من فضل الزملاء اريد ان اعرف الطريق من اسكندرية الى الغردقة
من خلال الطريق الصحراوى هل اصل الى المحور ثم الدائرى ومنه الى طريق السويس والا يوجد طريق اخر
والبنزينات التى على الطريق من بعد القاهرة
وما هو الموعد المناسب للسفر خلال اليوم هل صباحا أم مساء
عرض للطباعة
من فضل الزملاء اريد ان اعرف الطريق من اسكندرية الى الغردقة
من خلال الطريق الصحراوى هل اصل الى المحور ثم الدائرى ومنه الى طريق السويس والا يوجد طريق اخر
والبنزينات التى على الطريق من بعد القاهرة
وما هو الموعد المناسب للسفر خلال اليوم هل صباحا أم مساء
مفيش حد يعرف
طيب امرى الى الله
هانى باشا يمكنك التحرك من الدائرى الى القطامية حيث يوجد طريق خطير من القطامية للعين السخنة حد السرعة المسموح به هو 120 كم/ساعة ومن العين السخنة تكمل الطريق الى الغردقة ويفضل ان تصل حتى العين السخنة حوالى 8 صباحا حيث ان باقى الطريق من العين السخنة للغردقة يحتاج النهار فى رأى وتوصل بالسلامة
شكرا يا باشا انشاء الله اكون فى القاهرة مع أول ضوء فى الفجر وربنا يستراقتباس:
المشاركة الأصلية كتبت بواسطة sam_zen_elden
بص يا سيدى تعدى بوابة الصحراوى بتاعة القاهرة وتفضل ماشى على طول لغاية شارع الهرم تخش شمال فى شارع الهرم وتبقى الاهرامات فى ضهرك واول مدخل يمين تخش فيه و ده اسمه شارع ترعة المنصورية تفضل ماشى فيه لغاية ما تلاقى كوبرى فوقك تعدى من تحته وتاخد شمال هتطلع على محور المنيب تعدى كمين كوبرى المعادى وبعده هتطلع كوبرى فوق الاوتوستراد وبعده هتلاقى علامات بتشير لطريق القطامية تدخل المدخل بتاع القطامية هتلاقى صينية هتلفها وتمشى موازى للدائرى اللى انت جاى منه بعدها مفيش حاجة بسيطة هتلاقى بنزينة على يمينك وبعدها مدخل طريق السخنة تدخل فيه هتمشى 110 كم لغاية السخنة وبعدين تدخل يمين على طريق السخن - الزعفرانة حوالى 70 كيلو للزعفرانة وبعدين من الزعفرانة لرأس غارب 105 كم ومن رأس غارب للغردقة حوالى 150كم وطبعا هتفول من بنزينة الزعفرانة
وطريق السلامة بأذن الله وخد بالك من الرادارات
............................
محمود عينو
نسيت اقولك السرعات على الطرق
طريق القطامي - العين السخنة 120 كم/س
والسخنة - الزعفرانة 90كم/س وخد بالك منه قوى لان كله منحنيات وفيه منحنيات خطرة جدا و ربنا يستر لك طريقك
ومن الزعفران لغاية الغردقة 110كم/س
وتروح وترجع بالسلامة ان شاء الله
............................*
محمود عينو
بص يا سعاد الباشا
طبعا مصر الاسكندرية الصحراوى وبعد البوابات فى الكم 28 عندك طلعة المحور عالطول ومنها قبل ما تدخل ميدان لبنان المهندسين هاتطلع الطريق الدائرى
وتفضل ماشى وهاتعدى بكوبرى الوراق وبعدين فوق طريق مصر الاسكندرية الزراعى باتجاه المطار ومصر الجديدة لحد نفق السلام ومنها على طريق السويس الصحراوى والقطامية - العين السخنة
كده تكون دخلت على اول طريق الغردقة مرورا بالعين السخنة - الزعفرانة - رأس غارب - الجونة
خلى بالك من رادارات بعد العين السخنة
خليك رايق وانت سايق وما تجريش
على فكرة انا رأيى تاخد مصر الاسكندرية الزراعى هايبقى اقصر فى المسافة بكتيييييييييييييير لحد قليوب وطلعة الطريق الدائرى باتجاه المطار وطريق السويس والعين السخنة
