سؤال
هل صحيح ان تجميع نقط المياه من فايز التكييف العادى ممكن تستخدم بامان وفاعليه للريداتير كمياه مبرده للعربيه
لها جوده عاليه باعتبارها (مقطره )
وان صح ذلك فهل هذا يغنى عن المياه الخضراء
:N_no[1]:
عرض للطباعة
سؤال
هل صحيح ان تجميع نقط المياه من فايز التكييف العادى ممكن تستخدم بامان وفاعليه للريداتير كمياه مبرده للعربيه
لها جوده عاليه باعتبارها (مقطره )
وان صح ذلك فهل هذا يغنى عن المياه الخضراء
:N_no[1]:
وجهة نظري الشخصية تنفع طبعا وبديل للمياة الخضراء وغيرها
لان انواع المياة المنتشرة في مصر معظمها مضروب للأسف وحتي الأصلي منها فائدة الاضافات التي تضاف لها (الاثيلين جليكول) هو تقليل درجة تجمد الماء حتي لا يتجمد داخل المحرك وذلك في الدول التي تنخفض درجات الحرارة فيها تحت الصفر لذلك في مصر احنا في غني عن الاضافات دي
والله أعلم وفي انتظار باقي الأراء
انا شايف انها مياة عادية بس من غير الرواسب اللي ممكن تترسب في دورة التبريد للموتور
مع حضرتك فى انتظار الردود
حتجمع المياه ازاى ؟؟؟؟!!!
هى فعلا مياه عاديه
لكن الكلام على انها منقاه من الشوائب او مقطره ان صح
وبذلك ممكن تكون مفيده لعدم وجود رواسب فى الرداتير
ولان درجة غليان المياه النقيه اقل على حسب علمى
او المشاركه وتحيح المعلومه ان كنت مخطأ
وده الهدف من المشاركه
انا فعلا جمعت المياه عن طريق زجاجه عاديه وضعت فيها خرطوم الفايز بتاع التكييف
نظريا بنفع
بس عمليا برضة حتواجهك مشكلة تكون الصداء دا غير ان المية الخضراء بتعمل على تزييت طلمبة المية و اطالة عمرها و بتسيب اثر واضح لو حصل تسرب بعكس المية العادية
انت ممكن تستعمل المية دى و تضيف عليها الاثلين جلايكول المركز اللى بيتباع فى المحطات
MMamdouh
[justify]ممكن أقول رأيي دي مش مياه مقطرة !!!
دي مياه مليئة بالشوائب والأترية والغبار كل ما تريد أن تسميه .
أنظر إلى التكييف من الداخل عندما يأتي فني الصيانة لتنظيفه وأنت تعلم ما أقولة عندما ترى مسارات هذه المياه داخل التكييف وكمية التراب من أجواء بلدنا الحبيبة واختلاطها بهذا الماء المكثف وما خلفته في أرضية التكييف من ((روبة)) آسف في اللفظ بس لما تشوف اللي بتكلم عنه هتندم على اللي فكرت تنوي تعمله في سيارتك [/justify]
وده رأيي
أفضل مياه للريداتير هي تلك المعالجة ضد الصدأ والتجمد ( الخضراء أو الحمراء )
اولا بشكر الى فتح الموضوع دا واضح انه بيفكر او بيسال
الميه الى بتنزل من التكيف هيا مياه مقطره
والمياه المقطره تعنى مياه خاليه من الاملاح
يعنى الميه المقطره غير مستثاغه شربها ومحدش يقدر يشربها لان طعمها مش حلو وغير محتويه على الاملاح الى تفيد الجسم
1-تتكون نسبه الاملاح فى المياه المقطره من 5-10 جزء فى المليون
2- مياه الشرب المعدنيه من 100-200 جزء فى المليون
3-ى مياه الشرب من 200 -500 جزء فى المليون واكتر من كدا يعتبر ماه عسر وغير قابله للشرب او لاستحمام لانها مش هتكون رغاوى
4-مياه البحار من 5000 الى 10000 جزء فى المليون
طيب ايه الى يحصل لو حطينا مياه شرب عاديه فى الرادياتير
