اطلب مرتب كام ؟؟؟

**abdo_general** · 20-04-2010 08:39 PM

السلام عليكم

انا بجد السؤال دا محيرني
انا لما ببعت السي في بتاعي لشركات دلوقتي
الشركات المحترمة بتبعت ليا رد سواء فيه بعض الاسئلة او الاعتذرا وتمني التوفيق
الي بيبعتو ليا اسئلة
مثلا عندك عربية وكام سؤال كده ومرتبك السابق كام وعاوز كام ؟
انا ما اشتغلتش لسه بس اتدربت ولسه خريج السنة دي
فا ببقي محتار
اولا عندي نقطة ضعف اني مش عارف الي داخل الشركة بياخدو في حدود كام بالظبط
بخاف اطلب رقم قليل يدل علي ان انا ( واقع خالص ) وعاوز اي حاجة ومش فارقة وكده
وممكن يدل علي اني راضي باي مرتب لحد ما اشتغل ويشوفي مهاراتي وقداتي في العمل وساعتها اتساوي بالي شغال قبلي او يترفع مرتبي بالي استحقه
وبخاف اطلب رقم عالي ( مش عالي اوي ) اترفض علي طول واضيع الفرصة من ايدي
وسعات بقول دا يدل علي الثقة بالنفس

بجد انا احترت اوي
والمشكلة اني ما اشتغلتش علشان اقولهم مرتبي السابق كان كذا
او في حدود كذا

ايه رائيكم ؟

**nomercy22** · 21-04-2010 12:30 AM

ياريت ماتحددش افضل

**hany_mohamed** · 21-04-2010 12:53 AM

يا ريت بس توضح انت خريج ايه
مش معنى انك مالكش خبرة سابقة انك ما تعرفش تقدر مرتبك اللى انت محتاجه فى بداياتك
أكيد كل مؤهل بيبقى ليه حد أدنى من المرتبات
وبعد كده تضاف نقاط للغات وعددهم ودرجة الاجادة
ثم الكمبيوتر ودرجة الاجادة وبرضة تتضاف نقاط لهم وهذا اذا كانوا يستخدمون الكمبيوتر فى الشركة
وهناك اشياء اخرى مثل لديك رخصة قيادة وتجيد القيادة
اللباقة والمظهر وحسن التعامل فى موقف المقابلة
وسؤالك عن الشركة المتقدم اليها قبل الذهاب للمقابلة أو حتى التقديم
وكمان يفرق المرتب فى مكان الشركة ففى القاهرة مرتبات مرتفعة بالنسبة للمحافظات الاخرى
بس عامة أعتقد أن الرقم يدور حول الالف جنية مبدئيا لعدد 8 ساعات عمل يوميا

**mada_76** · 21-04-2010 11:48 AM

موضوع بلاش تحدد ده مش هاينفع لانك لازم هاتتزنق في اي انترفيو وتتسال تتوقع تاخد كام ولازم تجاب عليه مش هاينفع تهرب . دي من اساسيات الموارد البشرية .

انا راي انك تشوف زمايلك اللى في نفس تخصصك وبيشتغلوا في شركات مختلفة مرتباتهم هناك كام وتقدر ساعتها تحدد لنفسك شريحة من 10 الى 30 مثلا وده بناء على الشركة اللى انت متقدملها .
يعني ماتروحش شركة عالمية مثلا وتطلب 600 جنيه او شركة الارزاق للتجارة وتطلب 5000 جنيه . كده يعني
وربنا معاك

**Sh_sunsea** · 21-04-2010 12:11 PM

بالنسبة للشركات الكبيرة - وأخص بالذكر الشركات الكبيرة - بيبقى فيه نظام لقصة المرتبات دي - يعني وظيفة كذا - دفعة كذا - سنوات الخبرة كذا - يبقى المرتب في range معين - مش هاتبقى اختلافات قاتلة أو كبيرة يعني

فبدل انت لسه في البداية - ماتقلقش انك تكون رقم يكون أقل من توقعاتهم - علشان أبسط حاجة هايديلك ال Min - ومن حقك بعد سنة ولا اتنين - تطلب الزيادة السنوية بتاعتك يراعى فيها مثلا انك بدأت Min.

