الموضوع: مواتير اللانوس اللى بتاكل زيت

أماكن التفويت للزيت معروفه فى أى محرك
ومش خاصه بمحركات الانوس أو النوبيرا فقط

1- هروب زيت لداخل غرف الحريق من منطقة الكارتير الى منطقة الغرف مع خفية الشنابر ونقص كفاءة الحبك بينها وبين غرف الحريق من الداخل

وطبعا الزيت حيتحرق ويخرج فى صورة عادم مسود ومائل للزرقه

2- هروب زيت بسبب أرتفاع الضغط داخل الكرتير بسبب هروب نسبه من غازات الحريق للكرتير

وبالتالى بتأخذ معها نسبه من الزيت وتخرج الى خط الفائظ

3- هروب زيت من منطقة التاكيهات من حول سيقان الصبابات
بسبب تلف كاوتش الصباب نزولا على أقراص الصبابات ثم التسييل لداخل غرف الحريق وأحتراق تلك النسبه الهاربه من الزيوت مع الهواء والبنزين
مما يؤدى الى فقدان نسبه من الزيت وتلوث البوجيهات
وضعف السحب ونقصان قدرة المحرك
وقد تتوقف المكنه عن أنتاج القدره مع تردى الحاله


دى الأماكن المحتمله وغير مرئيه الا بعد تحليل ورؤية شكل العادم والكشف على مكونات المحرك

ومع أختبار الكبس الدقيق بتبان حالة كل حاجه


فيه برضه تفويت من خلال سيلات عمود الكرنك

1- سيل أمامى ...........بيخلى الزيت يهرب الى منطقة الدبرياج

2- سيل خلفى للكرنك أو سيل كامه .....بيخلى الزيت يهرب الى حافظة سير الكاتينه


طبعا ده غير التسريب الواضح للزيوت من خلال جوان غطاء التاكيهات وجوان وش السلندر وخلافه