توضيح شوية حجات

**amir** · 24-04-2010 09:30 PM

المشاركة الأصلية كتبت بواسطة amir

اوعي تمضي استلام العربيه الا لما تشيله
اوعي
اوعي
اوعييييييييييي
ناس كتير لبست عربيات مخبوطه و مرشوشه و محطوط عليها الاستيكر الابيض ده علشان يداري البلاوي من تحته
الله يكرمك تستلم الصبح و الشمس طالعه
و لو عمل ايه من وسائل الاغراء انك تستلم العربيه باليل اوعي
العربيه تاخدها منه الصبح و هي واقفه قبل ما تحط رجلك فيها و فلوسك في جيبك تقولو يشيله
و يبقي معاك واحد او اتنين خبره شويه في العربيات يدورو يبصو في صاج العربيه
لو لقيت خربوش او حكه او خبطه بالذات تحت الاستيكر الابيض ده باللي في رجلك علي طول و امشي
انا بنصحك علشان متتورطش في عربيه مخبوطه او مرشوشه و اسمك بتشتري زيرو يبقي تستلم زيرو
و لو اللون عايز تغيره غير يا سيدي براحتك
هو انت اول واحد اتعاقد و رجع في كلامه في اللون؟
عموما عايزك تحس انك باشا كبير و بتبقشش عليه ميفرضش عليك حاجه نهائي
و اوعي تستلم بالليل
لازم في النهار و تخلي الناس اللي معاك يفحصو العربيه و كأنك بتشتري مستعمل
الكلام ده مش علشان الصني ده علشان معارض السيارات و الاسلوب المستفز اللي بيعملوه و هما بينقلو العربيات الزيرو
بيسترخصو يأجرو عربيه كبيره يتحمل عليها العربيات فعاده بيفصلو عداد الكيلومتري و هاتك يا حرق و قرف علي العربيه قبل ما صاحبها يركبها
و كمان حاجه نسيتها
لو لقيت طفيه سيجاره او حتت طين في العربيه من جوا الصالون امشييييييييييييييييييي و سيبه
ربنا يسترها معاك و يوفقك

لو اللون الاسود في دماغك يبقي تراجع علي الاحاجات دي قبل ما تدفع غير كده انت فاهم بقي هتعمل ايه
لو اللون الاسود مش عاجبك (مع انه برغم كل مصاعبه لون شيك و حلو)يبقي انت فاهم برضو هتعمل ايه
و انا مش غرضي اكرهك في اللون اللي انت مختاره
ده عاجبني جدا

**Mostafa_ENG911** · 25-04-2010 09:18 AM

المشاركة الأصلية كتبت بواسطة khela

بص انا كنت محتار زيك بس انا كان عاجبنى الاسود جدا هو بصراحة وهوجديد وبيلمع بيبقى تحفى و احلى لون بس ناس كتير خوفتنى من بهدلتة وبعدين انا اخدت بالى ان اى لون متبهدل ومخبط ومحكوك اومتوسخ بيبقى موحش العربية مش بس الاسود اذا الموضوع واحد فى كل الالوان وهو نظيف بيبقى جميل ..وهومبهدل بيبقى وحش
اتكل على الله وخد العربية و حافظ عليها وافرح بيها ربنا يباركلك فيها

هذا والله كلام الزين.....و الله كلام العين للعين.....

**د.أحمد السعيد** · 25-04-2010 02:45 PM

بالتوفيق ان شاء الله

**MOK3336** · 25-04-2010 08:05 PM

شكرا يا رجالة و الله الواحد مش عارف يودي جمايلكم دي فين
و أديني مستني ليوم الأربعاء بإذن الله عشان أستلم و أهبقي أقولكم اخر الأخبار إن شاء الله
بس سؤال يا جماعة هو عجيب شوية بس معلش عشان ابقي عامل حسابي يعني
هي الصني سحبها مقارب لعربية إية و نعومتها مقاربة لإية برضة
عشان انا ركبت كرولا 2009 كانت داخلة دماغي خالص فهل هى زيها ولا اية ؟؟