الموضوع: مشكلة النت ....بيفصل

المشاركة الأصلية كتبت بواسطة shnory

موضوع الكهربا ده بياثر علي الراوتر بس لما بتضعف
كان بيحصل معايا انه من المغرب لحد 12 بالليل الراوتر بيقعد يعمل ريستارت
ولما قيست الكهربا كانت 190 فولت
بس الكلام ده بعد المغب علشان الاستهلاك بيزيد في المنطقه
وكان الحل اني جيبت استبلايزر
-------------------------------------
حضرتك تشوف سرعه النت اللي واصلالك علي الراوتر كام
لو السرعه مش ثابته بغض النظر عن انها كامله
مثال
سرعتك لازم تكون
1024/265
لو انت واخد ميجا
اي تغيير في القيمتين يبقي فيه مشاكل من الشركه
وعموما العيب بتاعك ده لما حصل عندي
ما اخدتش من الشركه حق ولا باطل
واتصلت بجهاز تنظيم الاتصالات
لان العيب كان من البورت بتاع السنترال
لو حضرتك حتعمل شكوي يبقي لازم تحتفظ بارقام اوامر الشغل اللي بيدوهالك من الشركه اللي انت مشترك معاها
وتعمل بيها الشكوي وخلال اسبوع او اتنين
حتلاقيهم بيكلموك وحيحلولك المشكله

معلش سؤال يا شنوري
ازاي اعرف سرعة النت اللي داخلة الراوتر؟
هو حضرتك لما كلمتهم قالولك ان الخدمة واصلة عادي ومافيش مشكلة؟
انا كان مرة عندي مشكلة ان السرعة بتضعف بشكل غير عادي ولما كلمت الشركة قالولي ان كفائة سلك التيليفون ضعيفة والسلك عاوز يتغير وبعد ما غيرته الدنيا اتظبطت
ممكن حضرتك تجرب راوتر تاني وتشوف ايه الاخبار

المشاركة الأصلية كتبت بواسطة yasserelsayad

ممكن تركب الاسبليتر فى الخط الرئيسى اللى داخل الشقة و تطلع منه خط للروتر و خط للشقة كلها

فعلا يا استاذ ياسر دايما ينصح بتركيب الاسبلتر على الخط الرئيسي اللي جاي من البوكس اللي في الشارع
وياريت لو تحاول حضرتك تشتغل مباشرة من الخط الرئيسي للراوتر لغاية ما تحل المشكلة وبعد كدة تركب الاسبلتر وتشوف وبعد كدة تركب التيليفون وتشوف

المشاركة الأصلية كتبت بواسطة nabaster

ربنا يخليك يا رايس والحمد لله الامور بخير

دلوقت جرب تعمل الاتي هتجيب الخط الرئيسي وتحط الاسبليتر في النص وبعدين هات الخط الي بيبقي طالع من البورت الي اسمه مودم وحطه في الراوتر ومتوصلش التليفون

وقولي النتيجه

a.yakout

فعلا يا جماعه هو ده اللى حصل...
انا السلك العمومى اللى جاى من البوكس داخل على الاسبليتر مباشرة..
وبعد كده طالع وداخل على الراوتر..و التانيه داخله على التليفون..
الوضع ده ..مفيش نت..
حاليا انا شايل السلك اللى طالع من الاسبليتر وداخل على التليفون وفيه نت موجود وكل حاجه منوره.
ده معناه ايه بقى؟؟انا كده معنديش تليفون

المشاركة الأصلية كتبت بواسطة yasserelsayad

ممكن تركب الاسبليتر فى الخط الرئيسى اللى داخل الشقة و تطلع منه خط للروتر و خط للشقة كلها

المشاركة الأصلية كتبت بواسطة abdelaziz-waleed

فعلا يا استاذ ياسر دايما ينصح بتركيب الاسبلتر على الخط الرئيسي اللي جاي من البوكس اللي في الشارع
وياريت لو تحاول حضرتك تشتغل مباشرة من الخط الرئيسي للراوتر لغاية ما تحل المشكلة وبعد كدة تركب الاسبلتر وتشوف وبعد كدة تركب التيليفون وتشوف

بالفعل انا موصله على طول ..
الخط الرئيسى داخل من بره البيت على الاسبليتر

المشاركة الأصلية كتبت بواسطة noble911

طالما ركبته في السلك مباشرة و برضوا قطع يبقي حاجة من تلاتة
1- السلك متهالك او مصدي او فيه وصلات كتير و ده حيظهر علي خصائص الخط من داخل الراوتر حيث تجد ان هامش الشوشرة منخفض جدا لاقل من 10-12 db و بفضل ان تكون فوق ال20 db لضمان استقرار الخط
و الحل هنا تغير السلك من البوكس الي مكان الروتر بالكامل
و هناك طريقتين للتوصيل الطريقة النظرية من البوكس الي اسبلتر يقسم فرعتين واحدة تليفون و اخري للمودم
او هناك طريقة للتحايل علي ردائة نوعيات الاسبلتر في مصر
بتوصيل فرع من البوكس الي الراوتر مباشرة و اخري من البوكس الي اسبلتر الي التليفون

2- كما ذكر الاستاذ nadernabil يجب قياس التيار في البيت
لان احيانا نتيجة الضغط و ضعف البنية التحتية بيكون التيار اقل من 220 فولت و بالتالي فان خرج الادابتور بتاع الراوتر حيكون اقل من المفروض و هناك مجموعة من الروترات المختلفة الماركات و الموديلات حساسة جدا لاي تغير في مستوي الطاقة
و الحل هنا تركيب مثبت تيار و توصيل ادابتور الراوتر عليه

3- سبب خارجي من السنترال للبيت و دي تتحل باكرامية لاحد الفنيين في السنترال و هو سيعيد تدبيس الخط بمعرفته بخط تاني افضل خالي من الرطوبة مثلا
لكن لا تلجا لهذا الحل قبل التاكد من ان التوصيلات في البيت سليمة

و ان شاء الله المشكلة تتحل بسرعة

الاسلاك كويسه ...وده راجع لننا كنا مجددين الشقه من مده وعملين عمره لكل حاجه