شراء نيسان صنى موديل 93

**hema_hn** · 21-04-2010 11:23 PM

الاخوة الافاضل انا معايا عربية هيونداى اكسيل موديل97 فاضية فيها سنتر بس ونفسى فى النيسان عشان ركبتها قبل كدا ونفسى فيها المهم انا اشتريت الاكسل والحمد لله ومعداش عليها اسبوع المهم ان ادامى نيسان صنى موديل 93 كاملة صاحبها طالب فيها 31 الف وبيقلى ان فيها مصروف رش خارجى بس
بالنسبة لوضعى المادى متوسط
تنصحونى اجيب النيسان مع العلم ان فرق السعر قريب جدا مبنهم ولا خلينى فى الاكسل
كل الناس بيقلولى ان قطع غيارها غالية
بس اعرف من زميلى الى معاه العربية دى بيقلى انه مبيرحش للكهربائى ولا الميكانيكى من خمس سنين والعربية بتعته موديل اخر التسعينات
معلش تعبتكم معايا
خلينى فى الاكسل ولا اجازف وابيع وادخل فى النيسان موديل 93
شكرا واسف على الاطالة

**amir** · 22-04-2010 01:09 AM

انا معرفش افتيك بأيه
بس ربنا يسهل و سبعاوي ولا عضو تاني يكون عارف كويس في الموديل يقولك و يفتيك
و ان شاء الله الرد يكون قريب

**omar-saad** · 24-04-2010 04:43 PM

بص العربية دى تحفة بجد ثبات وقوة ونعومة وتكييف واداء رائع
كانت مع واحد صاحبى وكان بيبهدلها سفر ومشاوير وحركات وكدة
بس هية عيوبها ان قطع الغيار نار وفرق شاسع مابينها ومبين الاكسيل
انتا حتى ممكن تضطر انك تروح بورسعيد عشان تكمل الحاجة لو هاتغير لاقدر الله ابواب اوشنطةاو اى صاج او حاجة كبيرة فى العربية
فلو انتا عايز ركوبة وامان وتحمل ومش فارق معاك المصاريف هاتها
لو انتا مش غاوى تعب ولف يبقى ربنا يباركلك فى الاكسيل احسن
وربنا يوفقك اللى فية الخير

**hema_hn** · 24-04-2010 05:13 PM

المشاركة الأصلية كتبت بواسطة momo_sunny

بص العربية دى تحفة بجد ثبات وقوة ونعومة وتكييف واداء رائع
كانت مع واحد صاحبى وكان بيبهدلها سفر ومشاوير وحركات وكدة
بس هية عيوبها ان قطع الغيار نار وفرق شاسع مابينها ومبين الاكسيل
انتا حتى ممكن تضطر انك تروح بورسعيد عشان تكمل الحاجة لو هاتغير لاقدر الله ابواب اوشنطةاو اى صاج او حاجة كبيرة فى العربية
فلو انتا عايز ركوبة وامان وتحمل ومش فارق معاك المصاريف هاتها
لو انتا مش غاوى تعب ولف يبقى ربنا يباركلك فى الاكسيل احسن
وربنا يوفقك اللى فية الخير

والله يا اخى انت جيتلى فى وقت مناسب عشان انا فعلا قررت على الاكسيل وانتى اكدتلى على قرارى
الف شكر ليك وعلى تعاونك