امبارح بليل واحد دخل في العربيه من الخلف في مصطفى النحاس خبطنى و انا بأخد المطب.قالى ملكش عندى حاجه اللى عايز تعمله اعمله.
هى ده مصر......
حسبى الله و نعم الوكيل فيه
عرض للطباعة
امبارح بليل واحد دخل في العربيه من الخلف في مصطفى النحاس خبطنى و انا بأخد المطب.قالى ملكش عندى حاجه اللى عايز تعمله اعمله.
هى ده مصر......
حسبى الله و نعم الوكيل فيه
وانت سيبته يعني ؟؟
طب قولى اعمل ايه اضرب راجل اكبر من ابويه........
ولا اكسرله عربيته و عربت اخوه و ابقى عملت حاجه حرام ربنا يحاسبنى عليه...
ربنا بيخلص
ياباشا دة مش محترم على الاقل اعملة محضر حتى لو مش هتاخد حاجة بس تبهدلة شوية
انا جوز اختى ابوه ضابط و كلمنا ناس فى القسم قالى المحضر ولا هيعمل اى حاجه مفيش منه فايده..
وكلمت ابويا قالى امشى
ربنا يعوض عليك ،،
واضح من الصور ، الإكصدام الفيبر مكسرش ،،
بسيطة إنشاءالله ،،
سمكري نظيف هيضبطهالك ،، مالهوش لازمة التوكيل ،،
معرفهش وش فانوس الفيرنا بكام ،، بس إنشاءالله هتلاقيه في كل حتة ،، مش هيبقي غالي ،،
استاذ احمد
رجاء تحر كتابة لفظ الجلالة ولفظ ان شاء الله
الادارة(1)
مش هينفع وش عشان الفانوس الجزء السفلى بتاعه اتكسر و مش موجودالاكصدام اعرف واحد بتاع فايبر كويس هيضبطه
الشغل كله في الرفرف و الشنطه على خفيف
ربنا يعوض عليك
ربنا يعوض عليك....
وكفاية انك تقول حسبي الله ونعم الوكيل....
في ناس مستقوية نفسها وبتاكل حقوق الناس فاهمة انها هاتهرب من الحساب ....بس مايعرفوش ان جبار السماوات والارض ما بيضيعش حق العباد...وان لو مثقال ذرة هايتحاسب عليها..
سيب حقك عند الله وهاتخدة منة يوم لا ينفع مال ولا بنون....وخلية يشيل من سيئاتك وانت تحمل من حسناتة....ويبقي يورينا بقي هايعمل اية مع زبانية جهنم...لان الاشكال ايلي زي دي مصايبها كتير..
ربنا يعافينا ويرحمنا...ويهدي الظلمة او ياخدهم اخذ عزيز مقتدر بعد ان يرينا فيهم آية ..ويجعلهم عبرة لمن يعتبر...
الحمد لله على سلامتك يا أخ حسام , قدر الله و ما شاء فعل الحمد لله أنها جت على كده , قضاء أخف من قضاء و ربنا يعوض عليك خير. ان شاء الله تتصلح ماتزعلش نفسك فداك , المهم أنك بخير.
منه لله.
قدر الله و ما شاء فعل فداك ١٠٠ عربية يا باشا و إن شاء الله ترجع زي الاول و أحسن
قسم الشرطة بهدلة للجميع ....و بالنسبة ليهم زيد زي عبيد إلا لو فيه واسطة جامدةاقتباس:
بالظبط .. اقل حاجة محضر ..
ماهو كدة الشرطة لا حتعملك حاجة بس تبهدل الراجل شوية !
الحمد الله على سلامتك
بس لازم كنت تعمل محضر يمكن يكون معهوش بطاقة أو رخصة مثل الذى خبطنى من إسبوع من الخلف و طلع معهوش رخصة و لا بطاقة و لا رخصة سيارة و إتحجز فى القسم يوم كامل و إتبهدل أخر بهدلة من غير واسطة و الله
بس كان الضابط متفاهم معى لان سيارتى لسة زيرو (لم تكمل 45 يوم) و دخل فيها عربية نقل (كونتينر) و كنت واقف مش ماشى .
الحمد الله على سلامتك مرة تانية .
شكرا يا جماعه و الله ربنا يخليكو و يبارك فيكو
حسبى الله ونعم الوكيل فيه
يا عم اهم حاجة سلامتك ..احتسبها عند ربنا ...للاسف مضطرين نعيش مع امثالهم
(اللهم اجيرنى فى مصيبتى و اخلف لى خير منها )
معلش اصبر و افتكر ان ربنا باذن الله هيجيبك يوم القيامة و يخليك تاخد حقك منه و ساعتها مفيش عربيات يعني هتاخد منه حسنات لغاية لما ترضى - اعتقد ساعتها هتقول ياريت كان خبطني تاني :-)
ربنا على المفترى
الحمد لله على كل شئ
ربنا يعوض عليك و الف سلامة :)
سبحان من الهمك الصبر لاني لو انا ماكنتش هاتمالك اعصابي فعلا
خاصة لو قاللي كامة زي دي
لو عايز تعملها تعالى اعملهالك عندي في الحرفيين وتطلع زي الفل
وانا اعرف صنايعية زي الفل وبيتغلوا عالبارد كمان
فداك يا حسام وان شاء الله خير
انت عارف ان ربنا مبيجبش حاجة وحشه ويمكن ده يكون فداء اي حاجه محدش عارف عيون الناس قيها ايه؟
وان شاء العربيه تخلص على خير وترجع احسن من الاول
طيب إنك نزلت من العربية زعقت جامد عشان يقولك كده ولا قال كده من الأول
ومتقلقش ربنا مابيضيعش حق حد
تلاقي خبطك في المطب إلي عند الجامع صح؟
انا نزلت ساكن ومتكلمتش خالص عشان راجل كبير وهو اللى كان بيزغق.
