شراء سيارة جديدة ( قسط ) أم مستعمل كاش

**uhlphp** · 22-01-2008 04:21 PM

أرجو المساعدة لانى في حيرة شديدة من هذا الموضوع
أولا في البداية قررت شراء جديد قسط ووضعت عدة سيارات في الحدود المادية المناسبة لي في المقدم والقسط علماً أنى لا أستطيع دفع أكثر من 10000 جنية مقدم للسيارة مثل فيات 128 أو سوزوكى التو 800 cc أو لادا 2107 او بعض السيارات في هذه الحدود المادية ولاكن عند حساب الفائدة على اقل نسبة موجودة في المعارض وجدت أن الخسارة الإجمالية ( الفائدة + مبلغ التامين طول مدة القسط ) لان تقل عن 15000 جنية فما فوق بخلاف أنى أريد سيارة عائلية وبعض من هذه السيارات قد قرأت أنها ممكن تكون ضعيفة وبعض منها لهو مشاكل كثيرة وبعض الأصدقاء يفضلون أن اشترى مستعمل أفضل وأنا لا افهم في السيارات نهائياً وهذا هو السبب الأول في اختياري للجديد .
ثانيا ًحين فكرت في شراء مستعمل كلا الفيات 128 او اى سيارة في حدود 25000 جنية كل ما أستطيع تدبيره فسمعت كثيرا عن أنها سيارة مشاكلها كثيرة وكل فترة قريبة ساذهب الميكانيكى وتخوفت كثيراً من هذا الموضوع لانى لا أريد سيارة تبهدلنى معها .
فأرجو نصيحة الأخوة في المنتدى في الأمر وأرجو توضيح هل السيارات أل 800 cc تكون ضعيفة إلى هذه الدرجة .
واشكر كل من تفضل بالنصيحة وترشيح أمر من الاثنان .

**emadkamel** · 22-01-2008 05:00 PM

بس حضرتك ... اى نظام تقسيط من اى نوع لازم هاتكون عليه فايده ... ممكن الشارى يعتبرها خساره والبائع يعتبرها امر عادى لكن فى كل الاحوال انت بتدفع تمن سلعه او خدمه تاخدها حالا رغم عدم امكانيتك الماديه على تغطيه نفقاتها فبتدفع الفايده مقابل الميزه دى.

لو حسبتها كده عمرك ما هتجيب اى عربيه بالقسط :)

الحاجه التانيه باعتبارك جديد فى السواقه فى مصر (ودى مهمه انك مش بس جديد لأ كمان فى مصر) فأنا رأيى تجيب 128 مستعمله ويكون معاك ميكانيكى كويس يفليهالك ... وممكن الاخوه فى المنتدى هنا يدلوك على حد متخصص فى 128 ... ممكن برضه تشوف منتدى البيع والشراء لو حد عارض 128

بارجح الـ 128 علشان عربيه كويسه ووسعها معقول لأسره صغيره، قطع غيارها موجوده وموفره فى البنزين ... واهم من كده تجرح وتحك بيها براحتك لغايه لما تتمكن من السواقه وماتخسرش فيها كتير لما تحب تبيعها غير الزيرو اللى هاتضايق قوى على كل خربشه فيها (ووهيأ نفسك ان ده وارد جدا جدا حتى والعربيه واقفه)
وربنا يوفقك ان شاء الله

**analyzer** · 22-01-2008 08:08 PM

مستعمل كاش افضل من زيرو قسط
اما نوع العربيه دة بيرجع ليك انت على حسب مشاويرك وطبيعة استخدامك وعلى حسب انت كنت راكب ايه قبل كده او لسه اول عربية .

**SEATLOVER** · 22-01-2008 09:13 PM

يعنى انت معاك كام كاش 10 ولا 25
لو 25...حط ال 25 مقدم فى الماروتى و بكدة هاتكون الفايدة اقل.. عربية كويسة و معقولة جداً داخل البلد و حاجاتها معقولة ..و حتى لو فكرت تبيعها مش هاتخسر
(و على فكرة مهياش ضعيفة لو استعمالك كويس)

