المشاركة الأصلية كتبت بواسطة hogobingo
يا استاذ احمد سامى انا مش مقلل من الصنى ولكنى اشرح الموضوع من وجهه نظرى الشخصيه حتى اننى لم استعين بأراء الناس التى تشكر فى العربيه الأوبترا .. انا من وجهه نظرى اشعر بميل تجاه الأوبترا اكثر من الصنى برغم كونى متأكد من ان الصنى عربيه محترمه جدا الا اننى اشعر ان الأوبترا افضل منها بالنسبه لى...
انت دلوقتى بتقارن بين موديلات شيفورليه الكبيره وبين الأوبترا .... طيب قارنى بين الصنى والسيفيك .... طبعا انت عارف النتيجه ان بقى جبتلك حاجه قريبه مش بعيده قوى لكن لما تيجى تقارن بين عربيات لازم تقارن حسب الفئه السعريه ... انا بقى شايف ان الأوبترا وده كلام بينى وبينك ويارب منصور ما يقراهاش ان الأوبترا لو اضاقوا ليها الوسائد الهوائيه والفرامل abs هيكون تمنها 120 الف على الأقل
اما بالنسبه للقضبان الحديد ان بش بقول ان دى اهم حاجه انا بقول انها موجوده ... وبعدين بتقولى انها موجوده فى العربيات الصينيه طيب وايه المشكله فى وجودها فى العربيات الصينيه ده معناها انها مش شغاله..؟؟؟؟ فى عربيات غيرها فى نفس الفئه السعريه ومش صينى ومافهاش وكده كده العربيات الصينيه بها حاجات كتيره قوى واوبشن بالعبيط دى سياسه مش اكتر علشان يخلوا الناس تبصلها وتشتريها
اما عن فائدتها فأكيد ليها فائده ولا عايزهم يشيلوها هى كمان .. القضبان دى بتشتت الخبطات الجانبيه عن الركاب واحب اقولك وجهه نظرى هنا انا شايف والله اعلم علشان مكنش بفتى ان الخبطات الجانبيه اسوء من الأماميه على صحه الركاب لأن الخبطه الجانبيه بتكون قريبه جدا من الراكب بينما الأماميه او الخلفيه بتكون ابعد ما يكون عن الراكب يعنى لو فيه خبطه من الأمام على سرعه 60كم/ساعه من الأمام مش هتكون زيها زى ما تكون من الجنب انت فاهمنى ... طبعا طبعا لو كان فيه فرامل محترمه زى ما بتقول عنها او وسائد هوائيه كان هيبقى احسن واحسن ولكن انا بس حبيت منقللش من فائده القضبان الجانبيه
بالنسبه للصفيح فبرضه ده بعتبر عامل امان مهو امان العربيه يساوى امان ليك يعنى التصفيح ده هيعمل ايه ماهو اولا فى الخبطات لا قدر الله عليه وعليك وعلينا كلنا هيحمى الموتور ولو بنسبه 5% والواحد ساعه الحدثه بيهمه ثبات العربيه وسلامتها بقدر الإمكان وبعد الحدثه يهمه قله التكاليف يعنى نصف العمى ولا العمى كله وربنا يحمينا جميعا
وبعدين انت متحامل على الأبترا قوى لأن فعلا الاوبترا ثابته دى حقيقه مش محتاجه كلام من التجارب ومن الفيديوهات ...
ارجوا انك متزعلش من الكلام انا فعلا شفت مقارنه قبل كده بين الصنى والأوبترا بس اللى اتقال ان تصميمها قديم وبسيط وتنفع واحد جد على ما اتذكر ولكنى لست معهم فى هذا الرأى فدى ازواق مش اكتر والأوبترا برضه تصميمها كلاسيك مش زى الأفيو مثلا ولكن فعلا تحسها جميله وانا لما بفضل الأوبترا عمرى ما فكرت فى مسأله التصميم الحيث من التصميم الجديد المهم فى العربيه حاجات كتيره جدا غير الشكل العام ... الشكل ده اخر حاجه الواحد يفكر فيها يعنى انا مثلا بحط شكل العربيه من جوه والراحه الداخليه بشكل اولى من المنظر الخارجى .. اما لو فى واحد بيقول انها تكنولوجيا قديمه يبقى فعلا غلطان
وفى كل الأحوال انا افضل الأوبترا عن الصنى