ممكن نخلى التكيييف يشتغل على الكهرباء بس !!!!

**eng.octooo** · 22-04-2010 02:29 PM

دى مجرد فكرة جت فى دماغى ممكن تكون صح وممكن تكون غلط

مش المكيف بتاع العربية تقريبا نفس بتاع البيت
؟؟؟
ومكيف البيت بيشتغل على الكهرباء بس ....

طيب ما احنا ممكن نخلي تكييف العربية يشتغل على الكهرباء بس بدون اى تأثير على الموتور باننا هاخلية ياخد كهرباء من بطارية صغيرة متوصلة بدينامو العربية
ولو لازم موتور ممكن نجيب موتور كهرباء صغير يشتغل على الدينامو والبطارية الجديدة
وكدة هانبقى مشغلين التكييف ومفيش تأثير على العربية

تفتكروا الفكرة دى ممكن تنفع ولا مجرد اوهام ؟؟

**eng.octooo** · 25-04-2010 12:56 PM

محدش حتى عاوز يتخيل الموضوع معايا ؟؟؟؟

**amrelsaqqa** · 25-04-2010 01:32 PM

لما كنت في السعودية شفت تكييف العربية الكابريس كان كهربا

بمعنى ان الكمبريسور نفسه مش واخد سير من الموتور

هو مصمم انه كهربا زيه زي بتاع مكيف البيت

وطبعا مش بيأثر على سحب العربية لأن اصلا سحب العربية جبار لأنها 8 سلندر فمش عارف احكم عليه

الفكرة تنفع لو الكمبريسور ده موجود هنا
بس محتاجة متطلبات كهربا الاول
يعنى بطارية ودينامو شداد على الاخر

وانا اعتقد ان الفاقد في الطاقة الكهربائية اقل من الفاقد في الطاقة الميكانيكية
وبكدة مش هيأثر على عزم الموتور

عارف بالظبط زي الفرق بين الدركسيون الباور الهيدرولك اللى واخد سير و الدركسيون الباور الكهربا

**eng.octooo** · 25-04-2010 01:53 PM

تمام دة الى كان قصدى علية ....طيب مش ممكن نجيب الكمبروسيور بتاع الشيفرولية الكابريس مثلا ونطبق الحركة دى ؟؟؟؟

**amrelsaqqa** · 25-04-2010 02:29 PM

ياريت والله انا بفكر اصلا في كدة

بس لو حد يعرف بقى

انا شفتها في كابرس اللى هى صابونة 94
عشان كان عندنا واحدة قبلها موديل 80 وكان كمبريسور عادى

فلو حد يعرف يجيب الكمبرسور من العربية الـ 94 او اي عربية مشابهة زي الفورد مثلا يبقى تمام جدا ونعمل تجارب ونشوف محتاج كهربا قد ايه وتأثيره على سحب العربية ازاى

**eng.octooo** · 29-04-2010 06:55 PM

طيب الاول عندى سؤال هوة اى تكييف يركب على اى عربية ؟؟؟ يعنى مثلا ممكن تكييف الصنى يركب على المرسيدس مثلا ( مجرد امثلة)

**د.محمود صلاح** · 30-04-2010 10:37 AM

المشاركة الأصلية كتبت بواسطة amrelsaqqa

لما كنت في السعودية شفت تكييف العربية الكابريس كان كهربا

بمعنى ان الكمبريسور نفسه مش واخد سير من الموتور

هو مصمم انه كهربا زيه زي بتاع مكيف البيت

وطبعا مش بيأثر على سحب العربية لأن اصلا سحب العربية جبار لأنها 8 سلندر فمش عارف احكم عليه

كان عندنا كابريس موديل 79 ماكانش التكييف كهربا .. بل كان عادي بكمبريسورو ويبر مشبوك في المحرك