لكل مالكي النوبيرا الاوتوماتيك .هل انت راضي عنها ؟
السلام عليكم ورحمة الله وبركاته ..
ازيكم يااعضاء قسم الدايو ..
انا معايا نوبيرا 2003 اوتوماتيك وبقالها معايا سنه ونص وعامله 95 الف كم
وانا عامل منهم 27 الف كم ..وليا ملاحظات سلبيه عليها :
بعد استعمال سنه ونص و27 الف كم ..الحمد لله لم تتم اي اعمال صيانه في الفتيس
استهلاك البنزين عالي جدا ويتراوح بين 125 كم -140 كم في الصفيحه وسط البلد وحوالي 200 كم على السريع
صوت السياره عالي بصوره ملحوظه عند البدء في التحرك وبيزيد عند الكبس على البنزين وبيقل على السرعات العاليه
سحب السياره سئ (تقيله في طلعتها ) في النقله الاولى والثانيه وخصوصا في النقله التانيه وبعد كده بتفتح وبتجري في النقله التالته والرابعه
الفتيس ذات نفسه له صوت بيظهر مع صوت الماتور (فووووووو)
تم تغيير الزيت والفلتر من 9000 كم ..ومؤخرا لاحظت نقصان في الزيت وتم تزويده حوالي 700 جرام
وجود نتشه (نطره ) في النقلات
كل الحاجات دي خلتني افكر جديا في بيعها ..ومش عارف اتأقلم عليها ..مع ملاحظة اني عمري ماركبت نوبيرا غير عربيتي (مانيوال او اوتو ) ومعرفش ايه نظامها وهل كلها كده ولا لا
ارجو الرد من الاخوه مالكين النوبيرا الاوتو ...ونشوف هل فيه حاجات مشتركه وهل يمكن حلها
وشكرا
