بكام تكلفة رش العربية بالخارج (معجنة + دوكو)
السلام عليكم ورحمة الله وبركاته
أنا معايا مازدا 323 موديل 82 لسة جايبها من سنة وخبرتي في السمكرة والدوكو والكلام ده صفر. لاحظت من فترة وجود بعض الخدوش ووجود بعض العروق في الصاج و فيه بعض الحتت متاكلة من الصاج (بارومة) ظهرت مؤخرا.
رحت لسمكري علشان يعالج البارومة اللي في الصاج دي قال لي لازم ترش العربية كلها علشان المعجون (فقفق). يعني ايه المعجون فقفق؟ يعني المعجون اللي معمول ده وحش؟
دلوقتي لو هرش العربية كلها (رش محترم) ايه التكلفة؟
وينفع استعمل دهان ميتاليك؟
ياريت حد يقوللي الأسعار لأحسن الأنواع كاملة بالمصنعية.
وجزاكم الله خيرا