الموضوع: حشتري Gen2 مستعملة

المشاركة الأصلية كتبت بواسطة momopersona

:e_braces[1]:
يا راجل الجين تو تكسب متور وثبات !!!
يا اسلام الجولف 5 gti عدادها 300 وبتقفله كمان تخيل ثباتها على 190 بئا هايبئا زى 80 عندنا ههههههه

خلينا نقارن بالعربيات اللى فى سعرنا احسن يا راجل

وماتجيبوش سيرة ولا مرسيدس ولا بى ام ولا اودى ولا فولكس عشان دول حاجه تانيه فعلااا وانا باتعب

يا سيدى انا قطعت الفئة التالتة 2009 والله جرى مواتير طريق العبور والطريق كان فاضى عشان الوقت متاخر وجريت مع اوكتافيا نفس الطريق وطلعت منه
وحكاية العداد 300 مش فارقة عشان مفيش طريق فى مصر كلها يستحمل السرعة دى
والثبات مش هتكلم عشان انا 160 وبلعب بالعربية و190 والله وكانت ثابتة جدا جدا
واحمد حلمى كان بياخد ملفات على 180 لما جرب عربيتى
وصوت المتور باقى دلوقتى هادى الحمدلله بعد ما استعملت زيت فيكسو والعربية ناعمة وحلوة فى المطبات بسم الله ما شاء الله بس لازم تربط العفشة كل 5 الف
والفرامل ممتازة والتكيف تحفة والعزل حلو بس على السرعات العالية اوى بتسمع صوت الهواء وهى بيخبط فى العربية والكسيت جميل
والعربية فيها abs و ebd واتنين ايرباج وجنوط واسبولير وحساسات خلفية
وصاج متين جدا جدا وعربية شكلها تحفة فنية
قولى اشترى الفئة التالتة ليه وانا عندى كل حاجة نفسى فيها

المشاركة الأصلية كتبت بواسطة mido_soliman

بص سيبك انت من فكرة انك صح او غلط منحاز او لاءمش مهم كل دة المهم ان انت على وجة التحديد من الناس اللى محمسانى جدا للعربية دى وبصراحة انا مصدقك
شهادة اعتز بيها
ربنا يكرم بس والفلوس تكمل واجيبها
ان شاء الله تكمل وتجبها فى اسرع وقت
تحياتى ليك وبلاش سرعة عالية ربنا يسترها معانا جميعا
امين يا رب

بس سوال ؟ هوة فعلا العصاية بتاعة الفتيس بتقشر لو اوتوماتيك والزراير اللى فى التابلوة وحلهم اية فعلا لو الكلام دة مظبوط دة غير انى شفت زراير الازاز الكهربا ومش عارف حاسس ان شكلهم وحش ومبينوروش بليل ولا اية ؟

زراير الازاز فعلا مش بتنور بس مع الوقت بتتعود على مكنهم والموضوع بيبقا سهل جدا ونفس الكلام بالنسبة للمتى فاكشن
بالنسبة للعصاية الفتيس وزراير التابلوة كانوا فعلا بيقشروا فى موديل 2006
بس بعد كدا حسنوا خامات تصنعيهم ومش هتلقى المشكلة دى فى الموديلات الحديثة
مشكلة العربية الوحيدة هى ضعف الدهان يعنى بيقشر بسهولة بس مع المحافظة والاعتناء تقدر تتغلب على المشكلة دى
لو عندك اى استفسار عن اى حاجة فى العربية انا موجود ان شاء الله

المشاركة الأصلية كتبت بواسطة eslam_wega

يا سيدى انا قطعت الفئة التالتة 2009 والله جرى مواتير طريق العبور والطريق كان فاضى عشان الوقت متاخر وجريت مع اوكتافيا نفس الطريق وطلعت منه
وحكاية العداد 300 مش فارقة عشان مفيش طريق فى مصر كلها يستحمل السرعة دى
والثبات مش هتكلم عشان انا 160 وبلعب بالعربية و190 والله وكانت ثابتة جدا جدا
واحمد حلمى كان بياخد ملفات على 180 لما جرب عربيتى
وصوت المتور باقى دلوقتى هادى الحمدلله بعد ما استعملت زيت فيكسو والعربية ناعمة وحلوة فى المطبات بسم الله ما شاء الله بس لازم تربط العفشة كل 5 الف
والفرامل ممتازة والتكيف تحفة والعزل حلو بس على السرعات العالية اوى بتسمع صوت الهواء وهى بيخبط فى العربية والكسيت جميل
والعربية فيها abs و ebd واتنين ايرباج وجنوط واسبولير وحساسات خلفية
وصاج متين جدا جدا وعربية شكلها تحفة فنية
قولى اشترى الفئة التالتة ليه وانا عندى كل حاجة نفسى فيها

فعلا ظروف الطرق المصريه تخلى الفرق غير ملحوظ
لكن ده مايمنعش ان الفرق كبير بردو يا اسلام

والحمد لله ان العربيه كده وسعرها 80000 جنيه دى فى حد ذاتها ميزه كبيره جدا
لكن بردو اعتقد لو ركبت جولف هاتنزل تقول فرق كبير يا اسلام

ولو معاك فلوس كتييييييير ومش فارقه معاك اكيد هاتركب جولف او فئه تالته او او او

انا بس حسيت ان اسلام زعلان
فقولت اهدى اللعب عشان ماينفعش ازعل اسلام ابدا

مال عز ومال الجين 2
ده الراجل بيعمل كل حاجه ممكن تكرهنا فيها ومفيش فايده
ده لو سمع اسلام هايزعل هايقولك يوووووه ده فى واحد بيقول جين 2 حلوه واحسن من الفئه التالته

المشاركة الأصلية كتبت بواسطة mido_soliman

ههههههههههه على رايك انا قلت اناغشك يا مومو بما ان انا وانت اللى صاحيين وعلى فكرة اسلام دة من الركائز اللى خلتنى اقتنع بالعربية ولية عندى لفة وكنزاية اول ما اجيبها بس تيجى بس :>

مانا عارف يا باشا
ان شاء الله تشتريها وتفرح بيها يا باشا
وعلى فكره اسلام مقاطع التوكيل وبيعمل صياناته بره والحياه معاه زى الفل
نصيحه اعمل زيه انسى ان بروتون ليها توكيل فى مصر واشترى على الاساس ده وانت مش هاتتعب زينا
يلا تصبح على خير بئا