الأخ مصري و عايش بره ؟ و لا مصري و عايش في مصر ؟
على فكرة الموضوع ده ممكن يطلع فشنك ..
أنا باشتغل فى مستشفى والحركة دى بنعملها كتير وماحدش يقدر يقول انها رشوة.
نكون بنشترى جهاز غالى بنص مليون مثلاً للمستشفى ، فلما نستقر على الشركة اللى هناخد منها جهاز محترم ، نبدأ نساومهم على الهدايا اللى بتبقى فوق الجهاز (تحابيش الجهاز) ، يعنى بنخليهم يلتزموا بأن يعملوا تقفيلة ألوميتال مجاناً للحجرة اللى هيتحط فيها الجهاز ، يركبوا تكييف لجعل الجهاز يعمل فى درجة حرارة مناسبة .. كده يعنى.
فمتهيأ لى ان دى بالرغم من ان شكلها رشوة ، إلا انها مش رشوة
فممكن موضوع مرسيدس يكون حاجة زى كده والأمور مش واضحة.
يعنى مثلاً الوزارة دى اشترت هياكل مرسيدس بمبلغ كبير وفرضت على شركة بنز انها تدى الوزارة هدايا فى صورة سيارات سيدان ، تخش قانونى وتسجل باسم الوزارة قدام كل الناس .. ففى الحالة دى شركة مرسيدس هتقول انها دفعت رشوة (لأن الحاجات دى كانت حافز لاتمام الصفقة بالرغم من انها مش جزء من الصفقة) ، لكن الوزارة المصرية مش هتبقى مرتشية ، لكن هتكون شاطرة ، لأنها خلصت الصفقة بسعر أقل حين يضاف ثمن الهدايا اللى دخلت للوزارة فى النور.
بجد خايف أبص تحت السرير ألاقيكو تحتيه
حتى nilemotors مش سايبينه
كلامك مظبوط دة بيحصل في حتت كتير
بس لم ال-تقفيلة ألوميتال أو التكييف يركبه في المستشفى
غير لم يركبه في بيت مدير المستشفى مثلاً:Oc_sun1[1]:
هو دة السؤال العربيات راحت فيييين؟؟:049:
هي جت علي المسئول الغلبان ده المسئولين كلهم بياخدو..........
لا فض فوك يا اخى تكلم حتى يرى الجميع الحق
تكلم يا ابن بلدى - تكلم ايها المصرى الشجاع
تكلم يا ابن مصرى البار - تكلم يا ابن الشعب تكلم يا ابن شعب مصر العظيم
كل مصرى ارفع رأسك لقد انتهى عصر الفساد
سلمت كيبورديتك و سلمت يدك و سلم لنا كل مصرى اصيل غيور على وطنه و على رئيسه
لقد دمعت عيناى و اغرورقت مقلتى اعينى بالدموع من هذه الاتهامات الباطله التى تطول جنبات الوطن بالفساد
و لولا تلكع قله من الموظفين لعرض الامر على فخامه الرئيس لكان للموضوع شأن اخر
سفينه مصر الان تتحرك بخطى حثيثه نحو مزيدا من الرقى و نحمد الله علا وجود سياده الرئيس معنا الذى جنب الوطن غياهب الفقر و غياهب الحروب و غياهب الفساد
و هنيئا لنا جميعا بفتره حكمه الزاهره و طوبى لكل مصرى اصيل و طوبه لكل معارض لئيم
شكرا سيدى المواطن
شكرا للبرنامج الانتخابيى
شكرا سيدى الرئيس
ايه ده !
هو اكرم اشتغل فى الحزب الوطنى ولا ايه ؟
طالما وصلوا لنايل موتورز يبقى من باب الاحتياط
كل واحد يعمل الاتي ومش شرط الترتيب
بس كله يتعمل ولو فيه أزيد قولولنا عليه
عاوزين نربي العيال
أي أجهزة فيها بلوتوث تتقفل بالضبة والمفتاح طالما انت فاتح النت
الحرص في استخدام المحمول عبر الشبكات الثلاثة إستنوا الشبكة الرابعه (( الوريث للإتصالات ))
فخامة - عداله - ديمقراطيه - ديكتاتوريه - إسقاط - تكويس - توريث - تسييس - تهميش - تفليس - توكيس - تكويس - قرارت -
أي ورقه مكتوبة عند أي حد داخل فيها اي كلمه من اللي فاتوا أو فيها حتى أي حرف من حروف الكلمات دي
تتحرق الورقة دي فورا ويتحرق القلم اللي كتبها كمان لو قدرنا ماننستعملش الحروف اللي بتتكون منها الكلمات دي في اي حوارات يكون اضمن
إيه تاني .. ممنوع التشبه بأي حد من اللي بالي بالكم في اللبس مثلا ممنوع لبس اي هدوم فيها الوان مشابه ليهم او موديلاته
هتقولولي نمشي عرياننين يعني أقولكم عيب بوليس الآداب ما بيترشيش . بس احتياط ياريت نقعد في بيوتنا
ممنوع اي حد يركب عربيه لأنه هناك رواية مصريه قديمه بتقول ان العربيه رمز للبلدوالشاعر قال
" لكم في الخط سيارة حديث الجار والجارة .. إذا سيرتها مالت وسارت في الخطك منهارة
يبقى اللي عربيته بتعطل لا يصلحها لا يقفل عليها في الدولاب وإلا الجهات المعنيه هتقول انه سايب البلد بايظة ؟
كمان أي عربيه مساعدينها عالي من ناحيه وواطي من التانيه صاحبها يلحق نفسه
لأن كده هيبقى شكلها زي ماتكون هتتقلب ، وهتبقى التهمة قلب نظام الحكم ( متنسوش عربيه يعني بلد )
طبعا مش هاتكلم عن الكلكسات صوت الكلاكس عيب لأنه صوت البلد عيب لما يعلى صوتها وبس
====
أنا زهقت .. بصوا إحنا نولع في روحنا أحسن عشان هما يرتاحوا
وبالنسبه لموضوع ان فيه حد تحت السرير نص الشعب باعه من زمان - السرير طبعا مش اللي تحتيه -
تا .. تا .. تـــتتحياتي .. أنا خ ا ي ف
=======
ألفي بشرى