أرجو معرفة أسباب نقصان العزم بالسيارة لأنني لاحظت في سيارتي أنني كنت أصل لآخر الغيار الأول عند سرعة 20 وكان صوت السيارة أهدى مما هو عليه الآن عند نفس السرعة مع العلم أن سيارتي:
لانوس 1 موديل 2000 مانيوال.
وجزاكم الله خيرا........
عرض للطباعة
أرجو معرفة أسباب نقصان العزم بالسيارة لأنني لاحظت في سيارتي أنني كنت أصل لآخر الغيار الأول عند سرعة 20 وكان صوت السيارة أهدى مما هو عليه الآن عند نفس السرعة مع العلم أن سيارتي:
لانوس 1 موديل 2000 مانيوال.
وجزاكم الله خيرا........
الإحتمالات :-
طقم دبرياج متهالك
فلاتر سيئه
بوجيهات سيئه
نوعيه بنزين رديئه
بالنسبة للبنزين أنا أضع بنزين 92 دائما وفلتر الزيت مغيره من 1500 كيلو.
وكيف أعرف إن كانت البوجيهات سيئة أم لا أو طقم الدبرياج متهالك أم لا؟
وبالمناسبة هناك زميل لي لديه نفس العيب ولكن مع نوبيرا أوتوماتيك وغير فلتر الزيت من قريب ويمون 92 أيضا.. فما العيب في هذه الحالة؟!!
غالبا فى طقم الدرياج
وليه مايكونش في سدد بسيط في الرشاشات ؟
طب ما تجرب تحطها على الاسكانر
انا عندى نفس المشكله يا جمااااااااعه اعمل اييييييييه ؟؟
سحب العربيه بقى ضعيف مش زى ألأول خالص
الأول كنت بدوس بنزين كانت بطير دلوقتى بقى وحده وحده على ما تاخد سرعتها جبت منظف رشاشات وبردو حاسس ان مفيش تغير
لو كشفت عليها بالكمبيوتر هيطلعلى العيب ولا ايييييييييه ؟؟؟؟
اسمحولي اعتقد العزم يقصد به القوة مثلا وانت طالع مطلع والسحب هو السرعة فمن المتعارف عليه إن السيارة اللي موتورها ضعيف بتجري اسرع واتمنى الا اكون مخطئ
السحب هو التسارع acceleration و هو مدى تغير السرعة بالنسبة للوقت
اما العزم torque هو القدرة الحصانية للسيارة على السرعة الدورانية للعجل و ده صفة من صفات الموتور المرتبطة بالقدرة الحصانية
اما العيب اللي عندك مؤشراته هي ضعف تسارع السيارة نتيجة لعدم النقل الجيد للقدرة (عزم x سرعة ) من الموتور الى العجل
او ضعف عام فى قدرة الموتور نتيجة لعدم الاحتراق الجيد
power=torque x angular accelration x time
العزم : العربية بطيئة جدا بس دكر وقفها وده قمة العزم
السحب : العربية بتزيد في السرعة قوي بس تلمسها تقف
القدرة :هي ما بتتشافش عشان كده وحدتها الحصان عشان قوي جدا و سريع جدا و دايما السحب و العزم مدمجين في صورة واحدة لا يجزؤو و هي القدرة
والله حتى انا صارت السيارة عندي في الاول والثاني قرف وبطى حتى احينانا اعوذ بالله تسببلي حادث من الخلف وبالذات لما يكون معي اشخاص في الخلف ولما اشغل المكيف خلاص اخر قرف .. يعني ايش يكون الحل ...
طيب لو جبت منظف رشاشات وحطيته مع التفويله وممكن الرشاشات تكون كويسه اصلا هيحصل حاجة؟
تفويلة تانك
معليش ايش معنها تراني من مكة
وطيب كيف اعرف انه الرشاشات فيها مشكلة ...
ولو ما فيها مشكلة كيف اعمل تنظيف من وين اشتري المنظف في السعودية يارت احد من السعودية نشتغل سوا
الأجابه بعد اذن الزملاء , لانهم قالوها بطريقه احسن مني
ولو حضرتك عايز تعرف رأيي بطريقتي هقولك :-
لما تكون ماشي بالعربيه سواء على سرعه عاليه او منخفضه وبتواجه مطلع في الطريق وعايز تزود من سرعه العربيه وانت طالع هو ده = العزم = قوه الموتور
لو انت ماشي على طريق عادي وعايز تزود من سرعتك بلمسات معينه للبنزين ده اسمه السحب , يعني مقدار السرعه اللي العربيه قدرت تزودها بعد تزويد البنزين
وياريت فعلا (استاذ محمد ممدوح) تقولنا الصح في حال اننا اخطأنا
أنت ساكن فين في مكة ... والله زمان يا مكة انا عشت فيها 3 سنين وحافظها شارع شارع وحارة حارة .... لو عايز المنظف ده اقولك تجيبه منين .. عارف هايبر ماركت بن داوود اللي في شارع العزيزية الشمالية ؟ في خلفة محلات لقطع غيار السيارات وكماليات واكسسوارات السيارات , حتلاقي عندهم كل حاجة انت عايزها ..