وهو الحوار عنده اخره 300 او 400 جنيه
كان معاه لادا 2107
والله لما كان معايا الادا مكنتش بعمل كده
هو كان مطب صغير كده قدام معرض بتاع هيونداى
كل خبطة من طرف واحد ....وراها لادا
قدر الله وماشاء فعل ... اهم حاجه انك بخير و قول حسبى الله ونعم الوكيل فى الراجل ده
انا ان كنت مكانك ماكنتش سبته مش عارف انتا استحملت ازاى :(
انت عملت الصح علشان سن الراجل
بس بصراحة انا لو مكانك و اتئلى كلمة زى دى كنت نزلت بكلبش الدركسيون و كسرتلة الفنوس و الازاز و قلتة ملكش حاجة عندى
انا عارف ان دا اسلوب وحش بس كل واحد لية طاقت تحمل و الناس بئت مستفزة جدا و تحس ان مينفعش معاهم غير كدة
والله يا جماعه سبحان الله انا اصلا عصبى جدا
بس لولا ربنا و ان كان معايا جوز اختى كنت كسرت عربيته و عربيت اخوه
يا اخ حسام حصل خير...
زي ماقولتلك ربنا ما بيضيعش حق العباد.....ربنا رحمة وسعت كل شيء...بس الرحمة دي للمعاصي ايلي بين العبد وربة ....لكن ايلي بين العباد وبعضيهم معلقة ايلي يوم الدين....ولما انت بنفسك تسامح فيها....
وياريت الناس كلها تفهم كدة كويس قوي.....
لان للاسف الشديد جداااا ....الناس بتصلي وبتصوم وبتحج وبتزكي ....بس بتاكل بعضها ...وبتفتري علي بعضها....وبتأذي بعضها ...فاهمين ان الصلاة والصوم والحج هاتنفعه....
كما قال النبي - صلى الله عليه وسلم - حيث سألهم كما في صحيح مسلم: (أتدرون ما المفلس؟ قالوا: المفلس فينا من لا درهم له ولا متاع! فقال النبي - صلى الله عليه وسلم -: (إن المفلس من أمتي من يأتي يوم القيامة بصلاة وصيام وزكاة ويأتي وقد شتم هذا وقذف هذا وأكل مال هذا وسفك دم هذا وضرب هذا فيعطي هذا من حسناته وهذا من حسناته فإن فنيت حسناته قبل أن يقضي ما عليه أخذ من خطاياهم فطرحت عليه ثم طرح في النار.
+100000000000000000
الحمد لله أنها جت على اد كدا و حسبي الله و نعم الوكيل في الناس اللي زي دي
و برضه حسبي الله و نعم الوكيل في القانون المصري اللي مابيحميش المصريين من حوداث السيارات و الحكومة سيباهم يخبطوا في بعض و لا كأنهم راكبين عربيات ملاهي و بيلعبوا سيارات تصادم
ربنا يستر علي طريقنا كلنا البلد بقت زحمة بدجة تخلي الواحد مش طايق نفسه
هية دى مصر
يبقى انت اكيد اكيييييييد فى مصر :(
المهم ان حضرتك بخير وحسبى الله ونعمة الوكيل على اخلاقيات الناس
على فكرة حصلى نفس الموضوع وأنا كنت مع والدى وكنت فى شارع ثلاثنى بفيصل وكنت بعدى من مطب وكانت ورايا عربية بيجو 505 لاقيتة فجأة لازق جنبى وانا على المطب المهم بيعدى بعربيتة بجنبى خبطلى المرايا وتكسرت وراح شاتمنى وكان والدى معايا المهم كنت هاطأ من الغيظ وكنت ناوى بصراحة اعرض العربية ادام عربيتة وانزل اضربة او اكسر عربيتة , بس والدى لاسف كان معايا ومعرفتش اعمل اى حاجة لا ن والدى مريض واى انفعال يأثر علية وبعد كدة قلت حسبى الله ونعمة الوكيل وربنا يرزقك بعربية نقل حلوة تظبطك (داين تداين )
وعلى فكرة المحضر مش هايعمل حاجة لحضرتك لاسف لانى ياما عملت محاضر فى مشكل قبل كدة ولا عملتلى اى حاجة
انا لو منك كنت اهدده اني اعمل محضر في القسم و يتجرجر من قفاه زي الحرامية ......و لو ما رضاش برضه يتحمل تكاليف التصليح تروح تعمل المحضر فعلا......
هو صحيح المحضر مش حيجيبلك حقك بس علي الاقل يتمشور شوية في الاقسام و تتشاف رخصه و لو معهوش رخص حيتظبط اخر تظبيط
اللى حصل حصل بقى والحمد لله....ربنا يسهل بقى و السمكرى ينجز فيها
ربنه يعوض عليك بس برضه كان المفروض تاخد حقك دي سلبيه (سوري يعني)
ربنا يعوض عليك....
وكفاية انك تقول حسبي الله ونعم الوكيل....
معرفهش وش فانوس الفيرنا بكام ،، بس إنشاءالله هتلاقيه في كل حتة ،، مش هيبقي غالي ،،
استاذ احمد
على فكرة الفانوس الخلفى للفيرنا حوالى 85 جنية الصينى و105 التيوانى الاسعار دية عرفتها وانا بشترى مساعدين بتوع عربيتى الاكسيل كان واحد بيشترى فانوس خلفى فيرنا عند محل المنير بفيصل
المسالة إن شاء الله بسيطة
انا عندى الفانوس كله اتكسر مش الوش...
العربيه شكلها جديد ربنه يسمحه على العمله ده
يعوض الله