الموضوع: مشكلة في إستهلاك البنزين

المشاركة الأصلية كتبت بواسطة yahia

معايا تيريوس 5راكب 2*4 2008 مشيت بيها 7000 كيلو ..أنا عارف أن كلة حيقللي قصدك 70000 ...لأ هما 7000 بس....حبيت أشوف إستهلاك الينزيين لاقيتها مكملتش 280 كيلو و البنزين خلص؟!
و أكيد دا مش عادي بس فلت أسأل عشان أخويا جاب واحدة معايا و لسة معاه عربية 2000cc كربرتير موديل 80 و بيقللي الإتنين بيسحبو ذي بعض!! يس القديمة بتاخد بنزين 80 كمان :) .... أنا والله ما اقصد أبوظ سمعة العربية..بالعكس أنا بحب العربية دي جدا...بس لازم أعرف أيه الحكاية... و سوأل تاني...لاحظت أن النور بتاعها ضعيف..مايعلاش شوية؟

ممكن تروح التوكيل تكشف عليها و تطمن لأني حاسس انها ضفيره الكهربا بتاعت العربيه
و بعدين انت عايزنا نفتيك بدون علم عن حاله العربيه و الصيانات و عملت فيها ايه و اسلوب سواقتك؟!!!
احنا مش عايزين نورطك و نقلقك من غير ما نكون عارفين حاجه
و ياريت بس تطمنا عملت ايه و المشكله كانت فين
بس في حاجه محيراني شويه
سنتين و كيلومتري 7000 كيلو؟!!
يعني العربيه مش بتمشي و لسه مكملتش 10000 كيلو علشان تحكم علي استهلاك بنزين
و ياتري ايه اخبار الصيانات لأن حتي لو العربيه راكنه فترات كبيره بتكون محتاجه صيانه زي مثلا البوجيهات اللي ممكن تكون ضعفت و محتاجه تتغير عندك فانت بدون علم بتزود دوسه البنزين علشان تعوض ضعف الاداء
و ممكن البطاريه جابت اخرها و ده بيأثر علي الاوتوماتك ببشاعه و حضرتك مش ذاكر عربيتك مانيوال ولا اوتو


اسمع كلامي بس و اعمل زياره للتوكيل و ارجع قولنا حصل ايه بدل ما تلف و تدور حوالين نفسك علي الفاضي و بدون نتيجه