بص يا وحش انا بقالي حوالي سنة بالف وبدور عشان اجيب عربية في حدود 60 او 70 الف جنية وكنت محتار مابين العربيات اللي انت بتسأل عليهم وضيف عليهم كمان ال punto و ال logan .
االبيكانتو و السبارك قريبين من بعض من حيث قوة الموتور و الحجم لكن سعر البيكانتو مبالغ فية اوى مش عارف لية ؟ ازاى ادفع 63000 ف عربية كورى و صغيره و مفيهاش كل وسائل الامان المتعارف عليها من air bags فرامل abs و ebd اللي بتمنع انزلاق العربيه ؟ فكان لازم اكبر دماغى منها .
بالنسبه للسبارك فسعرها 53000 جنية ودة سعر الى حد ما معقول بس بردو فيها نفس عيوب البيكانتو وكمان ملقتش حد بيشكر فى التوكيل بتاع منصور شيفرولية.
السيلاريو فى رأى هى افضلهم لاسباب كتيير فهى مزودة بكل وسائل الامان اللى ذكرتها و موفرة للبنزين وفيها كل الكماليات اللي ممكن تفكر فيها من ازاز كهربا امامى و خلفى ، مرايات كهربا ، cd player ، جنوط سبور و كمان واسعة وشيك وكل دة ب 60000 جنية لكن بالنسبة لتوكيل سوزوكى فانا لقيت ناس بيشكروا فية وناس تانين مبيشكروش خالص .
يا ريت لو حد معاه سيلاريو يقلنا عملة معاه ايه ؟ .
المفضلات