المشاركة الأصلية كتبت بواسطة محمد الشامي
أنا عن نفسي كنت بعمل حاجه حلوه اوي , وكنت بحب دايما اعملها :E_braces[1]:
لما اكون مثلا واقف في اشاره وجنبي واحد من الناس اللي مظبطه عربيتها اوي شكلاً وموضوعاً
ابصله بصه تنافسيه كده وأحسسه انه ولا حاجه هو وعربيته :whtauwant: وطبعا انا عربيتي عاديه :E_braces[1]:
وطبعا تزويد البنزين والعربيه واقفه وتعليه صوت الموتور في حد ذاته نوع من الأثاره للناس اللي زي دي , نفس فكره اللون الأحمر بالنسبه للثيران :E_braces[1]:
فيبدأ الشاب اللطيف ده ياعيني يحرق على عربيته عننننننننن عنننننننننن ويقولي بنظراته مش هتنتصر عليا :dontudear:
وطبعاً مش هسكت وانا كمان احرق عالموتور استعداداً مني لطلوووووووع مبهر في الأشاره عننننننننن عنننننننننننننننننننننننن ننننن واقوله بنظراتي ولا انا كمان هسمحلك تنتصر وتضحك الناس عليا :dontudear:
وطبعا الحكم بتاعنا وقتها هو اللون الأخضر لإشاره المرور أو ايد العسكري اللي بيشاور عشان نمشي
ودلوقتي احنا الاتنين في حاله من الترقب للطلوع مع الإشاره
3
2
1
اللون الأخضر اهو GO , يروح طالع مفرتك الكاوتشات ويملا الشارع دخااااااان وراه ويطيررررررر :biggrin2:
:C_laugh[1]: :44: انا بقه ابصله بإستغراب اوي و اروح طالع على أقل من مهلي زي اللي بيتعلموا سواقه :44: :C_laugh[1]:
مع إني والله أقدر اشد معاه لأبعد الحدود والحمد لله , بس بحب اشوف احساس الناس دي وهما بيجرو لوحدهم زي العبط وفجأه يلاقو نفسهم لوحدهم :C_laugh[1]: اتوقع وقتها فعلا بيحس بقمه العبط في نفسه
الموضوع ده عملته كتير , بس اغرب مره ان واحد بعد ما جري زي العبيط ولقاني ماشي براحتي راح مهدي و واخد جنب لغايه لما حصلته , وقالى , مش هتشد ولا ايه ؟؟ :E_braces[1]: طبعا ولا كأني سمعته :E_braces[1]: