قياديون بـ (الوطني): مصر قد تحارب في أفريقيا من أجل مياه النيل

**eng_ahmedryad** · 22-04-2010 08:37 PM

كمان السودان هاتطلعنا بعديهم ، أقتصادها بينمو ، وهاتحتاج تزود ناصيبها من الميه .......

**هيثم** · 22-04-2010 09:24 PM

المشاركة الأصلية كتبت بواسطة dr ahmed abdelghany

أنا أول مرة أسمع الكلام ده - ياريت معلومات اكتر
لو كنا ضربناهم فعلا يبقى تحقيق لمبدأ إستخدام القوة مع الضعيف والمفاوضات مع القوى ودا كله دفاعا عن حقنا فى تبذير ماء النيل

لو حصل حاجه زى كده كنا هنعرف
على الاقل من الدوله اللى سدودها اتضربت
او من وسائل الاعلام المعاديه
او من البلاد اللى من مصلحتها تشويه صوره مصر

اظن لو مصر عملت حاجه زى كده
كان اتعمل علينا حفلات و ليالى فى مجلس الامن و الامم المتحده

**AirForces** · 22-04-2010 10:50 PM

المشاركة الأصلية كتبت بواسطة seiffoz

الطيران المصري ضرب سدود أثيوبية

بعد بحث وتمحيص فى الموضوع دا يقال انه السد دا كان بتمويل إسرائيلى
وفعلا إسرائيل عاملة علاقات كويسة جدا مع معظم دول افريقيا ودول حوض النيل عموما ومن زمان وهما بيحاولوا يتحكموا فى المياة اللى واصلة لمصر

لكن كدا احنا هنبقا مفتوحين على البحرى من الشمال والشرق لو دخلنا حرب مع الجنوب

**SeiffoZ** · 23-04-2010 02:00 PM

المشاركة الأصلية كتبت بواسطة airforces

بعد بحث وتمحيص فى الموضوع دا يقال انه السد دا كان بتمويل إسرائيلى
وفعلا إسرائيل عاملة علاقات كويسة جدا مع معظم دول افريقيا ودول حوض النيل عموما ومن زمان وهما بيحاولوا يتحكموا فى المياة اللى واصلة لمصر

لكن كدا احنا هنبقا مفتوحين على البحرى من الشمال والشرق لو دخلنا حرب مع الجنوب

يعنى كلامي سليم ؟؟؟

**M.almaghraby** · 23-04-2010 02:37 PM

مين هما بقا القياديون الي قالوا كدا

**هيثم** · 23-04-2010 02:53 PM

المشاركة الأصلية كتبت بواسطة DR.almaghraby

مين هما بقا القياديون الي قالوا كدا

ههههههههههههههههههههههههه ههههههههه

**M.almaghraby** · 23-04-2010 03:07 PM

المشاركة الأصلية كتبت بواسطة هيثم

ههههههههههههههههههههههههه ههههههههه

بتضحك علي ايه يا مااااااااو

**هيثم** · 23-04-2010 03:15 PM

المشاركة الأصلية كتبت بواسطة dr.almaghraby

بتضحك علي ايه يا مااااااااو

:oc_sun1[1]:

هو تعليق حضرتك عجبنى فبضحك عادى

مين ماااااااو ده ؟

**human** · 23-04-2010 03:15 PM

في عام 1929 أبرمت الحكومة البريطانية -بصفتها الاستعمارية- نيابة عن عدد من دول حوض النيل (أوغندا وتنزانيا وكينيا) اتفاقًا مع الحكومة المصرية يتضمن إقرار دول الحوض بحصة مصر المكتسبة من مياه‏ النيل، وإن لمصر الحق في الاعتراض (الفيتو) في حالة إنشاء هذه الدول مشروعات جديدة على النهر وروافده، وتبع هذا اتفاقية مصرية سودانية عام 1959 تعطي لمصر حق استغلال 55 مليار متر مكعب من مياه النيل من أصل 83 مليار متر مكعب تصل إلى السودان ليتبقى للخرطوم 18 مليار متر مكعب من مياه النيل.

ومنذ استقلال دول حوض النيل وهناك مطالبات متزايدة من جانب حكوماتها بإعادة النظر في هذه الاتفاقيات القديمة، بدعوى أن الحكومات القومية لم تبرمها ولكن أبرمها الاحتلال نيابة عنها، وأن هناك حاجة لدى بعض هذه الدول خصوصًا كينيا وتنزانيا لموارد مائية متزايدة؛ حتى إن دولة مثل تنزانيا أعلنت منذ استقلالها أنها ترفض هذه الاتفاقية من الأصل، ولا تعترف بها، بيد أن الرد المصري كان دومًا يطالب باحترام الاتفاقات التاريخية المبرمة كي لا تتحول القارة الأفريقية إلى فوضى.

اللى حصل ده ناتج عن التهريج فى السياسه الخارجيه المصريه و اندحار للدور المصرى حتى لم نعد نقوى على فرض ايى نوع من الضغط على الدول الافريقيه

مبدأيا اتفاقيه المياه هيه اتفاقيه فى غايه الاجحاف و فى غايه التطرف لصالح مصر و يتم العمل بها منذ زمن بعيد و الحاجه الوحيده اللى كانت مخليه الاتفاقيه ديه ماشيه هو دور مصر التاريخى تجاه افريقيا
الدور ده قامت النخبه الحاليه فى الثلاث عقود الماضيه بالقضاء عليه تماما و لم يعد لمصر اى تأثير يذكر فى افريقيا فالعلاقات و الجمايل التى اسسها جمال عبد الناصر ذهبت مع الريح و لم نلتفت الى جنوبنا و انفصلنا عنه و تعاملنا معه فى منتهى التكبر على الاخوه الافارقه
و بدل ما نتعامل معاهو و ننتبه ان ده عمق استراتيجى تجنبناهم تماما و نبذناهم و لم نشاركهم فى شئ خصوصا بعد حادث اثيوبيا و محاوله الاغتيال

