أسئلة هامة بخصوص الإطارات .. برجاء الاهتمام

بعد أن كثرت الحوادث البشعة بسبب انفجار إطارات السيارات (وأنا شخصيا لى أكثر من قريب وصديق ماتوا أو أصيبوا إصابات بالغة بسبب حوادث من هذا النوع) لدى عدة أسألة أرجو من السادة الخبراء الإجابة عليها:
1- هل هناك من طريقة للتعرف على الإطارات المغشوشة أو المقلدة؟؟؟؟
2- هل هناك طريقة أو وسيلة أو منتج يمكن أن يمنع انفجار الإطار أو على الأقل يقلل من خطورة الانفجار؟؟؟
3- هل هناك من وسيلة للكشف على صلاحية الإطارات وقوة تحملها؟؟؟
4- ما هو رد الفعل المناسب عند انفجار الإطار .. خصوصا أن رد الفعل يتوقف على مكان الإطار المنفجر هل هو أمامى أم خلفى .. يمين أم شمال .... إلخ ؟؟؟؟
5- وأخيرا ما هى أفضل أنواع الإطارات فى السوق التى يمكن الاطمئنان إلى جودتها ومعدل الأمان العالى لها؟؟؟
وشكرا مقدما لكل من سيشارك بالإجابة أو المناقشة

1- من المكان اللي بتشتري منه وما فيش مقلد هو فيه ماركات وانواع حسب بلد المنشأ
2- ضبط الإطار الدوري أهم واقي من الإنفجارات لا قدر الله
3- عند بتاع الكاوتش بالنظر يبص على وجود نتوءات في الكاوتش حيث تمثل خطورة بالذات بعد الصعود على رصيف او زلطة
4- لو في الأمام هتلاقي العربية انحرفت بشدة ,, اترمي على الدركسيون وحاول تسيطر وتخفف السرعة عن طريق الفتيس بالغيار العكسي وبلاش فرامل قوية لأنك هتزود الإنحراف ,, وربنا يسترها عليكم جميعاً

5- الانواع الجيدة كثيرة وطبعاً بتختلف في السعر

شكرا جزيلا لحضرتك يا دكتور محمود على ردك الجميل واهتمامك
وبرجاء المزيد من المعلومات من الإخوة الأعضاء

اعتقد انك لازم تتأكد من تاريخ الصنع وانت بتشترى وما يكونش الكاوتش متخزن فترة طويلة فى ظروف الله اعلم بيها
وربنا يستر من الكاوتش لانه اكتر شئ باقلق منه فى السفر

تاريخ صناعه الكاوتش وبلد المنشاه وحجم الكاوتش بالنسبه للعربيه

هما اكبر امان ليك من خطر الكاوتش

اضيف
1-استعمل الاطارات التيوبلس وبلاش اللي فيها شمبر لان لتيوبلس حتى لو اتخرمت متنفجرش خصوصا اذا كانت من النوع الجيد
2-افحص الاطار بنفسك وتخلص من اي زلط او طوب صغير عالق بيه
3- واحنا داخلين على الصيف خلي ضغط الاطارات اقل قليلا من المعتاد يعني لو المعتاد 30 خليه على 28
4- لو ماشي في طريق طويل او صحراوي في عز الحر مفيش مانع تقف في نص السكة وتفحص الاطارات ودرجة السخونية وتاخد بريك
5- من ملاحظاتي ان اكثر الاماكن على الطريق التي يحصل فيها انفجار الاطار هي اثناء هبوط السيارة على منزل وبالتحديد عند نهاية المنزل واستعدال العربية لان وزن السيارة بيكون ضاغط على الاطارات خصوصا الامامية (نهاية الكباري مثلا واثناء الهبوط من مرتفعات على الطرق الصحراوية)
6-لا تسرع لا تسرع لاتسرع

شكرا جزيلا لكل من ساهم بالرد
وأكرر الشكر للدكتور محمود
وشكر خاص للأستاذ skybird
فعلا يا جماعة الموضوع مهم وخطير وبقى متكرر بشكل واضح
برجاء أى حد عنده نصيحة أخرى أو إضافة يتفضل يشارك

شوف الموضوع ده هيفيدك
وفيه موضوع تانى هدورلك عليه .
http://www.nilemotors.net/Nile/13016-a.html

1- ملئ الكاوتش بالنيتروجين بدل الهواء ، لأنه مش بيتأثر بالحرارة زي الهواء العادي وبيمتص أكتر من 40% من طاقة الأنفجار .
2- الألتزام بالسرعة المقررة للكاوتش وده بيرمز له على الكاوتش برموز زي اللي في الجدول .
3- الألتزام بالحمولة القصوى لكاوتش وده بيرمز له على الكاوتش بأرقام زي اللي في الجدول .

http://img301.imageshack.us/img301/8...ertire_com.gif

عفوا .....