الموضوع: ما هو افضل موقف ليك

المشاركة الأصلية كتبت بواسطة محمد الشامي

أنا عن نفسي كنت بعمل حاجه حلوه اوي , وكنت بحب دايما اعملها

لما اكون مثلا واقف في اشاره وجنبي واحد من الناس اللي مظبطه عربيتها اوي شكلاً وموضوعاً

ابصله بصه تنافسيه كده وأحسسه انه ولا حاجه هو وعربيته وطبعا انا عربيتي عاديه
وطبعا تزويد البنزين والعربيه واقفه وتعليه صوت الموتور في حد ذاته نوع من الأثاره للناس اللي زي دي , نفس فكره اللون الأحمر بالنسبه للثيران

فيبدأ الشاب اللطيف ده ياعيني يحرق على عربيته عننننننننن عنننننننننن ويقولي بنظراته مش هتنتصر عليا

وطبعاً مش هسكت وانا كمان احرق عالموتور استعداداً مني لطلوووووووع مبهر في الأشاره عننننننننن عنننننننننننننننننننننننن ننننن واقوله بنظراتي ولا انا كمان هسمحلك تنتصر وتضحك الناس عليا

وطبعا الحكم بتاعنا وقتها هو اللون الأخضر لإشاره المرور أو ايد العسكري اللي بيشاور عشان نمشي

ودلوقتي احنا الاتنين في حاله من الترقب للطلوع مع الإشاره

3

2

1

اللون الأخضر اهو GO , يروح طالع مفرتك الكاوتشات ويملا الشارع دخااااااان وراه ويطيررررررر

انا بقه ابصله بإستغراب اوي و اروح طالع على أقل من مهلي زي اللي بيتعلموا سواقه

مع إني والله أقدر اشد معاه لأبعد الحدود والحمد لله , بس بحب اشوف احساس الناس دي وهما بيجرو لوحدهم زي العبط وفجأه يلاقو نفسهم لوحدهم اتوقع وقتها فعلا بيحس بقمه العبط في نفسه

الموضوع ده عملته كتير , بس اغرب مره ان واحد بعد ما جري زي العبيط ولقاني ماشي براحتي راح مهدي و واخد جنب لغايه لما حصلته , وقالى , مش هتشد ولا ايه ؟؟ طبعا ولا كأني سمعته

لا حلوة بجد ضحكتنى

المشاركة الأصلية كتبت بواسطة matmm

انا بقى جرى ورايا واحد من صلاح سالم لغاية المقطم انا اجرى وهو يجرى وانا مقطعة الموتور الجديد بقى 2600سىسى عامل شغل وانا فرحااااااان ان هو مش عارف يجبنى بقى وهتجنن انة طالع ورايا المقطم اتارية فى الاخر واحد صاحب صاحبى نسى موبايلة فى عربيتى لما كنا فى المرغنى اول ما وقفت سمعت منة شتيمة اية عجب

ايه يا باشا احنا مش هنتقابل فى الميرغني ولا ايه