الموضوع: كيفيه تغيير فرش السقف لفيكترا b بالصور ..

عاشت الأيادى يا فادى الله ينور عليك

ايوه كده ابناء دمياط الى الأمام

السلام عليكم ورحمه الله وبركاته..
اولا اشكرك علي زوقك وحسن اخلاقك وده يدل علي اصلك العالي..
-الحقيقه انا ماشفتش فيديوهات للفرش علي النت خالص
1-الاستوفه عباره عن طبقه اسفنج رقيقه لازق فيها قماش السقف باللون اللي تختاره وما عليك الا انك تلزقه من ناحيه الاسفنج فقط بس ماتسترخصش في الاستوفه ولا في اللزق
2-طريقتي احسن وانا مقتنع بيها جدا حتي لو عندهم في الاجناب فيبر السقف فايه اللي يمنع انه يكون القماش ثابت تحتهم!
3-شيل الكاوتش وركبه تاني الا لو كان متهالك غيره
4-طبعا راكبين في عصب الصاج انطرهم لبره ببوز المفك العدل وحسب حالتهم برده تركبهم تاني او تغيرهم من عند اي واحد بيبيع قطع غيار سيارات الكلبس ب1ج
5-الشماسات غيرهم احسن جديد او استيراد
6-فرش الشنطه هتطلع اللي عندك القديم وتفرده علي الارض وتطلع منه (باترون) او نموذج من ورق الجرايد وتشتري موكيت ارضيات من عند لوازم السروجيه وتقص زيه ولو في دعامات كرتون او خشب حبيبي او لباد هتفك القديم وتلزق القماش الجديد بالاجو وبس
اتمني اكون افدتك وتحت امرك في اي سؤال..

المشاركة الأصلية كتبت بواسطة gadon

الغالى / [color="rgb(139, 0, 0)"]hellboy[/color]

مش عارف اقولك ايه على ذوقك بس الطمع فى العلم طموح و اسمحلى اطمع فى علمك

اللى هيفضلك اجر و ثواب بعد عمر طويل ان شاء الله

1- ما استرخصش فى الاستوفة معناها انه فيه كذا نوع طيب اعرف ازاى الكويس منها

2- فعلا انا ميال لطريقتك انت لانها اضمن اكثر ان الاستوفة ما تفكش منى بعد كدة

3- بالنسبة للكلبسات اقول لبتاع قطع الغيار ايه

انت عارف ان الجماعة دول ليهم مسميات كده خاصة بيهم

4- بالنسبة للشماسات انت اخترتلى الحل الصعب انت عارف اسوان تبعد عن القاهرة بــ 1000 كيلو

عموما ححاول اعملهم ولو ما نفعش يبقى علينا و على كايرو

5- بالنسبة للشنطة انا اتكسفت اقولك ان فيهاش فرش خالص يعنى على الصاج

و انا عايز اعملها فرش من اول وجديد بالنسبة للارضية مفيهاش مشكلة لكن الثنايا بتاعة كارتيرة العجل

المفروض يكون فيه ورق مقوى او خشب ولا الموكيت يتقص عليه و بس

6- اخيرا بالنسبة لكسوة الابواب من الداخل عندى كل باب مقسوم اتنين نصه الاسفل خشب عليه كسوة

ونصفه العلوى عبارة عن تكاية فيبر بارزة لـــ جوة وحتى التابلوه سايب ليهم مكان من اليمين و الشمال عشان

يقفلوا عليه و يكونوا ميه واحدة ودول للاسف اتكسروا فهل الاقى زيهم وعند مين

ولا اجيب الكسوة الجاهزة اللى هى خشبة عليها كسوة بكامل الباب

ودى رخيصة بتتباع فى اسوان الطقم 4 ابواب بــ 60 جنيه وهل فيه فيبرة بكامل الباب زى العربيات

الحديثة ممكن تركب عندى

اه نسيت اقولك ان عربيتى هى جميلة الجميلات ريجاتا

تحت امرك,,
1-في انواع من الستوفه احسنهم الالماني
2-ماتفكش لو الاجو نظيف (الشعله) المصري
3-كلبسات سقف وممكن تاخدهم معاك
4-ربنا يوفقك
5-قص الموكيت بره بدوراناته بحاجته والزقه في بعضه بوصلات
كرتون (سابق التجهيز) وبعدين دخله الشنطه احسن مانلزق علي الدواخل
ويبقي شكلها وحش جدا..
6-هات كسوه جاهزه
تحياتي..