لو كان الموضوع حصل فى غبور كان قالو الموتوز كلو باظ يابية عايزين نعمل عمرة :)
عرض للطباعة
لو كان الموضوع حصل فى غبور كان قالو الموتوز كلو باظ يابية عايزين نعمل عمرة :)
الجديد مع توكيل رينو فى مصر و رينو فرنسا
و انا بعمل أخر صيانة للعربية لقيت المهندس بيقولى علية الدريكسون عايزة تتغير الصيانة إللى جايه قلتله بكام قالى فى حدود 1500 جم من غير تركيب و لما قلت للمهدس محى مدير صيانة العبور قالى لما تيجى الصيانة الجاية حنديك خصم كويس عليها فانا بصراحة مارديتش أستنى و قمت باعت لرينو فرنسا إن العربية عندى معديتش 40000 الف و محتاجة تغير علبة دريكسيون و دى كانت بتتغير ببلاش فى الضمان و دلوقتى أنا برة الضمان فياريت تتصلح مجانا أو أخد عليها خصم (رغم إن دا عيب فى شوارعنا المكسرة ش فى الميجان ).
دا الإيميل إللى جالى من خالد شرف النهادرة
Dear Sir,
Renault France contacted us regarding your case and we have printed the car history
There i think that you have only a problem in the steering box that we are willing to help you. So you can come and change the steering box only for 500 pounds as EIM Goodwill..
Best Regards
Khalid sharafeldin
Deputy After Sales Director.
EIM
Egypt
مرة أخرى شكرا رينو فرنسا و شكرا رينو مصر
أولاً مبرك يا احمد باشا وان شاء الله تركب علبة الدركسيون والعربيه تكون في أحسن حال ان شاء الله .
الحاجه الثانيه هي للأمام دائماً رينو فرنسا ورينو مصر وده تأكيد فعلاً ان الناس دي محترمه وبيأكدوا على احترامهم يوم بعد يوم .
عشان أوروبي بيحترموا عملائهم.
ايه الحلاوة دي ..طب انا عاوز اعمل صيانة ال 60 الف ببلاش
:chris:
توكيل محترم و تحس انهم ناس مش مصريين اصلا :boxing_smiley:
ناس ذوق ذوق ذوق الصراحة
شاركى باشا ممكن تقولنا أعراض العلبة البايظة معاك كانت أيه ؟
بصراحة يا أحمد أنا مش حاسس بيها لكن ساعات بحس إن فيه تخبيط خفيف فى الدريكسيون فى الشوارع المكسرة لكن فى الشوارع العادية حاسس إن العفشة زى الفل و مافيهاش مشاكل
هو على العموم التوكيل قالى إن دى بدايات علبة دريكسيون و مافيش مشاكل لو مشيت عليها
فأنا ناوى أستنى لحد ما أعمال الصيانة إللى جاية و أشوف النظام إيه
شكراً يا باشا
أنا بيحصل معايا نفس الموضوع برضه
يا ريت تبقى تقولى و أنت رايح عشان أروح معاك على الأقل تبقى فرصة أنى أشوفك
إن شاء الله أول ما قبل ما أروح حاقولك
أنا ناوى أعملها فى توكيل العبور إن شاء الله بس حاستنى فترة يعنى أجيب أخر العلبة إللى معايا شوية
مستنى منك ميعاد أن شاء الله و بأذن الله نروح مع بعض