الموضوع: مساعده 127 توب !!؟

السلام عليكم يا شباب انا معايا 127 توب 4 باب المهم كنت ناوى ابيعها و اجيب حاجة تانية بس فكرت شوية و قلت لا عشان انا بجد بحب العربية دى اوى فاقولت اشيدها المهم اولا حادخلها سمكرة كاملة و حاغير لونها للاسود المط (المطفىء) و حاغير الكراسى بطيارة و حاخليه الفرش احمر فى اسود و حاغير التابلوه بتابلوه كورسا كل ده تمام بس اللى عايز اعرفه هى فيها موتور كويس بس عايز اغيره بحاجة اكبر بس مش عارف باية ؟؟ تانى حاجة انا ماعنديش سيرفو فرامل ممكن لو اجيب الموتور الجديد حايبقى فى سيرفو ولا لا ؟؟ و اية احسن موتور ممكن اسقطة معلش انا طولت عليكم بس عايز اعرف بجد و شكرا يارجالة

المشاركة الأصلية كتبت بواسطة heshamzaky

بص يا باشا ودة رأيك انت فى النهاية انا مش من هواة تغير شيى اصلى فى العربية بكل هذة التكاليف ما تبيع احسن و تشترى ريتمو 1300 سى سى على قكرة انا ركبت سوبر فيورا لمدة 21 سنة ولم ابيعها حتى الان

بص يا باشا اللى لو كنت عايز اغير كنت غيرت من زمان لكن انا بحب العربية دى اوى و عايز اظبتها و على فكرة حايليق عليها التظبيط يا راجل دى العربية على حالتها دى كنت بجرى بيها جرى عبيط مابالك بقى لما تتشد

يا باشا انا من محبى ال 127 جدا جدا اةل لما نزلت زيرو سنة 83 والدى اشتراها لاخى الاكبر وكان ثمنها وقتها 4300 جنية وكانت بالحجز يعنى انا عارف امكانيات العربية تماما العربية دى وهى بكامل لياقتها الصحية و البدنية كانت نتقطع عربيات كتير قوى انا عندى سوبر فيورا من 89 او 90 تقريبا يعنى عشرة عمر ولو عايز تسقط موتور فية موضوع عن تسقيط المواتير فى المنتدى واعتقد موتور الريجاتا كفاية قوى وحاسب من الطيران ورحلة سعيدة و ربنا يحفظك من شر الطريق نصيحة من اخ اكبر سنا لكن مش عجوز تقدر تقول محب للجرى ولكن بالعقل علشان الاولاد والعائلة الى بتقلق عليك

قائمه بالمواتير الشائع تسقيطها فى السيارات ((((منقول)))) وادخل فى المنتدى تحت عنوان تعـــديل الســـيارات و الإضافات ودة زيل فى االمنتدى كان كاتبة

وبارب تبقى عربيتك زى الصورة دى


تم تعديل الصورة بواسطتي
210410
4:36pm
مشرف القسم ١٨ب

بالمناسبة هل سسركب تابلوة الكورسا وهو بكام وهل ستحتاج الى تعديل ضفيرة الكهرباء برجاء الافادة واليزانية تكلفت كام

المشاركة الأصلية كتبت بواسطة heshamzaky

يا باشا انا من محبى ال 127 جدا جدا اةل لما نزلت زيرو سنة 83 والدى اشتراها لاخى الاكبر وكان ثمنها وقتها 4300 جنية وكانت بالحجز يعنى انا عارف امكانيات العربية تماما العربية دى وهى بكامل لياقتها الصحية و البدنية كانت نتقطع عربيات كتير قوى انا عندى سوبر فيورا من 89 او 90 تقريبا يعنى عشرة عمر ولو عايز تسقط موتور فية موضوع عن تسقيط المواتير فى المنتدى واعتقد موتور الريجاتا كفاية قوى وحاسب من الطيران ورحلة سعيدة و ربنا يحفظك من شر الطريق نصيحة من اخ اكبر سنا لكن مش عجوز تقدر تقول محب للجرى ولكن بالعقل علشان الاولاد والعائلة الى بتقلق عليك

الف شكرا يا باشا و فعلا انا فكرت و لقيك انسب موتور يا بونتو يا تمبرا اعتقد الريجاتا حايبقى كبير و حاعدل كتير فى القواعد

ربنا يوفقك بس على فكرة انا عندى عربية تمبرا الموتور كبير قوى على حوض ال 127 واعتقد انك لو حبيت تصلح علبة الدريكسيون مثلا الى هيا فكها مقرف فى الاساس بتاع العربية فما بالك لو حوض الموتور اصبح مثل علبة الكبريت الملاينة مش حتشوف ارضية الشارع و الموتور وزنة ثقيل اساسا انا لا اهبط عزيمتك ولكنى بادردش معاك