**uhlphp** · 22-01-2008 10:06 PM

اشكر كل من ساهم بالرد على موضوعى
وبالنسبة للرد الاول انا ليس لدى اى مشكلة ناحية الفيات 128 غير الخوف من كثرة الاعطال اللى ممكن تتعبنى ولا استطيع فيها استعمال السيارة براحة وامان.
بالنسبة للرد الثالث انا استطيع دفع 10 الاف اذا كام قسط و 25 الف اذا كان مستعمل كاش لانى بدل القسط هادخل جمعية اخرى بـ 15 الف والى هادفعة فى القسط هادفعة فى الجمعية وانا ارجح المستعمل ايضاً ولكن كل الفكرة التى اخذتها من المنتدى وبعض الناس ان المستعمل مشاكلة كثيرة وكل شوية لازم اروح للميكانيكى وبالنسبة للماروتى فقد كانت فى تفكيرى ولكن فى ناس كتير يقولون انها لا تنفع سيارة لعائلة وارجو توضيح هل سيارة 800 cc متكونش ضعيفة بمعنى انها ممكن تشيل 4 افراد وتمشيى عادى فى اى مشاوير .
واعتذار طولت عليكم ولكن اريد ان افهم كل شى بوضوح

**amgad29** · 23-01-2008 01:11 AM

ممكن تلاقي لادا بحالة كويسة بالسعر ده ولو حافظت عليه مش هتحتاج تروح للميكانيكي كتير و فيها ميزة انك مابتخسرشي لما تيجي تبيع
و الكلام ده ينطبق على ال 128 برضه المهم تلاقي عربية حالتها كويسة و ماتستعجلشي واكشف عليها كويس

**عزوز** · 23-01-2008 02:40 PM

هاتلك 128 موديلات التسعينات تكون بحاله كويسه
هتعمل حوالى 25 الف
وهتريحك لو حالتها كويسه

**ibrahimsaad** · 23-01-2008 04:15 PM

اخى والله انا نفس ظروفك تقريبا وفكرت نفس تفكيرك وفكرت اجيب مستعمل ولانى لسه جديد زى حالاتك فى السواقه واول مره كل مااشوف عربيه مستعمل واتفرج عليها الاقى نفسى مش فاهم فيها اى حاجه وممكن ادبس فيها بكل سهوله وساعتها بقى كل يوم والثانى عند الميكانيكى وبدل ماتحلمشكله تلاقيها عايزه ميزانيه وواحد يشوف مشاكلها

كثير نصحونى بالزيرو ورغم انه دين وعبئ لكن قدر لابد منه لانه الخيار الافضل

مسأله الفوايد دى شئ طبيعى لانك هتركب عربيه جديده لو حسبتها ببساطه مش هتلاقيها خساره لان قيمه الجنيه بتقل يعنى كمان سنه ولا اثنين هتحس ان اللى بتدفعه قسط مبلغ مش كبير فى المقابل هتركب عربيه واعتبر الفايده دى بدل راحه او بدل مواصلات وبعدها هتبقى العربيه ملكك ان شاء الله

انا ارجح لك اللادا عربيه جامده ورخيصه والوحيده اللى تنفع شوارعنا وخصوصا انك لسه جديد زى حالاتى تستحمل الخبط والرزع والخدش

انا اعرف صديق لى كان برده جديد وجاب اللادا وبسم الله ماشاء الله اتعلم عليها واتخبط بيها وزى الفل حماله اسيه فعلا لو عربيه غيرها مش هتتحمل اللى بتتحمله ان كنت فعلا عايز عربيه تسد اما لو عايز شكل ومنظر فيبقى حاجه ثانيه بس لاانصحك بالماروتى رغم انها ممتازه لكن ماتنفعش عيله اما ال 128 فدى بقى مش عارف ليه غاليه جدا مستعمل ناهيك عن انها قديمه جدا ومشاكلها لاتعد ولاتحصى صحيح قطع غيارها رخيصه وسهله البيع لكن ايه الفايده خصوصا ان قطع غيارها غير معمره خالص وكل يوم هتلاقى نفسك عند الميكانيكى

استخير الله وربنا يوفقك

**araberphilosoph** · 23-01-2008 08:50 PM

باشا تشتري عربيتي (سكودا فيفوريت 1994) ب26 الف وانا بظبط فيها كل حاجه بس هابيع بعد 3 شهور

**ahmed1981** · 23-01-2008 10:02 PM

راحة البال لا تقدر بثمن
وهموم إصلاح المستعمل أهون من هموم أقساط وديون الجديد
رأيي تشوف حاجة نضيفة في حدود مقدرتك على الدفع الفوري (الكاش) وتدور على 128 أو ماروتي أوبرودا كانشيل الماليزي مستعملين لكن يكونوا حالة ممتازة

الموضوع: شراء سيارة جديدة ( قسط ) أم مستعمل كاش

LinkBack

أدوات الموضوع

عرض

-

-

-

-

-

المواضيع المتشابهه

مساعدة فى شراء سيارة جديدة

مساعدة في شراء سيارة جديدة

ما هى أجرائات شراء سيارة جديدة

شراء سيارة جديدة

قواعد شراء سيارة جديدة

الكلمات الدلالية لهذا الموضوع

المفضلات

المفضلات

ضوابط المشاركة