ممكن حد يساعدنى عشان ملبسش فى عربيه وفى فلوس على الارض

يا جماعه الاول سلامو عليكو الحكايه كلها انى كنت عندى عربيه قديمه جدا فيات 132 وخلاص اعدت وطلعت عينى وتعلمت فيها وزى الفل دلوقتى وبعتها وخلاص بقى عاوز اركب حاجه نضيفه فنا قولت اجيب زيرو وعجبتنى الانترا لانها واسعه جدا ونا جسمى مليان شويه وكمان استهلاكها بنزين حلو فنا عاوز اعرف اجيب ايه انا معايا لو جديد معايا لحد 100 الف ولو مستعمل لحد 70 الف انا بصراحه عاوز اجيب حاجه مستعمله عشان متبقاش غاليه ونا اوفر الباقى لان واحد نفسى اركب عربيه تدينى امان انها مش كل شويه تعطل فنا اخد فكره واحده عن المستعمل ان كله زى العربيه الى طلعت عينى قبل كده ممكن حد يفيدنى ممكن اعمل ايه انا نفسى اجيب الانترا بس سامع انها واطيه اوى ويعنى ايه جى ال دى تانى حاجه ايه رأيكم فى الماتركس وف الانسر عشان سامع ان سحب البنزين فيهم عالى والماتركس مش ثابته ع الطريق

اتمنى الافاد يا جماعه

اولا مبروووك لانك تخلصت من 132
ثانيا ارشح لك اللوجان سيدان المغربيه
سعرها رخيص جدا بالنسبه لامكانياتها
واسعه جدا اكتر من الالنترا وعاليه جدا اكتر من الماتركس
ادخل علي منتديات الرينو واعرف عنها اكتر من الناس اللي اشتروها واستعملوها
انا معايا فيرنا 2009 وحشه جدا
ع العموم كل العربيات احسن من 132

بص يا باشا فكر فى رينو ميجان مستعمل فى حدود65 الف او اللوجان سيدان المغربيه

انصحك طالما معاك المبلغ ده ماتجيبش مستعمل لأنه مهما كان زى البطيخة
مع احترامى للرينو لكن كل قطع الغيار و الصيانة فى التوكيل
شوف تستريح لايه
ماتريكس او اوبترا او النترا بس هتهم مانيوال لان الاوتوماتيك فى الكورى مشاكله كتير و مكلف
او لانسر 1300 مانيوال
راى الشخصى هات الماتريكس دى تنفع شبابى و لعيلة و ناس كتير جربوها و بيشكروا فيها
او لانسر 1300 ؟
اعمل استخارة وربنا يوفقك ؟

سؤال على الماشى الــ 132 بعتها على كام و كانت مواصفاتها ايه ؟

لو هاتجيب زيرو يبقى هات النترا لو مستعمل فى حدود 70 الف هات اوبترا

لاو زيرو سيراتو او النترا او كارينز حلوة و عاملة زي الاتوبيس الصغير.

كسر زيرو اختيار موفق .. وربنا يوفقك

اقتباس:

---

المشاركة الأصلية كتبت بواسطة tamerhassan

بص يا باشا فكر فى رينو ميجان مستعمل فى حدود65 الف او اللوجان سيدان المغربيه

---

سيدي الفاضل ...
الاختيار ده مكلف جدا لأن الميجان عربية جميلة و رائعة و انا شخصيا بأحبها جدا لكن لايمكن أشتريها في مصر لأن تكلفة صيانتها و أصلاحها عالية

ثانيا .. ابتعد عن كل ماهو كوري في المستعمل و لو عايز كوري يبقي هات جديد (زيرو) تبقي عارف أصلها و فصلها

أما عن المستعمل في حدود 70000 اعتقد ممكن تجيب حاجة ياباني كويسة و بحالة جيدة جدا (تويوتا كورولا مثلا او لانسر) و أظن ممكن تجيب حاجة ألماني جيدة

مع تمنياتي لك بالتوفيق
م/ سمير الشهاوي

خلى باااااااااااااااااااااااا ااااااالك
الجديد كلة بياخد بنزين 90 و 92 مش 80 زى ال 132
الا انواع المواتير الى زى مواتير اللانوس و الشفرلية ال 1500 سى سى كامة واحدة 85 حصان دوول بيخدوا بنزين 80 مبيقولوش لقى

هات النترا كسر زيرو مانيوال هتعمل 75 او ازيد كام الف و تكون عاملة 30 الف كيلو

العربية ممتازة بصراحة و معايا و مريحة جداا و عفشتها احسن من حاجات كتير

يا جماعة محدش جاب سيرة النيو اكسنت بصرف النظر عن المشاكل الفردية الي ظهرت في بعض السيارات فهي سيارة اعتمادية جدا وممتازة بالنسبة لسعرها

نصيحة اخوية ابعد عن غبور وقرفه وبص للكيا كارينز
لان لما بيتبعت شكوى للشركة الام فى كورية بيكهربوا التوكيل هنا فى مصر وحقك بتاخده تالت ومتلت
لكن فى هيونداى بيحولوها على غبور يعنى اللى انت شاكيه هيحكم عليك تتصور كده انه ممكن يحكم فى صالحك ؟؟؟؟؟؟؟؟؟؟؟؟؟
............................
محمود عينو

الاول انا بيعت ال 132 ب 1300 هى كانت 1600 سى سى حاله زى الزفت عفشه بنت تييييييييت فى تيييييييييت هههههههههههه

فى حاجه بقى يا جماعه لو انا جبت لانسر 1300 هيبقى استهلاك بنزنها كويس بس فى حاجه هتستحمل تكيف ازاى ولو اوتوماتيك هتستحمل ازاى ممكن حد يقولى لان حاسس ان 1300 قليل على عربيه زى الانسر

اقتباس:

---

المشاركة الأصلية كتبت بواسطة hamada132

الاول انا بيعت ال 132 ب 1300 هى كانت 1600 سى سى حاله زى الزفت عفشه بنت تييييييييت فى تيييييييييت هههههههههههه

فى حاجه بقى يا جماعه لو انا جبت لانسر 1300 هيبقى استهلاك بنزنها كويس بس فى حاجه هتستحمل تكيف ازاى ولو اوتوماتيك هتستحمل ازاى ممكن حد يقولى لان حاسس ان 1300 قليل على عربيه زى الانسر

---

المانيوال فى ال1300 افضل فى السحب عن الاوتوماتيك
و ماتنساش ان الموديلات اللى قبل البومة كانت كلها بتنزل 1300 و مانزلش ال 1600 الا مع البومة
فا اطمن من حكاية التكيف و السحب
طبعا ال 1300 لانسر زى الفل و خلى بالك دى كده فى حدود ال 100 الف لكن لو معاك تزود اكيد ال 1600 افضل
لكن اللانسر علاوة على انها يابانى منتشرة يطريقة مذهلة غير توفر قطع الغيار سواء جديد او مستعمل
و كمان زى الجنية الذهب سعرها دايما عالى و لو عاوز تبيع فى اى وقت هتلاقى ده سهل جدا
و ياريت تلقى نظرة على منتدى متسوبيشى و انته تعرف اكتر
و ربنا يوفقك .