بص على الموضوع ده
http://www.nilemotors.net/Nile/96939...post3872009357
بص على الموضوع ده
http://www.nilemotors.net/Nile/96939...post3872009357
ماتزعلشى منى انا مش متعود ادتخل فى الشروحات التقنيه
بس اعتقد ان الاجابه ممكن تكون مختلفه بعض الشئ او حضرتك بسطها خالص
الارضى ده اللى المفروض ground zero
هوه مافيش حد بيوصل عند زيرو بس بنحاول تقرب
بتبقى الrefrence اللى بنقيص عليه
يعنى البطاريه المفروض تطلع 12 فولت لو العربيه الارضى مش صح ممكن تكون عند نص فولت
وده بيأدى ان لما تيجى تحسب فرق الجهد تلاقيه حداشر و نص مش اتناشر
ده اللى العربيه هتشوفوا
ده بيأدى ان يحصل داون فى اداء الاجهزه الكهربيه و تلاقى حاجات تبوظ او مش تشتغل صح
زى الارضى بتاع العماره لما بيحفروله بير عشان تبقى تقطه الجرواند زيرو
انت لما تيجى تقيس فرق الجهد على اى device فى العربيه لازم يكون فى الحدود بتاعته
يعنى لو 12 فولت يبقى تقيسه مع reference الارضى تلاقيه 12 لو 11 و نص اللى جاى عليه يبقى يتأثر
نراجه تانى
فرق الجهد = التيار فى المقاومه
المقاومه بالنسبه للاجهزه ثابته و فرق الجهد يقل يبقى التيار يقل
و ده يأثر على الجهاز
و جميل جدا تشبيه الكهربا باfluids
فى الحاله ديه بيبقى فرق الجهد هو الضغط و ال flow هوه التيار و المقاومه هيه الاحتكاك
و شكرا
ده كلام سليم وأتفق معاك بخصوصهاقتباس:
نراجه تانى
فرق الجهد = التيار فى المقاومه
المقاومه بالنسبه للاجهزه ثابته و فرق الجهد يقل يبقى التيار يقل
و ده يأثر على الجهاز
و جميل جدا تشبيه الكهربا باfluids
فى الحاله ديه بيبقى فرق الجهد هو الضغط و ال flow هوه التيار و المقاومه هيه الاحتكاك
بالعكس دا أنا سعيد بتعليقك هذااقتباس:
ماتزعلشى منى انا مش متعود ادتخل فى الشروحات التقنيه
على الأقل ....يا أنا حستفيد
يا أنت ستستفيد
أنا فعلا بسطها خالص لأبعد الحدود ...بس غير مقتنع للأن بحيود تفسيرى عن المنطق والمضمون الكهربى السليماقتباس:
بس اعتقد ان الاجابه ممكن تكون مختلفه بعض الشئ او حضرتك بسطها خالص
لسريان التيار الكهربى من النوع الثابت وذهابه الى المستهلكات
ده مش أرضى بمعنى أرضىاقتباس:
الارضى ده اللى المفروض ground zero
هوه مافيش حد بيوصل عند زيرو بس بنحاول تقرب
بتبقى الrefrence اللى بنقيص عليه
ولكنه بيمثل القطب السالب فى دواير التيار المستمر
فيه أختلاف بين كهرباء المنازلاقتباس:
ده بيأدى ان يحصل داون فى اداء الاجهزه الكهربيه و تلاقى حاجات تبوظ او مش تشتغل صح
زى الارضى بتاع العماره لما بيحفروله بير عشان تبقى تقطه الجرواند زيرو
وكهرباء السياره
فكهرباء السياره .....من النوع الثابث كما نعرف
ولكى يحدث مرور سلس وسريع عبر الخطوط تحت تأثير الجهد الكهربى ( زى علو الضغط فى ميكانيكا الموائع ) يجب من توافر قطبين موجب وسالب يعملان بحاله جيده
القطب الموجب ....وده بنأخده من البطاريه أو الدينامو ( حسب المكنه شغاله ولا لا )
القطب السالب بناخده من الأتصال بين سالب البطاريه وجسم السياره
ورفع كفاءته بتكون من خلال التقويه المطروحه فى الموضوع
لو أردنا تنفيذ ذلك ....مع وجود قلق ملفت للنظر فى الآداء الكهربى للسياره عامة
_____________________________
أما فى كهرباء المنازل فمفيش سالب وموجب
هى فقط فرده كهرباء 220 فولت ....وفرده neutral بيتم أخذها
من مولدات ال380 فولت ذات التيار المتغير ( delta connections )
يعنى مفيش قطب سالب
ومرور التيار الى الأجهزه الكهربيه بيعتمد على كونه متعرج ( فى صورة منحنى جيبى كمانعرف )
_________________________
أتمنى لو فيه حاجه فى كلامى مش صحيحه علميا تعلق عليها
من أجل وضع الأمور فى نصابها الصحيح
طب ممكن سؤال يا أبو أحمد ؟
هي العربية بتتخلص من كهربتها السالة إزاي ؟
معلش أنا مش متخصص فالسؤال ممكن يكون غريب شوية ..
