لانوساوي جديد ومشكلتين لاقيتهم واضحين
السلام عليكم
طبعا ياجماعة بفضل الله وتوفيقه
ربنا كرمني واشتريت عربيه لانوس 2 موديل 2000
والعربيه الحمدلله كويسه وماسكه نفسها
بس لاقيت مشكلتين واضحين
الاولي : الماتور صوته عالي جدا جدا جدا وده علي كل الاوضاع بداية من التسخين لغاية الخامس
وصوته مزعج قوووووي
ثانيا : علبة الدريسكيون بتخبط وانا ماشي فهل محتاجه حشو ولا تغيير وتنصحوني بأيه
بالنسبه للي اتعمل في العربيه
تغيير بوجيهات وفلتر بنزين وزيت وسير كاتينة وبلية كاتينة
وكمان لاقيت حاجه كده زي شكل الولاعه بس اصغر شويه فياتري ده حساس الشكمان لان صاحبها يوم ما اشتريتها صاحبها قالي انه غيره بس انا معرفش شكله
وياتري ايه الي معلي صوت الماتوور بالشكل الفظيع ده
وشكرا ليكم ياجماعه
واتمني تعتبروني واحد منكم