الموضوع: هل يمكن تركيب سخان زجاج خلفي في لانوس 2 ؟

ما اعتقدش ان فيه سخان بيركب

بس ممكن تغير الزجاج و تجيب زجاج جديد فيه سخان بس فى الحاله دى هتحتاج تركب زرار فى اى مكان عشان تشغل السخان منه

الزرار الآصلى اصلا فى لوحة تحكم التكيف اللى هوه الزرار المقابل لزرار كباس التكيف

انا كنت عايز اجيب الزرار ده و اشغلو يفصل الاريال بس مالقيتهوش خالص فى السوق

انا جبت الزرار بتاع نور الشبوره بتاع لانوس 1 و شغلت عليه الاريال (عشان ان بسافر كتير بالعربيه و مش بحتاج الاريال)

المهم الزرار ده بيركب على شمال الساعة مكان الطبه و متوفر بسعر 40 جم ممكن حضرتك تعمل كده برضو بس انا بصراحة ما اعرفش سعر الزجاج اللى فيه سخان

تحت امرك

يا ريت لو سالت على سعر الزجاج تقولنا

المشاركة الأصلية كتبت بواسطة ahmedezzat78

انا جبت الزرار بتاع نور الشبوره بتاع لانوس 1 و شغلت عليه الاريال (عشان ان بسافر كتير بالعربيه و مش بحتاج الاريال)

المهم الزرار ده بيركب على شمال الساعة مكان الطبه و متوفر بسعر 40 جم ممكن حضرتك تعمل كده برضو بس انا بصراحة ما اعرفش سعر الزجاج اللى فيه سخان

ممكن اعرف جبته منين و ركبته ازاي لان موضوع الايريال طالع نازل مش عاحبني خصوصا و انا مشغل الكاسيت

شكرا علي الرد مقدما

انا جبته من شارع دمشق Gm اصلى

الزرار له سته اطراف:

• طرفين نقطة التوصيل Switch
• طرفين نور الزرار
• طرفين لمبه بيان التشغيل

طلع كتالوج الكاسيت و بص على الرسم التخطيطى للاسلاك هتلاقى فرده بتاعة الاريال اللى هيه بتدى كهرباء للاريال يشتغل لما تشغل الكاسيت

اقطع الفرده دى قبل فيشه الكاسيت و وصل طرفين المفتاح الجديد على الاطراف المقطوعة

يبقى عشان الاريال يطلع لازم تحقق شرطين : الاول انك تشغل الكاسيت و الثانى انك تضغط الزرار

انا على طول مشغل الكاسيت و منزل الاريال

كمان فى نفس الفيشه هتلاقى فرده سلك واخده كهرباء مع نور التابلوه اللى هيه بتخلى الكاسيت ينور لما تنور التابلوه حتى لو الكاسيت مفصول....... قشر الفرده دى و وصلها بنور الزرار الجديد

من نفس الفيشه خد فرده ارضى عشان النور

كده هيبقى الزرار منور عادى زى باقى التبلوه

يتبقى لمبه الاشاره ....... انا شلتها و حطيت مكانها لمبه جهاز الانذار الزرقاء و كده يبان ان العربيه بها انذار Built In (اكنه انذار فابريكه يعنى)

بس كده ..... موضوع سهل

كل اللى هتحتاج تفكه وش الكاسيت الفضى و الكاسيت و لوحه تحكم التكيف و ممكن ما تفكش وش التابلوه الكبير