لكن طبعا الشركات الصغيرة - لو قولت 1000 جنيه هايقولك 800 - فين حين غيرك بياخد 2000 علشان مافيش لا نظام ولا رقيب

**Ahmed.Ali** · 21-04-2010 12:17 PM

انت تخصصك ايه و خريج ايه و الشركه الي بتعمل فيها انترفيو في اي مجال عشان اقدر اقولك تطلب كام

**zaza_lanos** · 21-04-2010 12:27 PM

انت فى مصر اطلب بزيادة
علشان الفصال
وكل شركات البلد زى بعض
انا مرتبى اعلى من ناس قديمة فى الشغل
واحيانا اقل من دفعتى فى نفس الشركة

**Ahmed.Ali** · 21-04-2010 01:17 PM

المفروض في الشركات المحترمه ان بيعملوا حاجه اسمها Salary Servay مع شركات متخصصه في كدا عشان يحددوا الرنج المناسب لكل وظيفه
فالمفروض ان الموضوع مش هبولي كدا عشان كدا سألتك مؤهلك ايه و خريج جامعه ايه و الصناعه بتاعت الشركه ايه

**GMakram** · 21-04-2010 01:37 PM

المشاركة الأصلية كتبت بواسطة sh_sunsea

بالنسبة للشركات الكبيرة - وأخص بالذكر الشركات الكبيرة - بيبقى فيه نظام لقصة المرتبات دي - يعني وظيفة كذا - دفعة كذا - سنوات الخبرة كذا - يبقى المرتب في range معين - مش هاتبقى اختلافات قاتلة أو كبيرة يعني

فبدل انت لسه في البداية - ماتقلقش انك تكون رقم يكون أقل من توقعاتهم - علشان أبسط حاجة هايديلك ال min - ومن حقك بعد سنة ولا اتنين - تطلب الزيادة السنوية بتاعتك يراعى فيها مثلا انك بدأت min.

لكن طبعا الشركات الصغيرة - لو قولت 1000 جنيه هايقولك 800 - فين حين غيرك بياخد 2000 علشان مافيش لا نظام ولا رقيب

+111111111111111111111111

الكلام ده فعلا صح,الشركات الكبيره مش بتظلم الموظف او بتستغل جهله او عدم علمه بسياسه المرتبات عندهم فحتى لو ظلمك فى اول سنه بعد كدا هتتعدل طبقا لشريحتك عندهم على عكس الشركات الصغيره

الخلاصه من وجهه نظرى انك لما تتسئل عن توقعك لمرتب قول اللى انت شايفه هيكون مجزى لك او هيكون كافى لك فى حدود امكانياتك اللى هيا (خريج جديد+نوع شهادتك) دول اللى يحددوا توقعك للمرتب وعموما اعتقد فى القطاع الخاص تقول فى حدود 1500 الى 2000 لو معاك شهاده جامعيه

تقبل مرورى وتحياتى

-

الموضوع: اطلب مرتب كام ؟؟؟

LinkBack

أدوات الموضوع

عرض

اطلب مرتب كام ؟؟؟ - انشر الموضوع فى :

-

-

-

-

-

-

-

المواضيع المتشابهه

ويا ترى المعزة بتاخد مرتب؟!..

مرتب محاسب فى شركة الكهرباء

ايه متوسط مرتب محاسب لسه متخرج !!

دعاء مرتب حسب ترتيب المصحف الشريف

عايز صيغة مفردات مرتب ضرووووووووري

الكلمات الدلالية لهذا الموضوع

المفضلات

المفضلات

ضوابط المشاركة