1-بفعل الحراره هينتج تكون املاح مترسبه على جدران الانابيب والرادياتير ودا هيؤدى لتكون صدا مع الحراره
2- تاكل الاجزاء المعدنيه من الصدا
3- لو حطيت مياه عسر ومش واخد بالك هيتكون رغاوى بيضاء مع الحراره فى المواسير وتكون رواسب على جدران المواسير يؤدى لسوء انتقال الحراره فى الرادياتير وسد المواسير ( والرغاوى دى تشوفها فى البحر دايما )
طيب يبقى الحل الوحيد اننا نحط مياه مقطره الخاليه من الاملاح وخاليه دى معناها الاملاح فيها من 5-10 جزء فى المليون
ونلاقى الميه المقطره منين ؟؟؟
من الحاجه الوحيده الى هتلاقيها عند كل الناس هوا التكيفات
اى خرج مياه تكيف بيكون مياه مقطره وكويسه جدا لاغراض الرادياتير والبطاريات
وعلى فكره اى مياه مقطره موجوده فى البنزيمات دى بتبقى خرج تكيف مش اكتر وعلى فكره لو انتا عبيت الميه دى فى البيت اضمن من بتاعت البنزيمات الى ممكن تكون مياه عاديه
----------> ازاى اعرف ان الميه دى ميه مقطره ؟؟
دوقها عادى اشرب منها شويه وبلسانك تحسس كدا لو لقيتها طعمها مش ظريف وبتنشف بؤك كدا واتقرفت منها تبقى دى مقطره لو ليها طعم عادى ممكن تشربه دى ميه شرب عاديه
---------> ايه احسن الميه المقطره ولا الميه الخضرا ؟؟
لو عايز توفر وتطمن انك حاطط ميه خاليه من الاملاح ومش مضروبه زى الى بتتباع بره يبقى حط ميه المقطره دا احسن حاجه واحسن حل وهتستفيد بخرج التكيف كمان وتشبرا نفسك بميه مساحات وميه بطاريه كمان ههههههه
وعلى فكره الميه المقطره تنفع ميه بطاريات ومساحات اوى لانها بتحافظ على ماتور المساحه والخراطيم وبالنسبه للبطاريه بتحافظ انتوا عارفين انها بتتزود بميه مقطره
خلاصه الحوار
( ميه التكيف الخارجه منه مفيده جدا للعربيه سواء للبطاريات او المساحات او الردياتير وكمااااااااااااااااان الغسيل العادى )
اه ودى مفيهاش شوائب ولا كلام من دا لانها بتتكون من تكثف بخار المعلق فى الجو والرطوبه والعرق على السربنتينه الداخليه للتكيف ووبعدها بتنزل على هيئه ميه فى الخرطوم يعنى مافيش اى تراب ولا كلا من دا فيها
طولت عليكم بس دا الخلاصه كمان ارجو اكون افدتكم
تحياتى ....,
مشكور ياباشا وهو ده اللي انا باعمله بالضبط بااحط ميه صرف تكييف وعليها علبه ميه خضرا امريكاني ..
الف شكر يا باشا على الرد
ده انا كنت ناوى مع الردود الاولى انى اقلع عن الفكره لكن مع رد حضرتك انا هستمر بتزويد الريداتير بمياه صرف التكييف مع اضافه مانع صدا العلبه الحديد او علبه مانع الصدا بالبزينات
بس السؤال الاول كل كام ( زمن او كيلو متر ) ازود بعلبة مانع صدا
السؤال الثانى افرغ ازاى علبة مياه المساحه علشان اعبيها مياه التكييف من الاول
وشكرا من الان على المعلومات
الحمد لله لاتوجد مشاكل ( عربيتى لادا مشهوره بالسخونيه )
المياه الخضراء بالعلبه الحديد بتكون صناعه اميركى 443 ملى فى حدود ال10 جنيه
وفى العلبه البلاستيك اشتريتها من بنزينة وطنيه ب 6 جنيه بس حجم اقل
ومفروض التركيز اعلى من المياه المقطره بالجراكن
والله اعلى واعلم