هل أغير زيت الفتيس ؟؟

**mohabelnegm** · 23-04-2010 08:45 PM

أنا غيرت زيت الفتيس على 100ألف لأنة زى ما بيقولوا زيت الفابريكة علشان كدة أستنيت عليه لغاية 100ألف و غيرتة ب (زيت توتال90) على الرغم أن ما كانش فى أى شكوى من الفتيس بس غيرتة لأنى مقتنع أن أى حاجة فى الدنيا لازم خواصها بتتغير مع الزمن و ألأستهلاك. و بعد ما غيرت الزيت لقيت أن الفتيس فيه عضة خفيفه أوى على التانى و الموضوع دة أستمر لأسبوعين فقط و بعدين الفتيس رجع لسابق عهدة أن النقلات فى منتهى السلاسه و النعومة.

**samirayad** · 23-04-2010 09:09 PM

كررت مع الميكانيكى التزييت دة مرتين ورا بعض لكن الفتيس بقى فى وضعه المعتاد ولم يرجع خفيف زى الاسبوع اللى تم فيه التزييت اول مرة!!!!!!!!!!! حد عنده تفسير لدة ولا دة يكون نقص زيت فتيس ولا ايه الحكاية؟

المشكله فقط فى عدم تفهم الميكانيكى الصحيح لنوع وسيلة التزييت والتليين اللى مفروض تتحط فى المنطقه دى

وهو أستخدام شحم نظيف بدل من أستخدام عملية تزييت

لأن الشحوم بتستخدم فى الأماكن المفتوحه زى بيت زراع الفتيس المانيوال
ولا يجب أستخدام أى زيوت
لأن الشحم بيستقر على الأماكن المفتوحه

أما الزيت حركتين تلاته ليد الفتيس
وترجع ريما ...........لعادتها القديمه

لحم على لحم ....لأن الزيت بيروح ولا يستقر على مثل هذه الأماكن

**mohelmy** · 23-04-2010 10:20 PM

استاااااذ والله يا هندسة...اجرب واقول لك على الحوار..بس الشحم لذراع الفتيس بس ولا حاجة تانية معاه؟؟؟

**samirayad** · 23-04-2010 11:03 PM

مفيش غير كده يادكتور

وإن شاء الله

حتستمر نعومة حركة الزراع معاك إلى ماشاء الله

**yssryaae** · 24-04-2010 01:48 AM

واضح ان الاغلبية هنا بتقول منغيرشى زيت الفتيس انما نزوده بس وانا مع راى الاغلبية

**samirayad** · 24-04-2010 01:59 AM

عن نفسى ناوى أغيره بس بعد فتره
إن شاء الله

لأن العربيه لسه عامله 20 ألف بس

**yssryaae** · 25-04-2010 12:42 AM

وطبعا مفيش كلام بعد كلامك يابشمهندس سمير لان رايك هو الصح طبعا

**engoss1990** · 25-04-2010 02:17 AM

لو ما غيرتش الزيت بقالك كتيييييييير اوي كده انصحك ماتغيروش و تذوده بس اما لو انت متعود على تغييره عند فترات معينه خلاص

لاني مقتنع بنظرية الاحلال لان مع الوقت و ضعف عملية التزيت مع التشغيل لفترة طويلة تحدث خلوص ضعيفة اوي الزيت بيتقل و يملى الاماكن دى و يحصل اتزان للنظام
اما مع تغير الزيت بعد فترة تشغيل طويلة هتلاقي عيوب ظهرت لانك فتحت الاماكن دي

و ياريت بشمهندس سمير يصحح لو في غلط في كلامي