دلوقتى الصغيرين دول كبروا و الدول ابتدوا يفكروا فى مصالحهم و شعوبهم و بتدخل من الدول الصديقه زى اسرائيل و علاقتها المينه مع دول حوض النيل من اجل تأمين استراتيجى لحاجيات اسرائيل المستقبليه من الماء
كل ده ادى انهم يطالبوا بمراجعه الاتفاقيه
مش معقول مصر بتاخد كل الحصه ديه من المياه فى الوقت ان بلادهم بتاعنى من نقص فى المياه

و بعدين ميييين مصر اللى هما ممكن يفكروا و يعملوا ليها حساب؟!
عشان الناس ما تنساش افريقيا لا تؤيد مصر فى اى شئ و احنا بالنسبه ليهم بلد متعجرفه على الاصل الافريقى و بلد لا تفيد افريقيا فى شء و نتعالى على جميع الشعوب الافريقيه و لا نساندهم فى شئ و لا نتفق معهم فى شئ

ده حتى الكبير مش بيحضر المؤتمرات الافريقيه

يعنى احنا عايزين ناخد بالقوه ما ليس لنا و خلاص نبذنا السياسه؟!

فى رأيى تصريح خايب من المسؤلين انهم يقولوا كلام زى ده
عشان الدول الافريقيه مش هتتهدد و هتشوف ان ده تطاول

اللى عايز يضرب بيضرب من غير ما يهدد التهديد و الوعيد ده السمه الغالبه على اداأنا بدون خطى جديه

احنا بسياستنا هجرنا دول افريقيا و جايين دلوقتى نقول حقنا التاريخى

اللهم ارحمنا

**haitham_tetsh** · 24-04-2010 01:44 AM

المشاركة الأصلية كتبت بواسطة ahmed samy

اسمحلى أختلف معاك في النبرة دي

دول مش ناس وحشين ...ولا أشرار دلوقتي

و الدعا عليهم مش هو التصرف الصحيح

دول ناس بيحاولوا يأمنوا مستقبلهم و حياتهم (بغض النطر عن أصل دولتهم) يعني العيب مش عليهم

العيب على الناس العبيطة ..الهبلة ...اللي سابولهم الملعب فاضي يلعبوا فيه

العيب علينا إحنا

المفروض اننا نكون جوه قلب الدول دي من زمان

أحنا نزرعلهم و نعلمهم و ندرسهم و نجيبهم بعثات و منح
و نعلم قاة الشرطة و الجيش عندهم و نديهم مزايا تعليمية

نبعت عندهم بعثات محو أمية و طب

الأزهر كان المفروض يكثف بعثاته الدعوية لنشر الدين الإسلامي و ده كان يقربهم أكتر

و الإسلام كان ممكن ينشر اللغة العربية و ده يقربهم أكتر

كان المفروض نمول مصانع و مشاريع الري و السدود و نصونها

كان المفروض ما نسيبش خرم ابرة لحد

هاتقوللي منين .....احنا لاقيين ناكل

طب هاتحارب منين!!!!

أسمحلى أنا كمان يادكتور أختلف معاك لأن فعلا أسرائيل تسيطر على الدول الأفريقية التى لها مصالح مشتركة مع مصر وتحاول أنا تضع( السم فى العسل ) لكى يجعلوا العلاقات مع مصر متوترة دائما وأنا أوافقك ان أحنا كان لازم مانديش فرصة ليهم أنهم يفعلوا بالدول دى مايفعلوا ولكن لاتنسى أن مصر كانت السبب فى أستقلال دول أفريقية كثيرة وساندت دول أفريقية كثيرة فى بناء البنية التحتية لتلك الدول وكان ذلك فى مرحلة الخمسينات والستينات فما كان نتيجة ذلك أن أسرائيل أقبلت على أحتلال سيناء بكل سهولة ولأسباب كثيرة منها أنشغالنا الغير صحيح والمبالغ فيه بالدول الأفريقية مع العلم أننا كنا فى مرحلة بناء البنية التحتية لمصر ومازلنا حتى الآن ومع الأخذ فى الاعتبار أن هناك أسباب كثيرة للهزيمة 67 ولكن أنشغالنا بالدول الأفريقية فى هذا الوقت الحرج كان من أسباب الهزيمة . ومع العلم أن كلام حضرتك كان يحدث الى فترات قريبة وكنا نقوى علاقتنا بدول حوض النيل ولكن أسرائيل عندها أغراءات كثيرة لهذه الدول الفقيرة تستطيع بها السيطرة على هذه الدول . وبالنسبة للدعاء أنا قمت بالدعاء على الصهاينة وليس على الدول الأفريقية مع العلم أننى أود أيضا الدعاء عليهم لأن المياة هى الحياة فاذا قطعت عنا المياة فتعتبر قطعت عنا الحياة كما قال الله تعالى فى كتابه العزيز. بسم الله الرحمن الرحيم ( وجعلنا من الماء كل شيئ حى ) صدق الله العظيم .

الموضوع: قياديون بـ (الوطني): مصر قد تحارب في أفريقيا من أجل مياه النيل

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

اتفاقية تقسيم مياه النيل تبدأ في التنفيذ

مياه النيل أول فاتورة تدفعها الثورة!

سولار فى مياه النيل الغاليه

الكلمات الدلالية لهذا الموضوع

المفضلات

المفضلات

ضوابط المشاركة