سؤال هام لكل من يملك سيارة اسبرانزا

**medoragab** · 21-04-2010 07:37 PM

بسم الله الرحمن الرحيم
سؤال لكل من يملك سيارة اسبرانزا للفائدة وجذاكم الله خيرا

وأنت طالع علي الاول والعربية كركرت منك او سقفت او سكت منك دة يكون عيب اية طبعا انا بكلم عن m11
1- ظبتة رجل الدبرياج مع البنزين
2- نوع البنزين مش مناسب مع العربية ( بيكون 92 )
3- كهربة العربية مش مظبوتة
4- حاجة تانية

-------------------------------------------------------
عندي بعض التعليقات علي الخيارت
1- الي حيقول ظبتة رجل طيب السؤال هنا مطلعتشي أمريكاني لية ؟؟؟ طول عمر الواحد لما مايظبتشي رجلي يا إما تبطل العربية منك او تطلع امريكاني او طنت منك لكن متكركش
انا بكلم علي وانت طالع علي الاول !!!!!!!

2- الي حيقول الماتور زي ماتور a516 و محدش اشتكي منة
ياجماعة السكة دي مش موضوع ماتور دي حاجة تانية وانا عاوز حد يجرب a516 حيلاحظ في فرق كبير بين طلعة m11 و a516 فية ناس كتير جدا معاهم a516 اصدقائي جبتهم مخصوص عشان يجربو عربيتي في ناس قالولي اسطوانة الدبرياج متكلة عشان هيا ضعيفة في الطلعة
طبعا كلام غلط عشان العربية جديدة بس كل شئ وارد ممكن كلامهم صح

3-الي حيقول بنزين انا بحط 92 واثق منة تماما انة مش مغشوش
وباقي العربيات مثل الهونداي و الشوفرلية و الدايو بيحطو 90 وبتكركر او بتسك لو حطو 80
بدليل انت في اي عربية من دول بتطلع امريكاني بكل سهولة علي بنزين 90
-----------------------------------------------------------
مستني الردود بفارغ الصبر

**emad7759** · 21-04-2010 11:49 PM

متابع معاك بشده

**medoragab** · 22-04-2010 12:56 AM

فين الناس
مفيش حد عارف يجاوب ولا اية الحكاية ؟؟

**ash257** · 22-04-2010 01:18 AM

لو الرجة دي في بداية الانطلاق فقط احتمال 90% يكون اسطوانة دبرياج

**emad7759** · 22-04-2010 01:23 AM

متابع بشده

**ghazal911** · 22-04-2010 01:52 AM

مسألتش ليه طارق جعفر في تكنوسيرفس

**samehsalem** · 22-04-2010 02:20 AM

؟؟؟؟؟؟؟؟؟؟

**deebo** · 22-04-2010 02:22 PM

نشر فى جريدة “‬روزاليوسف” فى عددها رقم 1414 الصادر اليوم ‬أن مجموعة أبو الفتوح الوكيل الحصرى لعلامة إسبرانزا فى مصر ‬ستقوم بإستدعاء عدد كبير من الموديلات التى تم تجميعها محلياً ‬وستقوم المجموعه خلال الأيام ‬القليلة القادمة بالإعلان عن استدعاء عدد من سياراتها في السوق بعد اكتشاف عيب في الدينامو الخاص بتلك الموديلات .‬
كما أكدت المصادر أن جهاز حماية المستهلك تلقي عدداً ‬كبيراً ‬من الشكاوي ضد الشركة في موديلين من أكثر موديلات الشركة ‬انتشاراً ‬في مصر الأمر الذي سيتبعه طلب من الشركة بإستدعاء تلك الموديلات لتلافي وصول الأمر إلى ‬اتخاذ إجراءات قانونية ضدها.‬
وتنتظر الشركة حالياً ‬حصر جميع عملاء الموديلين المعنيين ‬لطلب استدعاء السيارات دون إحداث أزمة ‬للتوكيل خاصة في ظل الأزمة ‬الحالية علي بعض التوكيلات وإشكالية ‬استدعاء السيارات في العالم حسب إدعاء الجريده .. ‬يذكر أن جهاز حماية ‬المستهلك قد اتخذ إجراءات قانونية ‬ضد عدد من الشركات فى مصر في وقت لاحق منها شركة تويوتا مصر التى أرغمها على إصلاح عيوب الناقل MMT فى سيارته الشعبية تويوتا كورولا .‬
منقول