لكن السالب بيصرف الكهرباء فين مع إن العربية معزولة عن الأرض
مفيش حاجه أسمها تتخلص من كهربتها السالبهاقتباس:
هي العربية بتتخلص من كهربتها السالة إزاي ؟
أأقولك أزاى ياحمو
هو اللى بيتم كالآتى
لكى يحدث مرور للتيار الثابت فى الدوائر الكهربيه لابد من توافر قطبين سالب وموجب يعملان بحاله جيده
ودى أساس نظرية التوزيع للتيار الكهربى من النوع الثابت
وخللى بالك كويس أوى من مقصودى بكلمة التوزيع الكهربى
______________________________
كان زمان الراجل السقا بيملأ القربه علشان يمر على البيوت ويملأ الأزيار للناس
بيروح السقا للبيوت ويلف عليها بيت بيت وهو شايل القربه ونشيط وبقوته
بعد مابيدى لكل بيت نصيبه من الماء .....بتكون القربه بتاعته فضيت
وبيرجع هلكان وتعبان وقربته فاضيه بعد ماداخ على البيوت
تانى يوم بيروح مالى القربه ومكرر نفس القصه وهكذا
السقا ..............هو مصدر الأمداد الكهربى ( بطاريه أو دينامو حسب وضع المكنه شغاله ولا مبطله )
الأزيار ............هى المستهلكات للتيار الكهربى
نشيط وبقوته ...............ده الجهد الكهربى ( بطاريه أو دينامو )
مالى القربه تانى يوم ..............دى عملية الشحن ورفع مخزون البطاريه ( لو المكنه مبطله بعد الدواره .....أو الدينامو لو المكنه شغاله والدينامو تمام )
___________________________________
طبعا الأزيار كان فيها ميه ....ده موجب مصدر التغذيه الكهربيه
لما بتنشرب ..............بتبقى أيه
بضاعه أتلفها الهوى
خلاص أستهلكت فى بطون مالكى الأزيار
نفس الوضع للجهد الكهربى ....بيستهلك داخل بطون المكونات الكهربيه المختلفه بالسياره
وبيتحول من صوره لأخرى
فمثلا الأناره بتحول الطاقه الكهربيه لطاقه ضوئيه
المارش بيحول الطاقه الكهربيه لطاقه حركيه
الكاسيت بيحول الطاقه الكهربيه لطاقه صوتيه ...........وهكذا
مع ملاحظة أن كل زير بياخد على قد معدته ( وهو ده دور الفيوزات على المستهلكات الكهربيه )
______________________________
أنا زيك مش متخصص فى الكهرباءاقتباس:
معلش أنا مش متخصص فالسؤال ممكن يكون غريب شوية ..
بس دايما بأشبهها بفرع ميكانيكى
أسمه ميكانيكا الموائع fluid mechanics
والفرع ده أنا متخصص فيه فى المجال الهندسى
ومن هنا بأربط بين الكهرباء والفرع ده من الهندسه الميكانيكيه
كتر خيرك يا باش مهندس ..نورت المحكمة .
طيب ليه سواقين النقل بيدلدلوا سلسلة للأرض من عربياتهم ؟
حلوه وملعوبهاقتباس:
طيب ليه سواقين النقل بيدلدلوا سلسلة للأرض من عربياتهم ؟
أعتقد وبنسبه كبيره
لتفريغ أى شحنه كهربيه قد تكون زائده عن المطلوب الى الأرض
نظرا لأن الحاجه لتيار كهربى كبير فى محركات الديزل مش مطلوب زى محركات السيارات
نظرا لعدم وجود دوائر أشعال فى محركات الأشعال بالضغط ( التى تعمل بوقود السولار )
لأن أكيد المارش عندهم كبير عن بتاع سيارات الركوب وبالتالى البطاريه أو البطاريتين ( حسب الوضع أكبر )
مما يعنى وجود دينامو بسعه كهربيه كبيره ( لزوم البطاريات الكبيره )
وبعد مابتتشحن بيبقى فيه فائض من خرج الدينامو مش مطلوب
وبيضطروا يعملوا قصة السلسله دى
لأن السقا بعد ماحيفرق الميه حيتبقى ميه معاه فى القربه ومش معقول يرجع بيها وهو شايلها على كتفه تانى
حيروح دالقها على الأرض من خلال السلسله
_____________________________
أتمنى تكون المحكمه أخدت بالها مما أعنيه فى محركات الديزل
علشان حكمها يبقى معقول ومتشركناش