الموضوع: رداً وإضافة لـمـوضـوع - لو خبطت حد من المشاة بالعربية ....

المشاركة الأصلية كتبت بواسطة mmamdouh

راجعوا الفيديو تانى و عدوا معايا:

كام واحد كان بيعدى من اماكن عبور المشاة؟
كام واحد ماشى على الاسفلت و سايب الرصيف؟
كام واحد كان بيعدى و اشارة السيارات مقفولة؟؟

فى اللقطة 0:25 واحدة نطت قدام العربية السيراتو عشان تلحق الاوتوبيس اللى نزل منة عماد قدام نفس العربية... يعنى الراجل حيبص على عماد اللى نط من شمالة ولا الست اللى نطت من يمينة ولا يركز فى الانسة اللى وقفت التاكسى قدامة فى نص الشارع... المفروض الراجل يبقى حاوى عشان يقدر يتعامل مع الموقف دة

فى اللقطة 1:11 فية واحد بتيشرت احمر فى اسود واقف فى نص الطريق فى مواجهة السيارات و مش بيتحرك... معرفش هو تاية ولا مغيب ولا ايه...

فى اللقطة 1:17 ناس بتعدى على مطلع كوبرى... معتقدش فى اى حتة فى العالم فيها اشارة او مكان عبور مشاه على مطلع كوبرى

فى اللقطة 1:25 ست بتعدى من مكان عبور المشاه و اشارة السيارات مفتوحة... الفهلوة المصرية على اصولها

فى اللقطة 1:33 نفس الموقف السابق بس الست رمت نفسها قدام التاكسى... الفهلوة المصرية على اصولها + غباوة

فى اللقطة 1:57 ben wedeman شخصيا ادا ضهرة للسيارات اللى فى الحارة الاخيرة... و دة منزل كوبرى... هو عمل كدة عن غير قصد لكن المصريين بيعملوا كدة متعمدين

فى اللقطة 2:27 ben wedeman شاور للاوتوبيس عشان يقف و يعدية... بس هو بيفهم ووقف و بص الاول لو حاجة جاية من وراه... المصريين مبيبصوش و يطلعوا عادى و كان معايا فى الحجز واحد خبط واحد و كسر دراعة فى حركة زى دى بالمللى

ربنا يرحمنا من البهايم يا رب

mmamdouh

فعلا اللقطة بتاعة 0:25 لقطة اسطورية عبرت علي حال الشارع المصري
الناس الكبار هما الي بيروحوا لنص الشارع علشان يركبوا النقل العام .. والناس بتنزل في نص الشارع ..
والتكاسي بتقف في اي مكان في اي وقت علشان الزبون


بتاع اللقطة 1:11 ده شكلة عايز يعدي او مستني حاجة يركبها ( وانا برجع الاقتراح ده لان الشارع شكلة في اتجاهيين )


فى اللقطة 1:25 و 1:17 خخخخخخ فاكريين التعدية في اي وقت :)
بس في حتت كتير مافهاش اشارات فهما اتعودوا .. خصوصا بعد اشارع الرماية وانتا رايح علي الهرم الشارع كبير جدا صعب حد يعدي فيه بسهولة رغم وجود عبور مشاة واشارة التهدئة !


اللقطة 1:57 الراجل كان رايح كدا علشان الكاميرا والله اعلم

فى اللقطة 2:27 دي اصعب لقطة ممكن يتحط فيها السواق .. ودي عايزة واحد محترف بقي ويكون خبير في السواقة يحس كدا بالي حصل جنبة ويتوقع فية حاجة جاية ..


نورت يا استاذ ممدوح :)