الموضوع: هي الناس دي زعلانه كده ليه ؟

المشاركة الأصلية كتبت بواسطة romeo_6887

يبقي اكيد الاجنبي عنده علم و خبره عن المصري و كمان مخه متفتح عنه
لكن البنغولي جاب العلم و الخبره منين بالظبط ؟ و بلدهم من افقر دول العالم
و بعدين انا اعرف هنود عندهم ملايين برضه و مفتحتش بقي ليه ؟
عشان دي دوله غنيه و عندهم علم و تكنولوجيا فاكيد يستاهل الفلوس اللي بياخدها
مع اني بكره الهنود اصلا بس بقول كلمه الحق
عشان الناس تعرف اني مش عنصري

لا اله الا الله

حضرتك الجنسية عمرها ما كانت مقياس للعلم و الخبرة

انا شخصيا قابلت اوروبيين و امريكان بالهبل كانوا بيتوهموا بيا في الشغل و مش فاهمين حاجة

و قابلت افارقة و هنود عباقرة ..... الخ الخ

و اتعلمت حاجات كتير في شغلي الحالي من باكستانيين و هنود و ادين لهم بالفضل

و علمت ناس من النمسا و بريطانيا و امريكا حاجات كتير و لحد النهاردة منبهرين بيها ....

العملية مش مصري و بنغالي و غيره

و ياما فيه دول فقيرة و متخلفة بس فيها عباقرة ........

المشاركة الأصلية كتبت بواسطة romeo_6887

الدكتور احمد زويل ده عالم و عبقري فيستاهل انه ياخد ملايين في اي دوله في العالم و لو ميستهلش كنت برضه اتضايقت عشان بقول كلمه حق و المصريين اللي بيشتغلوا في دول الخليح عشان مش لاقيين شغل محترم يعرفوا يفتحوا منه بيت فاضطروا يروحوا الخليج عشان كده و كمان اكيد مبيخدوش فلوس هباءا كده اكيد يستاهلوا الفلوس اللي بيخدوها و لو العكس كنت هعترض برضه عشان بقول كلمه حق

و البنغالي اللي بيشتغل في مصر برضه عشان مالقاش شغل محترم فاضطر ييجي مصر و مبياخدهاش هباءا كده اكيد ....

المشاركة الأصلية كتبت بواسطة romeo_6887

والدي رجل عصامي بني نفسه بنفسه من الصفر و الحمد لله و بعدين هو متخرج بامتياز مع مرتبه الشرف من الكليه و طول عمره بيجيله عروض انا نفسي محلمش بربعها فوالدي يستحق كل مليم بيدفعله و خصوصا انه بيكسب الشركه اللي شغال فيها و هو نفسه يمشي و يروح شغل في السعوديه بس مش راضيين يسبوه و لو والدي ميستهلش كنت هقول انه ميستهلش

و البنغالي ده مين قال لك انه مش عصامي و مابناش نفسه من الصفر

حضرتك شفت مؤهلاته؟ شفت شهادة تخرجه؟ شفت اي حاجة؟

المشاركة الأصلية كتبت بواسطة romeo_6887

انا مش عارف انت بتدافع عنهم كده ليه كأنك منهم مش مننا
عموما لو الموضوع مش عاجبك متخشش ترد فيه
و الكلمه دي قولتها للعضو amir برضه
اللي مش عاجبه كلامي ميخشش يرد في الموضوع
و اللي عايز يتناقش بهدوء و احترام من غير تجريح فيا
اهلا و سهلا بيه
و الله و لا كأني انا بتكلم عنك بطريقه وحشه
و برضه نفس الكلمه اللي قولتها للعضو amir
معنتش ترد في اي موضوع من موضوعاتي بعد كده

منهم ايه و منا ايه

هو اسرائيلي و لا احنا اعلننا الحرب عليهم و لا هما كفرة مثلا ؟؟؟؟؟

دي دولة مسلمة يا استاذ ......

ثانيا ده مش منتدى مملوك لجنابك عشان تقول لمين يرد و مين ما يردش

المشاركة الأصلية كتبت بواسطة romeo_6887

لان بنجلاديش مش كده فهمت قصدي الهند اه بنجلاديش لا و ازاي نقارن بين دول و دول اصلا و انا متأكد ان بنجلاديش مش كده
ده انا عايش مع اهلها و عارفهم و حافظهم

واو ده انت طلعت جامد طحن ..... حضرتك عشت مع ال 162 مليون (مية اتنين و ستين مليون !!!!!) بنغالي ؟؟؟؟؟ كلهم؟ و تعرفهم واحد واحد و مفيهومش واحد متعلم

خد دي عندك ..... نقلا عن ويكيبيديا

List of Bangladeshi people - Wikipedia, the free encyclopedia


و من علماء بنجلاديش:

Jagdish Chandra Bose, pioneered the investigation of radio and microwave optics
Azizul Haque, pioneered the mathematical formula for Henry Classification System of fingerprinting, sill widely used in the world
Saleemul Huq, awarded the Burtoni Award for contribution to climate change adaptation.
Abul Hussam, awarded the 2007 Grainger Challenge Prize for Sustainability
Muhammed Zafar Iqbal, Scientist and science writer
Jamal Nazrul Islam - famous physicist and mathematician
Jawed Karim - co-founder of YouTube
Fazlur Rahman Khan, one of the foremost structural engineers of the 20th century; pioneer of tube structure and designer of Sears Tower, the tallest building in the USA.
Leepu, a car engineer who converts rusty old cars into imitation supercars in his small Dhaka workshop.
Abdullah Al Muti, scientist and science writer
M. A. Naser, Pioneer in engineering education in Bangladesh.
Amal Kumar Raychaudhuri, Physicist: produced the famous Raychaudhuri's equation.
Prafulla Chandra Roy, Pioneer in the field of pharmaceutical and chemical works (discovered mercurous nitrite)
Megh Nad Saha, Physicist: Produced the famous equation "Thermo-Ionization Equation" or the Saha Equation

ما تفتكرش اننا اللي عباقرة و هما بهايم

المشاركة الأصلية كتبت بواسطة romeo_6887

الهنود اه مش مسلمين و بعدين الشغل و الفلوس و البيزنس ملوش دعوه بالدين و لا بالعرق اصلا بس الهنود دول عندهم علم و خبرات احسن من البنجلاديشين سنين ضوئيه فالمديرين الهندين يستحقوا المبالغ اللي بيخدوها لكن اتلاقي واحد بنجلاديشي بياخد ملايين تبقي حاجه تعل لانهم مش زي الهند هما اه مسلمين و عندهم ضمير بس شغل و علم الهندين احسن منهم بكتير و مش عايز اقول احسن مننا احنا كمان

طيب سؤال تاني

حضرتك اشتغلت في كام شركة و خبرتك العملية كام سنة؟

و اشتغلت في شركات متعددة الجنسيات و اتعاملت مع جنسيات مختلفة لمدد طويلة و لا لأ؟

او اشتغلت خارج مصر كام سنة؟

في مقابل نفس السؤال لحضرتك احب اوجه نفس السؤال للمعارضين لرأيك .... و اعتقد النتيجة هتكون لصالحهم .... و مع ذلك حضرتك مصمم انك فاهم احسن منهم ليه؟

واضح من كلام حضرتك ان خبرتك طويلة جدا في التعامل مع كل الجنسيات و لذلك انت مصمم ان الهنود دول 100% (مع العلم اغلب الهنود اللي اتعاملت معاهم كانوا حافظين مش فاهمين يعني غباء مستحكم) و ان البنغال كلهم ما بيفهموش (مش عارف ليه حضرتك مصمم على كده) ......