وانسب وقت بعد صلاة الفجر طوالى او قبلها كمان عشان الشمس هاتضايقك على الدائرى (القوس الشرقى) وهاتكون فى وشك
انما اول ما تمسك طريق القطامية العين السخنة هاتبقى على شمالك وبعدين بعد الضهر هاتقلب يمينك
وتقريبا المسافة هاتكون بين 750 و1000 كم
مصر الاسكندرية الزراعى 200 كم
الدائرى لحد اول طريق القطامية حوالى 100 وشوية
القطامية العين السخنة 100 كم
العين السخنة الغردقة 350 كم
واكيد طبعا هاتفول كذا مرة فى الطريق
مرة قبل ما تطلع من الاسكندرية طبعا والتانية خليها وانت ع الدائرى من اى بنزينة والثالثة فى رأس غارب وعليك خير
بص خليك فى بنزينات الوطنية وكالتكس والامارات
وابعد عن التعاون ومصر وموبيل
وتروح وترجع بالسلامة يا زعيم
سووووووووووووق على مهلك سووووووووووووق
يا محمود باشا أنا شاكر أفضالك و الله انا كنت عاوز اروح طيراناقتباس:
المشاركة الأصلية كتبت بواسطة eino666
بس من ساعة ما جربت شرم بالعربية و انا استمتعت بالطريق
يارب يكون طريق الغردقة ممتع برضه
و ان شاء الله ربنا يستر
ياباشا كتر خيرك معلومات ممتازة والله بس ابعدنى عن الزراعى وعفاريته الليليةاقتباس:
المشاركة الأصلية كتبت بواسطة y2y1500
وجرار يطلع فجأة ... وربنا يستر
ان شاء الله تستمتع بالطريق بس الامانة عليك فى الوصلة من كمين السخنة لغاية كمين الزعفرانة تاخد بالك قوى يعنى السرعة تبقى 70 او 80كم /س بالكتير علشان المنحنيات لانى شغلى فى رأس شقير و جبل الزيت و ساعات بروح سفاجة بعد الغردقة ب 60كم يعنى دايس فى السكة دى بعربيتى بقالى 10 سنين فحافظها زى اسمى و ممكن انسى اسمى لكن ما انساش السكة
وربنا يحفظك و يحفظنا من كل سوء يا رب
و تروح وترجع بالسلامة ان شاء الله
........................
محمود عينو
بعد البوابات هتلاقى المحور
اول مطلع سيبه دى بيودى اكتوبر
خد المطلع اللى وراه
اما تيجى طالع الدائرى
اول مطلع يمين هيوديك فى اتجاه الاهرام
هتكمل وتلاقى كوبرى فوقك سيبه
بعد شوية حضن يمين هتلاقى مطلع يمين اطلعه
كدة انت على اول الوصلة الجديدة
لو خدت تانى مطلع من المحور هتمشى فى اتجاه الوراق ومدينة السلام وهتلاقى نفق انزله لحد ما تلاقى الطريق
ساعات بيكون مكتوب القطامية
كمان
المحور ما تزودش عن 90 لان فيه رادار
ياباشا تشكر أن شاء الله هطبع ارشادتكم دى علشان تكون معايا و ما أدخشاقتباس:
المشاركة الأصلية كتبت بواسطة a.saad
كتر خيرك يا باشا
انشاء الله طالع فجر الخميس و نصايحك فوق راسى وان شاء الله ربنا يستراقتباس:
المشاركة الأصلية كتبت بواسطة eino666
انت عارف احلى حاجة فى السكة هى الوصلة ما بين السخنة والزعفرانة الجبال على يمينك و البحر على شمالك لكن فيها خمس منحنيات عاملين زى ما تكون داخل شارع مش ملفات عادية والمشكلة برضو ان الوصلة دى حارتين فقط حارة رايح وحارة جاى و ان شاء الله ربنا يسهلك طريقك و لا تنسى دعاء السفراقتباس:
المشاركة الأصلية كتبت بواسطة hany_mohamed
............................
محمود عينو
على فكرة طريق الغردقة ممتع اكتر من طريق شرم
وان شاء الله توصل بالسلامة ولا تسرع
الله يسلمك يا باشااقتباس:
المشاركة الأصلية كتبت بواسطة emadfk