الموضوع: لمالكي الشفروليه لانوس

المشاركة الأصلية كتبت بواسطة tompina

كلام غير دقيق لأن دورة التبريد هي اللي مهمتها التبريد للمحرك مش الكبوت ..
أنا عندي البطانة ومفيش مشكلة في التبريد بتاتا
وقبلها كان في مرسيدس ومتبطنة وكانت برضه مافيهاش مشكلة تبريد .

براحة يا حمو واحدة واحدة قبل ما نقول كلام غير دقيق وكدة
دلوقتى لازم نعرف الاول كيف تنتقل الحرارة وكيف تتبدد وبعدين نقول كلام دقيق او مش دقيق بناء على تجارب شخصية
طبعا دورة التيريد هي اللي عليها الجزء الاكبر والمهم فى تبديد حرارة المحرك كما نعرف كلنا
وطبعا كلما ارتفعت حرارة المحرك تبدا المراوح فى العمل وبسرعات مختلفة لتبيرد المياة فى الرداتير لتستمر دور التبريد
طبعا غرفة المحرك بتكون ليه درجة حرارة مرتفعة جدا جزء من هذةالحرارة بيتبدد عن طريق جسم السيارة زي الكابوت والرفارف ومنها الى الهواء الخارجى البارد
واي حد عايز يتاكد بعد مايمشى شوية فى وسط البلد ينزل يحط ايدة على الكابوت والرفارف وشوف الحرارة بتاعتهم
في نفس الوقت اعمل نفس الموضوع بعربيه مركبة بطانة الكابوت وحط ايدك على الكابوت هل هتلاقية بنفس الحرارة
هل معنى كدة ان دورة التبريد للعربيه اللي فيها بطلنة افضل من اللي مش مركبة طبعا لا
امال راحت فين الحرارة دي ؟؟؟؟؟؟؟؟؟
الفكرة انك بتخلي المراوح عندك تشتغل بكل طاقتها واكتر فترة ممكنة لكي تقوم بمهمة التخلص من الحرارة اللي فى الحوض يعنى الحمل على المراوح هو بيحاول يعوض جزء الحرارة اللي كان بيتبدد عن طريق الكابوت