**hemaa_82** · 22-04-2010 02:23 PM

علشان العربيه تفحط"علي رأي اخوانا السعوديين" لازم تكون محمل بنزين زيادة عن الطبيعي قبل ما تبدأ تديها حركة" تسيب دبرياش في المانول او تحط d في الاوتوماتيك" - و الاوتوماتيك بيفحط برده للي ميعرفش او فاكر انه مستحيل-
انما لو مش محمل بنزين او محمل ضعيف و سبت دبرياش .. العربيه هتحاول تتحرك و تطلع صوت التسقيف او السكة .. و ممكن تنتش و تبطل لو ملحقتش تزودلها بنزين ....

لو اسطوانة متاكلة حتي علي الاخر... هتلاقي العربية عامله كأنها اوتوماتيك .. بمعني ان صوت الموتور بيزيد جامد و بعدين علي مزاجها بقي تطلع تاتا تاتا ده لو طلعت "في حالة التأكل التام الديسك هوا اللي بيحمل فلأنه بيكون بعيد قوي بيحصل ده"

كهربا يبقي هتسقف علي عدد لفات موتور معين بدون تدخل النقلة " يعني هتسقف طول ما الموتور علي 1 rpm مثلا سواء علي الاول او الخامس و ما بينهما"

البنزين الاقل زي الكهربا" يتم ظبط السيارة علي البنزين المستخدم للموديلات القديمة او ظبط البنزين علي ضغط الموتور للمواتير الحديثة"

والله اعلم من قبل و من بعد.....

**medoragab** · 23-04-2010 03:56 AM

المشاركة الأصلية كتبت بواسطة hemaa_82

علشان العربيه تفحط"علي رأي اخوانا السعوديين" لازم تكون محمل بنزين زيادة عن الطبيعي قبل ما تبدأ تديها حركة" تسيب دبرياش في المانول او تحط d في الاوتوماتيك" - و الاوتوماتيك بيفحط برده للي ميعرفش او فاكر انه مستحيل-
انما لو مش محمل بنزين او محمل ضعيف و سبت دبرياش .. العربيه هتحاول تتحرك و تطلع صوت التسقيف او السكة .. و ممكن تنتش و تبطل لو ملحقتش تزودلها بنزين ....

لو اسطوانة متاكلة حتي علي الاخر... هتلاقي العربية عامله كأنها اوتوماتيك .. بمعني ان صوت الموتور بيزيد جامد و بعدين علي مزاجها بقي تطلع تاتا تاتا ده لو طلعت "في حالة التأكل التام الديسك هوا اللي بيحمل فلأنه بيكون بعيد قوي بيحصل ده"

كهربا يبقي هتسقف علي عدد لفات موتور معين بدون تدخل النقلة " يعني هتسقف طول ما الموتور علي 1 rpm مثلا سواء علي الاول او الخامس و ما بينهما"

البنزين الاقل زي الكهربا" يتم ظبط السيارة علي البنزين المستخدم للموديلات القديمة او ظبط البنزين علي ضغط الموتور للمواتير الحديثة"

والله اعلم من قبل و من بعد.....

شكرا علي المجهود الطيب
انت مخدش بالك من السؤال
تاني
اي عربية متظهرشي السكة غير لما تحط بنزين الإكتين بتاعة اقل من الموصي بة او في كهربة زايدة داخلة للمتور
غير كدة يظهر كركرة زي لما تكون نسيت وطلعت علي التالت او التاني لا كن لو كلة تمام مستحل من سابع المستحيلات تسك منك علي الاول
وعاوزك تسأل اي مكانيكي شاطر العربية تسقف علي الاول دي تبقي مظبوطة ولا لأ
وفية حاجة التسقيف لايعني الكركرة دي حاجة ودي حاجة

ياجماعة مفيش عربية تحطلها 92 وتسك منك علي الاول مستحيل مستحيل والله العظيم مستحيل