الموضوع: عوامة طلمبة بنزين اللانوس

المشكله فى العوامه بس بوجه عام صعب قوى تلاقى عوامتين بيقرو زى بعض بالضبط

لكن الطلمبه تبان من ضغطها و صوتها

عموما فيه حلين و انا بافضل الحل الثانى

الحل الاول:

1. تفك التابلوه و انت مفول على الآخر
2. فك الوش الشفاف اللى على العدادات
3. ركب كل الفيش الله ورا
4. افتح كونتاكت او دور العربيه
5. فك ابره عداد البنزين بالراحه وركبها تانى بالراحه جدا و هوه مشاور على وضع Full

الحل التانى:

1. بطل العربيه
2. فك العوامه (تحت الكنبه).... صوره رقم 1
3. افتح الكونتاكت لغايه لمبات التحذير الحمراء فى التابلوه ما تنور
4. ارفع الذراع بايدك لاعلى مستوى و ثبتها على كده و انتظر دقيقه
5. اذا المؤشر شاور على full يبقى انت محتاج تعوج ذراع العوامة فى اتجاه اسفل شويه بسيطة
6. اعوج الذراع لتحت شويه.....صوره رقم 2
7. ركب العوامه
8. شوف المؤشر اذا ضبط يبقى تمام
9. اذا ما ضبطش اعوجه شويه كمان و جرب تانى لغايه ما يضبط

اذا الخطوه رقم 5 ما جابتش نتيجه يبقى لازم الحل الاول

خد دراع القديمة و حطة فى الجديدة بيبئة مقفول علية بكلبس بلاستك بس ادعى ان الدراع يطلع نفس السمك مش ارفع او اطخن علشان يدخل فى الفتحة مظبوط

ممكن كامن لو منفعش تاخد متور الجديدة و تحطة فى علبة القديمة

انت بس نحتاج كهربائى كويس