تجربتى فى شراء بطارية جافة اليوم
النهاردة الصبح وأنا نازل أودى الأولاد للمدرسة أو ما شغلت الكونتكت لقيت صوت الصفارة الطبيعية متغير و إضاءة التابلوة ضعيفة و المارش تقريبا ميت:120146b عرفت إنه عيب بطارية بالرغم إنى شيكت عليها من شهر بس علشان عملت كده معايا من سنتين بدون سابق إنذار فعرفت على طول.
المهم عملت توصيلة و دارت على طول و رحت أغير البطارية. كان فى دماغى إما AC Delco أو VARTA بس الأولى لقيت بعض المشاركات من الأخوة السعوديين فى منتدى صديق بيشتكوا منها بعد ما بقت تتعمل فى السعودية بدل أمريكا (بيقولو عليها بقيت وطنية) المهم قلت أجيب الفارتا الألمانى. عديت على ممدوح مبروك غطاطى فى فيصل لأنه صاحب توكيلها. المهم قالولى إن سعرها زاد من مارس و بقت ب620:120146b بصراحة كنت حمشى بس لما لقى الإستكر بتاع نايل موتورز (لا أعلم لو كان عامل offer مع المنتدى أو لأ) قالى إنه حيعمل لى خصم 150 جنية:36_1_1[1]: و حيشترى القديمة ب30 جنية. المهم إنى كبرت دماغى عن التفاصيل لأن السعر النهائى 440 تقريبا زى ما بعض الأعضاء إشتروها قبل كدة.(البطارية C14 مواصفاتها - 56 أمبير -12 volte ) المهم طلب منى تشغييل التكييف و النور و الكاسيت و شيك على الدينامو و أدانى طمان لمدة سنة. ولازم أجيله كل شهر يشوف الدينامو علشان الضمان. و دى تجربتى التى أرجو أن أفيد بيها الأعضاء.و دى صورتها
http://store2.up-00.com/Apr10/fvD67309.jpg