الموضوع: هل السيارات الكوري تعتبر معمرة .... برجاء المساعدة

عادي يا باشا بس يشترط الصيانة الدورية ومن الاخر ايدك تكون فيها

العربيات الكورى عموما بتحب إنها تتغير علطول كل 5 سنين مثلا بس مش لأنها بتفتح بقها لأ لأن فيه موديلات جديدة بتنزل و الواحد بيبقى عايز يجدد و يجيب الأوبشنز الأكتر بس هى تستحمل أكتر من كدة كتيييييييييييير انا مثلا كان عندى لانوس 2 و قعدت راكبها ييجى 5 سنين و عدى عليها حوالى 20 سواق و غيرت فيها حاجات كتير و عملتها صيانتها فى مواعيدها و بعتها لأنى زهقت منها لأن المفروض الواحد يجدد لأنى لو مكنتش بعتها سوقها كان هينزل و سعرها هيبقى فى الأرض و فى النهاية مخسرتش فيها كتير ... على فكرة الكورى تعتبر أحسن عربيات فى مصر من حيث تكلفة التشغيل لأنها بتوفر فى البنزين و الصيانة و قطع الغيار ... و تمتاز عن اليابانى فى حكاية السعر و هى هى نفس الإمكانيات و فى نفس الوقت مش صينى يعنى حضرتك لما تعوز فى يوم من الأيام تبيعها مش هتخسر فيها كتير و تبقى كسبت من كل النواحى

المشاركة الأصلية كتبت بواسطة ahmed samy

و الرك في الأول و الآخر ......على ركوبك

فعلا يا دكتور عندك حق ممكن يكون الواحد عنده عربية محافظ عليها كويس تعيش 20 سنة و واحد تاني يعمل عمرة لعربية موديل سنتين فاتو

المشاركة الأصلية كتبت بواسطة morasystem

العربيات الكورى عموما بتحب إنها تتغير علطول كل 5 سنين مثلا بس مش لأنها بتفتح بقها لأ لأن فيه موديلات جديدة بتنزل و الواحد بيبقى عايز يجدد و يجيب الأوبشنز الأكتر بس هى تستحمل أكتر من كدة كتيييييييييييير انا مثلا كان عندى لانوس 2 و قعدت راكبها ييجى 5 سنين و عدى عليها حوالى 20 سواق و غيرت فيها حاجات كتير و عملتها صيانتها فى مواعيدها و بعتها لأنى زهقت منها لأن المفروض الواحد يجدد لأنى لو مكنتش بعتها سوقها كان هينزل و سعرها هيبقى فى الأرض و فى النهاية مخسرتش فيها كتير ... على فكرة الكورى تعتبر أحسن عربيات فى مصر من حيث تكلفة التشغيل لأنها بتوفر فى البنزين و الصيانة و قطع الغيار ... و تمتاز عن اليابانى فى حكاية السعر و هى هى نفس الإمكانيات و فى نفس الوقت مش صينى يعنى حضرتك لما تعوز فى يوم من الأيام تبيعها مش هتخسر فيها كتير و تبقى كسبت من كل النواحى

أنا يمكن أكون مختلف مع حضرتك في موضوع سعر إعادة البيع , أنا أسمع أن الياباني وخصوصا اللانسر نمرة واحد في سعر إعادة البيع