المشاركة الأصلية كتبت بواسطة د.أحمد سمير
محمد بك الطويل شخصياً .. يا هلا يا هلا ..
بص يا باشا ..
المحور سكته مقفولة من 3.30 لحد الساعة 7 مساء ضلمة ضلمة يعني
هاتكمل طوالي من تحت المحور وتطلع الدائري .. طبعاً بعد ما تلف من تحته
هاتمشي حتة غلسة جداً حوالي 3 كم
هتلاقي بعد كدة محور المريوطية الجديد
هتاخده إلى المعادي ..
ومن بعد كارفور هاتنزل منزل طريق السخنة منزل رقم 28
هاتلف الصينية وتاخد النفق .. وطوالي لا يمين ولا شمال
هتلاقي في نهاية الشارع قاعة المؤتمرات قدامك بالضبط
هتخش يمين في طريق الأوتوستراد لحد يوسف عباس (أول تقاطع هيقابلك )
هتدخل شمال معاه
هتلاقي شارع يمينك بعد حوالي 400 متر اسمه شارع خضر التوني
هاتكمل فيه طوالي وتعدي إشارة شارع الطيران
ولما توصل لنهايته هاتدخل شمال
انت دلوقتي خلف دار الدفاع الجوي تماما
لو الوصفة صعبة .. كمل في الأوتوستراد لحد عباس العقاد وبعدين لف من أول يوتيرن
وبعدين يمين من جنب الباركنج الكبير وميدان الساعة ده شارع النزهة
هتلاقي بعد حوالي 500 متر مبني مكعب على يمينك مكتوب عليه النادي الأهلي
بص شمالك هتلاقي دار الدفاع الجوي
وتوصل بالسلامة