من اسباب نقصان العزم المهمة
البنزين المغشوش , الواحد فينا لو ركز هايلاقي ان عربيته كل تفويلة بتبقى بحال
انا عن نفسي كده
آسف إني معلقتش من كام يوم رغم إني صاحب المشكلة بس كل الحكاية إني قولت أستنى لغاية ما أروح للميكانيكي.
وفعلا روحتله وطلع الموضوع كله جاي من طقم البوجيهات وفلتر البنزين لما غيرتهم العربية بقت حاجة تانية خالص.
الميكانيكي طلع فلتر البنزين وطلع منه زفت والبوجيهات كانت عدمانة رغم إنها من نوع ngk بمجرد تغيير الحاجات دي حسيت بفرق في العربية
وده بالإضافة - ولو إنه ملوش دعوة بالموضوع - ركبت ترموستات الكوعة بعد ما كنت شايله قبل كده طبعا فرق في السحب مع الوضع في الاعتبار إني حطيت ميه خضرا سعودي نظيفة بعد ما نضفت الريداتير بمية بـ (خل) ومقلكوش ع اللي طلع من جواه من صدا.
ومتصدقش أي ميكانيكي يقوللك شيل الترموستات ده لأن الموتور بيبرد مع السرعات العالية ود بيزود فعلا من استهلاك البنزين.
بالإضافة إني اشتريت منظف دورة بنزين وناوي أحطه إن شاء الله مع أول تفويلة وعموما هو لو مفادش مش هيضر.
ملخص الكلام إن علشان يبقى عزم العربية كويس باستهلاك بنزين كويس لازم الأشياء التالية:
1- لازم ترموستات الكوعة يبقى راكب مع مية خضرا من نوع كويس.
2- تغيير فلتر البنزين كل 5000 كيلو بالكتير
3- الكشف على البوجيهات كأول احتمال لما تلاقي العزم أو السحب قل.
4- حاول تبص على طرمبة المية والبنزين واتأكد إنهم في حالة جيدة.
5- اعمل تنظيف لدورة البنزين بواسطة منظف الدورة كل 10000 كيلو.
6- حط بنزين 92 على الأقل بالنسبة للدايو علشان ده بيطول فترة تغيير فلتر البنزين وحاول إنك تشوف بنزينة جديدة ونظيفة تمون منها.
7- متقارنش استهلاك البنزين أو العزم بتاع عربيتك دايما بالزيرو منها لأن كل حاجة ليها عمر افتراضي ومبتفضلش كويسة بنفس الكفاءة طول العمر الافتراضي بتاعها إنما لازم أدائها بيقل بمرور الوقت وكل اللي بنحاول نعمله إننا نحافظ على الحاجة بحيث إنها متبوظش قبل العمر الافتراضي المقرر ليها والدليل على كده إن بره لازم العربية تتغير كل عدد من السنين علشان متقلش مع صاحبها ومتقنعنيش إن الصنايعية اللي عندهم أقل في الذمة والضمير من اللي عندنا وأكيد برضه كفاءة قطع الغيار بتاعتهم أعلى من كفاءة قطع الغيار بتاعتنا ورغم كل ده بيغيروا العربية كل عدد معين من السنين بمجرد ما تفتح بقها لأنهم مؤمنين بإن كل حاجة ليها عمر والأولى إننا نكون مؤمنين بالمبدأ ده أكتر منهم لكن اللي بيخلينا نقاوح هو الفقر لأن الواحد عندنا مبستحملش يجيب عربية ويصرف عليها كتير واللي بيجيب زيرو غالبيتهم بيبقى قسط مش كاش وبرضه مبيبقاش نفسه يصرف عليها ومفيش عربية كده ، طبعا ناهيك عن التقفيل المصري للعربيات فحدث ولا حرج وعن اللي بيحصل في مراكز الخدمة المعتمدة وكلنا عارفينه سواء بالتجربة أو السمع.
وكمان اللي بيزود الموضوع إن بره بيجيبوا عربياتهم من فياضة فلوسهم إنما عندنا بنعصر نفسنا علشان نجيب تمن العربية ونحاول إننا نجيب أحسن ماركة بدون ما نبص حتى للصيانة الدورية مش حتى التصليحات.
وأرجو أن أكون قد ساهمت ولو بالقليل وأنتظر إفاداتكم أيضا..
وجزاكم الله خيرا...........
كلام حضرتك جميل وميه ميه بس ليا كام تعليق
المواظبه علي بنزين 92 هيبقي صعب حبتين
ليه قطع الغيار عندهم افضل من عندنا؟؟
هو فيه عربيات بره بتفتح بقها هم عندهم زينا مطبات (جبال) وبنزين (زفت) زينا
معلش انا مش معاك في نقطه إن بره بيجيبوا عربياتهم من فياضة فلوسهم!!!!!!!