أنا بمسك الشمال أما أكون ماشي بالسرعة القانونية...يعني علي الدائري و 90-100...و أي حد عايز يعدي مش بوسعله أبدا...عشان متجاوز السرعة....عايز تعدي ابعد عني
عرض للطباعة
أنا بمسك الشمال أما أكون ماشي بالسرعة القانونية...يعني علي الدائري و 90-100...و أي حد عايز يعدي مش بوسعله أبدا...عشان متجاوز السرعة....عايز تعدي ابعد عني
مرة سواق نقل كان بيكشف عندى وسألته هما بياخدوا الشمال دايما ليه؟ رد الفيلسوف: علشان لو هو على اليمين وملاكى حب يعديه من اليمين هيكسر فى نص الطريق ويخبط اللى جنبه ، إنما لو هو ماسك شمال يبقى قدامى فرصة يطلع على الرصيف !!!! (السواق ده مش مجنون)
طبعا مردتش عليه وعملت نفسى مشغول بكتابة الروشتة..
بس عرفت ليه كل الحوادث تلاقى فيها عربية نقل.
وبخصوص الحارات.. فعلا معظم اللى بيسوقوا ولا يعرفوا حاجة عن القواعد.. أنا فاكر زميلى اللى علمنى كنت سألته وانا لسه معرفش حاجة عن الخط الأبيض اللى على الأرض دا بتاع إيه؟ قال لى: دا تخليه فى نص العربية طول ما انت سايق !!! شكرا شكرا على المعلومة الغالية.. هو دا العلام..
انا عاوز اقول حاجه لو الطريق مزدوج يعني مثلا الطريق كله رايح مفيش مقابل بس الطريق حارتين بس بتلاقي ان النقل الثقيل و الاتوبيسات الكبيره كلها ماشيه شمال وطبعا ماشيه ببطئ كبير لانه طريق سريع بس المشكله العرض حارتين بس هما بيمشوا شمال لان علي اليمين ممكن عربيه مثلا ميكروباص تقف تنزل او تحمل او تلاقي عربيه واقفه لاي سبب فصعب جدا بتاع النقل الكبير انه يعدي من يمين ل شمال عشان يعدي من العربيه اللي واقفه انا شايف ان هذه هي السياسه المتبعه
للأسف في بلدنا ما ينفعش تمشي في اليمين داخل المدينة تماماً لأن انا حصلت معايا مرتين بس ربنا ستر اني اكون ماش في اليمين ويجي ميكروباص او سواق تاكسي يعديني من على الشمال وبعدين يدخل قدامي ويقف علشان واحد قالوه على جامب ياسطة او حد شاورله فللأمان لازم تمشي في النص وتخلي بالك من المراية اليمين علشان الافندية اللي بيعدوا من على اليمين او تمشي على الشمال وتاخد سرعة الطريق
ولا تعرف تمشى فى اليمين على طريق سفر لان سواقين النقل عندهم عاده منيله........ز لما بيركن يمين يريح او لو عطلان بيجيب حجاره و دبش و يحطها خلف العربيه على بعد 10 متر عشان يبعد الناس عن عربيتو و بعدين لما يخلص يدور و يمشى ويسيب الحجاره فى الطريق ........... والله كل ما اشوف حجاره على يمين الطريق اعرف ان كان فيه حيوان راكن هنا ............... و عشان اماطة الاذى عن الطريق صدقه اركن و انزل اشيل الحجاره لانها هتسبب حادثه لعربيه تانيه ........ بس انا مش ملاحق الصراحه يعنى اخر مشوار سفر ليه وقفت 9 مرات ولو ما وقفتش ضميرى يانبنى .......بس ده فعلا موضوع ممل جدا
ولا تعرف تمشى فى اليمين على طريق سفر لان سواقين النقل عندهم عاده منيله........ز لما بيركن يمين يريح او لو عطلان بيجيب حجاره و دبش و يحطها خلف العربيه على بعد 10 متر عشان يبعد الناس عن عربيتو و بعدين لما يخلص يدور و يمشى ويسيب الحجاره فى الطريق ........... والله كل ما اشوف حجاره على يمين الطريق اعرف ان كان فيه حيوان راكن هنا ............... و عشان اماطة الاذى عن الطريق صدقه اركن و انزل اشيل الحجاره لانها هتسبب حادثه لعربيه تانيه ........ بس انا مش ملاحق الصراحه يعنى اخر مشوار سفر ليه وقفت 9 مرات ولو ما وقفتش ضميرى يانبنى .......بس ده فعلا موضوع ممل جدا
الناس بتسوق بمزاجها على الآخر