في ديني كويس
و بعدين لو مش عاجبك كلامي
او موضوعي يبقي متخش ترد احسن
الاخوه الباقيين اعترضوا اه بس مش بطريقتك دي
و بعدين انت بتشكك في طريقه المشرف و لا ايه ؟
انت غريب جدا
علي فكره انا اللي المفروض اقدم فيك شكوي
و اتمني انك متردش في اي موضوع ليا بعد كده

**أحمد كمال** · 21-04-2010 02:38 PM

المشاركة الأصلية كتبت بواسطة romeo_6887

بس مصدر رزقه معروف و هو معملش ملايين عشان الناس تشك انه حرامي
لكن اللي يعمل ملايين في مصر و هو اصلا ليس لديه اي خبرات او اي حاجه
شوفوه شغال ايه بقي بالظبط بجوار وظيفته الاساسيه

انت عمال تاخد في ذنوب و الراجل ده هيقتص منك يوم القيامة على الغيبة و البهتان ده كله

اتق الله و كفاية بقى

ربنا رزقه ..... مالكش دعوة و مالكش فيه و محدش له انه يتدخل في الرزق بين العبد و ربه

و خلاص يعني كل اللي عملوا ملايين حرامية؟

و خلاص يعني انت جزمت انه بيعمل حاجة مش تمام جنب الشغل؟ مين عارف يمكن بيستثمر فلوسه كلها يا أخي !!!!

و معلش يعني انت مين عشان تقول معندوش خبرات و لا حاجة

شفت السي في بتاعته ؟؟؟؟؟ و لا عملت له انترفيو؟؟؟؟؟ و لا تعرف ايه اصلا عن تاريخه ؟؟؟؟؟؟!!!!!!!!!! و لا هو فتي و خلاص ...... كفاية بقى انا اتخنقت بجد ......

ولا هو بنغالي = مفيش علم و لا خبرة ؟؟؟؟

خلاص .... مفيش مشكلة .... خد عندك بقى بعض ال stereotypes الشائعة عن المصريين بالخارج

مصري = حرامي و غير مؤتمن

مصري = فهلوي

مصري = قواد و مسرح زوجته للدعارة

مصري = هلاس و مش بتاع شغل

مصري = مهزار و مهرج

مصري = براوي و زمبوق في اخواته المصريين

مصري = جاهل

مصري = العامل ابو جلابية اللي شغال في الفاعل و اخلاقه مش تمام

مصري = البواب و سواق التاكسي و الشغالة اللي الخليجي بيقابلهم اما بينزل مصر

مصري = كذاب

ماحناش يعني سمعتنا زي البرلنت عشان نحدف الناس بالطوب ..... و زي ما انا اكره اسمع حد بيقول كده علينا او عليا او على اي مصري تاني ...... برضه اكره ان مصري يقول كده على جنسية تانية ..... يا أخي اتق الله ده بنغالي يعني غالبا مسلم يعني حرام عليك ..... هو اسرائيلي و لا يهودي ؟؟؟؟!!!!!!

و عموما على الباغي تدور الدوائر ..... بكرة لو ربنا كرمك و سافرت بلد عربي هيطلع لك واحد مواطن يطلع عليك القديم و الجديد لمجرد انك مصري ....... ابقى ساعتها افتكر ان ده ذنب البنغالي .....

**romeo_6887** · 21-04-2010 02:40 PM

المشاركة الأصلية كتبت بواسطة human12

مش معنى ان والدك راح الخليج و ماعملش ملايين (اللى زى مانت بتقول عندنا شقق و عربيات و اطيان و مصانع و شركات) ان كل الناس اللى سافروا مش بيعملوا ملايين
اكيد و اكيد فيه منهم عمل ملايين من العمل عند العرب و ده مش اختراع و بيقولوا عليهم زى ما انت بتقول على الراجل المحترم النجلاديشى

كلامك تمام و بعدين انا لا قلت شركات و لا اطيان و لا مصانع
و طبعا اي حد عربي بيعمل ملايين يبقي غالبا يستاهل الفلوس دي
عشان اكيد عنده علم او خبرات او او او
لكن الراجل البنغولي ده معندوش حاجه من دي عشان يبقي معاه ملايين
و طبعا الرزق بتاع ربنا

**romeo_6887** · 21-04-2010 02:44 PM

المشاركة الأصلية كتبت بواسطة أحمد كمال

انت عمال تاخد في ذنوب و الراجل ده هيقتص منك يوم القيامة على الغيبة و البهتان ده كله

اتق الله و كفاية بقى

ربنا رزقه ..... مالكش دعوة و مالكش فيه و محدش له انه يتدخل في الرزق بين العبد و ربه

و خلاص يعني كل اللي عملوا ملايين حرامية؟ لا طبعا مقولتش كده بس اكيد بيبقي في سبب منطقي عشان يكسبوا الملايين دي

و خلاص يعني انت جزمت انه بيعمل حاجة مش تمام جنب الشغل؟ مين عارف يمكن بيستثمر فلوسه كلها يا أخي !!!! بيستثمر مين بس ؟ الراجل جاري من البيت للمصنع و من المصنع للسنترال و السوبر ماركت عشان طلبات اهل بيته و بعدين علي البيت و اليوم اللي بيختفي فيه بيكون مسافر القاهره عشان مهمه للمصنع او حاجه كل الناس اللي شغاله في مصلحه في المنطقه عارفه تحركات الناس دي

و معلش يعني انت مين عشان تقول معندوش خبرات و لا حاجة

شفت السي في بتاعته ؟؟؟؟؟ و لا عملت له انترفيو؟؟؟؟؟ و لا تعرف ايه اصلا عن تاريخه ؟؟؟؟؟؟!!!!!!!!!! و لا هو فتي و خلاص ...... كفاية بقى انا اتخنقت بجد ......

انا مبفتيش ده جاي من بلاد فقيره جدا جدا و مفيهاش تعليم يبقي انا عارف العمليه شكلها ايه

و عموما على الباغي تدور الدوائر ..... بكرة لو ربنا كرمك و سافرت بلد عربي هيطلع لك واحد مواطن يطلع عليك القديم و الجديد لمجرد انك مصري ....... ابقى ساعتها افتكر ان ده ذنب البنغالي .....

د
الرد في الاقتباس

-

الموضوع: حكايه اغرب من الخيال ( حكايه حقيقيه في منطقتنا )

LinkBack

أدوات الموضوع

عرض

-

-

-

-

المواضيع المتشابهه

حكايه غريبه اوى فى 516

حكايه و طلب رأي

هيا ايه حكايه الميجان

اغرب حكايه

ايه حكايه الانوس ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة